Md JFS Xasan Sheekh oo Taliska hoggaaminta dagaalka Al-shabaab u badalaya degmada Maxaas

 

Madaxweynaha dowladda Fedaraalka Soomaaliya Xasan Sheekh Maxamuud oo mudo ku dhaw hal bil ku sugan magaalada Dhuusamareeb ee Caasimadda maamulka Galmudug oo uu u tagay hoggaaminta dagaalka ka dhanka ah Al-shabaab ayaa warar soo baxaya waxay sheegayaan inuu ku wajahan yahay magaalada Maxaas ee gobolka Hiiraan.

Ujeedka safarka madaxweyne Xasan Sheekh uu ku tagaayo magaalada Maxaas ayaa la xariirta inuu doonayo in halkaasi uu ka hoggaamiyo howlgalada ka dhanka ah kooxda Al-shabaab ee looga ciribtiraayo deegaanada maamulka Galmudug.

Warar lagu kalsoonaan karo oo ay heshay shabakada HOL ayaa sheegaya in madaxweyne Xasan uu wadahadalo la yeeshay madaxweynaha maamulka la baxay Hiiraan State Cali Jeyte Cismaan oo caan ku ahaa la dagaalanka Shabaab iyo Ugaaska Beesha Xawaadle Ugaas Yuusuf Ugaas Xasan.

Madaxweynaha Soomaaliya ayaa doonaya inuu degmada Maxaas ee gobolka Hiiraan uu ka dhigto xarunta uu ka hoggaaminaayo howlgalada ka dhanka ah Al-shabaab, waxaana muuqaneysa in haatan ay isku soo dhawanayaan madaxweyne Xasan iyo Cali Jeyte Cismaan oo loo magacaabay inuu noqdo madaxweynaha Hiiraan State, kadib markii uu xilkii guddoomiyaha gobolka Hiiraan uu ka qaaday madaxweynaha Hirshabeelle.

Talaabadaan uu madaxweyne Xasan Sheekh uu taliska hoggaaminta dagaalka uga dhiganayo Maxaas oo uu kaga soo guurayo magaalada Dhuusamareeb ayaa kusoo beegmeysa, iyadoo dowladda culeysyo iyo fashil kala kulantay howlgaladii ugu dambeeyay ee ka dhacay deegaanada ku yaala Bariga gobolka Galgaduud, waxaana xusid mudan in madaxweyne Xasan Sheekh uu sheegay in la joogo waqtigii la isla xisaabtami lahaa.

Read More

Ra’iisul Wasaare Xamsa oo booqday ciidamada Xoogga ee ku hawlan ciribtirka Khawaariijta

 

Ra’iisul Wasaaraha Xukuumadda Jamhuuriyadda Federaalka Soomaaliya, Mudane Xamsa Cabdi Barre oo ay wehliyaan Masuuliyiin ka tirsan goleyaasha Hay'adaha Dowladda ayaa gaaray taliska ciidamada Xoogga Dalka ee dagaalka lagu ciribtirayo Khawaariijta ee degmada Aadan Yabaal, halkaas oo si diirran ay ugu soo dhaweeyeen Saraakiisha Ciidanka Xoogga Dalka Soomaaliyeed.

Mudane Xamsa Cabdi Barre, ayaa ujeedada safarkiisu ay tahay sidii uu u dhiirigelin lahaa geesiyaasha ciidanka Xoogga Dalka iyo dadka deegaanka ee gacanta birta ah ku ciribgoynaya inta yar ee kaga harsan kooxaha Khawaariijta Galmudug iyo Hirshabelle.

Ra’iisul Wasaaraha ayaa kuurgeli doona isbeddellada nololeed ee ka jira deegaannadii laga sifeeyey Khawaarijta, oo ay ka mid tahay degmada qadiimiga ah ee Aadan Yabaal, isla markaana kulamo gaar ah la yeelan doonaa qeybaha kala duwan ee bulshada iyo Taliska Ciidanka X.D.S ee laga hoggaamiyo dagaalka ka socda Galmudug iyo Hirshabelle ee lagu sifeynayo argagixisada.

Waa safarkii labaad ee uu Ra’iisul Wasaaruhu ku tago degmada Aadan Yabaal, taas oo muujineysa ahmiyadda ay Xukuumaddu siineyso xoreynta iyo sugidda amniga dalka.

 

Read More

Ciidamada dawladda oo dib uga gurtay deegaano ay hore uga qabsadeen al-Shabaab

 

Saraakiisha amniga ee Soomaaliya ayaa sheegay in ciidamada dawladdu ay dib uga gurteen magaalooyin iyo degaanno ka mid ah kuwii ay qabsadeen toddobaadyadii lasoo dhaafay.

Laba ka mid ah saraakiisha dawladda oo diiday in magacooda la sheego maadaama aysan oggolaansho u haysan inay ka hadlaan hawlgallo xasaasi ah ayaa sheegay in ciidanku ay Isniintii dib uga soo gurteen Ceel Dheer, Masagaway, Budbud iyo Galcad.

Mid ka mid taliyayaasha ciidamada dawladda Gaashaanle Ismaaciil Cabdimaalik oo ah taliyaha guutada 26aad ayaa sheegay inay jirto “waxyaabo yar yar oo istiraatijiyad darteed dib looga gurtay oo si tartiib ah gadaal looga baxay” sida uu hadalka u dhigay inkastoo aanu sheegin goobahaas.

Mid ka mid ah saraakiisha dawlada ayaa sidhoo kale sheegay in goobaha dib looga gurtay aan dawladda dagaal looga qabsan, sidii markii horeba aanay dawladdu dagaal ugu qabsan goobahaas.

Ka sokow goobaha dib looga gurtay, ciidamada dawladda ayaa weli ku sugan magaalada Ceelbuur oo ay qabsadeen Jimcihii.

Gaashaanle Ismaaciil Cabdimaalik ayaa sheegay in ciidamada dawladdu ay isku filan yihiin inay is difaacaan, waxaana uu dadka degaanka ugu baaqay inay mas’uuliyad isa saaraan, oo ay sharafkooda iyo magacooda difaacaan, dagaalka socdana aan la siyaasadayn.

 

Read More

War murtiyeed kasoo baxay shirka golaha wadatashiga qaran ee Dhuusomaeeb ka socday

 

Shirkii todobaad ee golaha wadatashiga qaranka oo uu shir gudoominayey madaxweynaha jamhuuriyada mudane xasan sheikh maxamuud ayaa lagu qabtay magaalada dhuusamareeb ee caasimada dowlad goboleedka galmudug 26-27 August 2023 Ra’iisul Wasaaraha Xukuumadda Federaalka Soomaaliya, Mudane Xamza Cabdi Berri, ku xigeenkiisa, Saalix Axmed Jaamac, madaxda dowlad goboleedyada Galmudug iyo Hirshabeelle Koonfur Galbeed, Jubbaland iyo Guddoomiyaha Gobolka Banaadir.

Kulanka ayaa diiradda lagu saaray dhameystirka howlgallada lagu xoreynayo deegaannada ay weli gacanta ku hayaan Al-Shabaab, soo celinta amniga iyo xasilloonida deegaannada laga saaray iyo sidii dib u heshiisiin loo dhex dhigi lahaa bulshada ku dhaqan deegaannadaas.

Goluhu wuxuu bogaadiyay guulaha waaweyn ee ciidamada qalabka sida oo kaashanaya maleeshiyaad deegaanka ah ay ka gaareen xoreynta deegaanada maamulka Galmudug ee bartamaha dalka, xilliyada ay socdaan howlgallada ciidan.

Goluhu wuxuu isku raacay in howlgallada ciidanku ay noqdaan kuwa waafaqsan istiraatijiyadda qaranka ee lagula dagaalamayo Khawaarijta iyo isku xirka howlaha hay’adaha kala duwan ee dowladda, isagoo hoosta ka xariiqay in dalka uu ku jiro xaalad dagaal, loona baahan yahay in la garab istaago dadaallada dib u xoreynta iyo qorshaha. iyo hoggaankii hawlgallada xoraynta oo la mideeyey lana ballaariyey.

Goluhu wuxuu u xilsaaray heerarka kala duwan ee dowladda inay mideeyaan qorshayaasha mashaariicda iyo adeegyada bulshada, sida maamulka, amniga, caafimaadka, cadaaladda iyo waxbarashada oo si weyn loogu baahan yahay deegaanada la xoreeyay, wuxuuna ugu baaqay ganacsatada iyo dadka samafalayaasha ah inay ka qeyb qaataan dadaallada dib loogu soo nooleynayo dadkaas. meelaha.

Goluhu wuxuu ka codsaday saaxiibada caalamka ee Soomaaliya inay gurmad wax ku ool ah u fidiyaan dadka deggan goobaha la xoreeyey iyadoo la raacayo qorshaha xasilinta ee dowladda, sidoo kale goluhu wuxuu ansixiyay in dowladda federaalka iyo dowlad goboleedyada ay diyaar u yihiin wejiga labaad ee dagaalka lagu xoreynayo deegaannada. Al-Shabaab oo ay ka taliso dowlad goboleedyada Jubbaland, Koonfur Galbeed iyo kuwa galbeed ee dowlad goboleedka Hirshabeelle, ayaa ugu yeertay dagaalyahannada Xarrakatul Shabaab inay isa soo dhiibaan oo ay ka faa’iideystaan ​​cafiska oo ay ka tanaasulaan fikirka xagjirnimada ah.

Sidoo kale goluhu wuxuu u xilsaaray heerarka kala duwan ee dowladda inay dardargeliyaan hirgelinta istaraatiijiyadda qaran ee dib u heshiisiinta, nabadeynta bulshada iyo ciribtirka xagjirnimada, isagoo carabka ku adkeeyay inay ka shaqeyn doonaan xoojinta midnimada dalka iyo dadka.

Goluhu wuxuu walaac xooggan ka muujiyey colaadda ka aloosan gobolka Seol, waxayna labada dhinac ee dirirtu dhexmartay ugu baaqeen inay is-xakameeyaan oo ay ka fogaadaan falalka sii dheerayn kara colaadda, iyagoo ugu baaqay labada dhinac inay ilaaliyaan xuquuqda maxaabiista, waxayna codsadeen gargaar degdeg ah. dadka ku barakacay dagaalka ka socda gobolka Seoul awgeed.

Ugu dambeyntii Golaha Wadatashiga Qaran ayaa uga mahad celiyay Dowlad Goboleedka Galmudug iyo shacabkeeda oo marti geliyay shirkii todobaad ee Golaha.

 

Read More

Guddoomiyaha Hay’adda SoDMA oo qaabilay madax ka socotay madasha mutadawiciinta

Guddoomiyaha Hay’adda Maaraynta Musiibooyinka Qaranka mudane Maxamuud Macalin Cabdulle ayaa xafiiskiisa ku qaabilay madax ka socotay Madasha Mutadawiciinta Soomaaliyeed (Somalia volunteering work forum).

Guddoomiyaha ayaa isbarasho kadib ka dhageestay Guddoomoyaha madasha Mudane Xasan Cali Axmed wax qabadka iyo qorshooyinka fog ee madasha.

Guddoomiye Maxamuud Macalin ayaa dhankiisa soo dhaweeyay fikirka mutadawacnimo ee madasha ku dhisantahay oo ah arrin Soomaaliya si fog ay ugu baahantahay.

Ugu danbayn, Guddoomiyaha Hay’adda Maaraynta Masiibooyinka Muane Maxamuud Macalin ayaa u balan-qaaday in Hay’adda SoDMA iyo Madashan cusub si dhaw u wada shaqayn doonaan.

 

Read More

Ra'iisul Wasaaraha JFS xamze cabdi barre oo gaaray Magaalada Dhuusamareeb

Ra’iisul Wasaaraha Xukuumadda Federaalka ah ee Soomaaliya, Xamza Cabdi Barre oo uu wehliyo ku-xigeenkiisa, Saalix Axmed Jaamac, ayaa maanta oo Jimco ah gaaray magaalada Dhuusamareeb ee xarunta maamulka Galmudug.

Madaxweynaha maamulka Galmudug Axmed Cabdi Kaariye “Gor-Gor”, mas’uuliyiin kale oo ka tirsan maamulkiisa, dowladda federaalka iyo shacabka magaalada Dhuusamareeb ayaa Ra’iisul Wasaaraha ku qaabilay garoonka diyaaradaha ee magaalada Dhuusamareeb.

Wuxuu uga mahad celiyay Berri soo dhaweynta wanaagsan ee loo sameeyay, wuxuuna u mahadceliyay dowlad goboleedka Galmudug iyo shacabkeeda sida ay ugu heelan yihiin ka qeyb qaadashada dadaallada dalka looga xoreynayo Al-Shabaab.

Waxaa la filayaa in Ra’iisul Wasaaraha uu ka qeyb galo shirka Golaha Wadatashiga Qaran oo xiligaan ka furmaya Caasimada Galmudug, iyadoo diirada lagu saarayo sidii loo xoojin lahaa dagaalka lagula jiro dhalinyarada si meesha looga saaro

Read More

Wasiirka isgaarsiinta oo ka hadlay sababta ugu weyn ay dowladdu u joojinayso Tiktok, 1xbet iyo Telegram

 

Wasiirka isgaarsiinta iyo teknooljiyada xukuumadda Soomaaliya, Jaamac Xasan Khaliif ayaa ka hadlay sababta ugu weyn ee ay dowladdu u xirayso isticmaalka baraha bulshada, sida Tiktok, 1xbet iyo Telegram.

Wasiirka isgaarsiinta ayaa sheegay Dowladda inay dhibaato weyn ku qabtay isticmaalka baraha bulshada. Wuxuua si gaar ah farta ugu fiiqay shabakada 1xbet oo ah shabakad caan ku ah lacagaha qamaarka lagu cayaaro.

Wasiirka wuxuu sheegay in askarta dowladda ay gaarsiisay heer ay hubkooda iibiyaan si qamaarka ugu cayaaraan.

“Dhallinyarada askaraha ee qaranka u shaqeeya aad buu ugu faafay 1xbet, oo wuxuu gaaray inay qoryaha kala helaan. Number weyn ayaa jira oo ma ahan wax qarsoodi ah,” ayuu yiri wasiirku.

Wasiirku wuxuu sheegay in si qaldan looga faaidaystay isticmaalka baraha bulshada. Wuxuu sheegay dowladdu in aysan hadda ka gaarin go’aan kama dambays ah, balse ay hakisay, si loo yareeyo waxyeelada ay Dowladda iyo bulshada ku hayaan.

Qaarkood wuxuu sheegay in amniga lagu dhibaateeyo. Qaar kalena wuxuu sheegay in xumaanta lagu faafiyo. Wuxuu sheegay jiritaanka ummadda Soomaaliyeed iyo dhaqankeeda inuu halis ku jiro.

 

Read More

Madaxweyne JFS Xasan Sheekh oo siyaasiyiin iyo bulshada Galmudug kala hadlay xasilinta deegaanada laga saaray Al-shabaab

Madaxweynaha dowladda Fedaraalka Soomaaliya Xasan Sheekh Maxamuud ayaa Xalay kulan kula qaatay magaalada Dhuusamareeb ee Caasimadda maamulka Galmudug, qaar ka mid ah siyaasiyiinta iyo shacabka Galmudug.

Madaxweyne Xasan Sheekh oo si ku meel gaar ah ugu sii shaqeynaya magaalada Dhuusamareeb ayaa siyaasiyiinta iyo bulshada reer Galmudug kala hadlay xasilinta deegaanada laga xureeyay kooxda Al-shabaab iyo qorshaha dowladiisa ay ku gaar siineyso adeegyada aas aasiga ah.

Madaxweynaha dowladda fedaraalka ayaa sidoo kale xusay in deegaanada laga xureeyay Al-shabaab ay ugu talo galeen mashaariic horumarineed, sida Waxbarashada, Caafimaadka, Biyaha iyo kaabeyaasha kale ee dhaqaalaha oo si deg deg ah looga hirgelinaayo dhamaan deegaanada laga xureeyay Ururka Al-shabaab.

Madaxweynaha ayaa masuuliyiinta uu la kulmay la wadaagay dadaalka dowladdu ay ku bixiso dabar goynta kooxaha argagixisada ah, oo ay ciidamada Qaranku ka soo hooyeen guulo wax ku ool ah, isaga oo bogaadiyay garab istaaga dadka deegaanka ee halyeeyada Ciidamada Qalabka Sida" ayaa lagu yiri war kasoo baxay Madaxtooyadda.

Gabagabadii madaxweyne Xasan Sheekh Maxamuud ayaa Dhuusamareeb u jooga dardar gelinta howlgalka ka dhanka ah Shabaab ee la doonayo in guud ahaan dalka looga sifeynaayo, xili Shalay ciidamada dowladda iyo kuwa dadka deegaanka ay gacanta ku dhigeen degmada Ceelbuur oo aheyd taliskii ugu weyna Al-shabaab ee gobolada dhexe.

Read More

RW XFS oo la kulmay Wasiirada Warfaafinta heer Federaal iyo heer dowlad goboleed

 

Mudane Xamsa Cabdi Barre Ra’isul WMudane Xamsa Cabdi Barre Ra’isul Wasaaraha Xukuumadda Federaalka Soomaaliya ayaa hoygiisa ku qaabilay Wasiirka Warfaafinta XFS, Wasiirada Warfaafinta dowladaha xubnaha ah dowladda Federaalka iyo Agaasimaha guud ee Warfaafinta gobolka Banaadir.

Kulanka waxaa goob joog ka ahaa Ra’isul Wasaare ku xigeenka dalka Mudane Saalax Axmed Jaamac, Wasiiru-dowlaha xafiiska Ra’isul Wasaaraha mudane Xersi Gaani iyo Agaasimaha guud ee Wasaaradda Warfaafinta, Dhaqanka iyo Dalxiiska Soomaaliya Cabdullaahi Xayir Ducaale.

Wasiirka Warfaafinta, Dhaqanka iyo Dalxiiska Xukuumadda Federaalka Soomaaliya Mudane Daa’uud Aweys Jaamac ayaa ugu horeyn Ra’isul Wasaaraha warbixin ka siiyay hawlaha ay ka wadashaqeynayaan hay’adaha Warfaafinta heer Qaran iyo dowlad goboleed oo ay ugu dambeysay Istaraatiijiyadda isku xirka xiriirka Warbaahinta oo dhowaan mas’uuliyiinta ku saxiixeen magaalada Muqdisho iyo muhiimadda ay u leedahay mideynta Farriimaha dowladda.

Wasiirada Warfaafinta dowlad goboleedyada iyo agaasimaha guud ee warfaafinta maamulka gobolka Banaadir ayaa Ra’isul Wasaaraha ugu mahad celiyay kulankan  iyaga oo u sheegay in wadashaqeyn wanaagsan iyo aragti mid ah ay maanta leeyihiin hay’adaha Warfaafinta heer Qaran ilaa heer gobol si kor loogu qaado farriimaha wacyigalinta, horumarka Warbaahinta iyo iska kaashiga dagaalka lagu ciribtirayo kooxaha khawaarijta ah.

Ra’isul Wasaaraha Xukuumadda Federaalka Soomaaliya Mudane Xamsa Cabdi Barre ayaa ku bogaadiyay Wasiirrada Warfaafinta dhameystirka Istaraatiijiyadda Qaran ee Isku xirka xiriirka Warbaahinta taas oo kor u qaadaysa mideynta farriimaha dowladda,  Wacyigalinta iyo gaarsiinta bulshada farriimaha saxda ah.

Ra’isul Wasaare Xamsa ayaa kula dardaarmay mas’uuliyiinta in ay xoogga saaraan dagaalka lagu ciribtirayo Khawaarijta, kor u qaadista wacyigalinta  bulshada iyo horumarinta Warbaahinta dalka haddii ay ahaan lahayd Warbaahinta dowliga ah iyo Warbaahinta gaarka loo leeyahay.

 asaaraha Xukuumadda Federaalka Soomaaliya ayaa hoygiisa ku qaabilay Wasiirka Warfaafinta XFS, Wasiirada Warfaafinta dowladaha xubnaha ah dowladda Federaalka iyo Agaasimaha guud ee Warfaafinta gobolka Banaadir.

Kulanka waxaa goob joog ka ahaa Ra’isul Wasaare ku xigeenka dalka Mudane Saalax Axmed Jaamac, Wasiiru-dowlaha xafiiska Ra’isul Wasaaraha mudane Xersi Gaani iyo Agaasimaha guud ee Wasaaradda Warfaafinta, Dhaqanka iyo Dalxiiska Soomaaliya Cabdullaahi Xayir Ducaale.

Wasiirka Warfaafinta, Dhaqanka iyo Dalxiiska Xukuumadda Federaalka Soomaaliya Mudane Daa’uud Aweys Jaamac ayaa ugu horeyn Ra’isul Wasaaraha warbixin ka siiyay hawlaha ay ka wadashaqeynayaan hay’adaha Warfaafinta heer Qaran iyo dowlad goboleed oo ay ugu dambeysay Istaraatiijiyadda isku xirka xiriirka Warbaahinta oo dhowaan mas’uuliyiinta ku saxiixeen magaalada Muqdisho iyo muhiimadda ay u leedahay mideynta Farriimaha dowladda.

Wasiirada Warfaafinta dowlad goboleedyada iyo agaasimaha guud ee warfaafinta maamulka gobolka Banaadir ayaa Ra’isul Wasaaraha ugu mahad celiyay kulankan  iyaga oo u sheegay in wadashaqeyn wanaagsan iyo aragti mid ah ay maanta leeyihiin hay’adaha Warfaafinta heer Qaran ilaa heer gobol si kor loogu qaado farriimaha wacyigalinta, horumarka Warbaahinta iyo iska kaashiga dagaalka lagu ciribtirayo kooxaha khawaarijta ah.

Ra’isul Wasaaraha Xukuumadda Federaalka Soomaaliya Mudane Xamsa Cabdi Barre ayaa ku bogaadiyay Wasiirrada Warfaafinta dhameystirka Istaraatiijiyadda Qaran ee Isku xirka xiriirka Warbaahinta taas oo kor u qaadaysa mideynta farriimaha dowladda,  Wacyigalinta iyo gaarsiinta bulshada farriimaha saxda ah.

Ra’isul Wasaare Xamsa ayaa kula dardaarmay mas’uuliyiinta in ay xoogga saaraan dagaalka lagu ciribtirayo Khawaarijta, kor u qaadista wacyigalinta  bulshada iyo horumarinta Warbaahinta dalka haddii ay ahaan lahayd Warbaahinta dowliga ah iyo Warbaahinta gaarka loo leeyahay.

 

Read More

Guddoomiyaha Golaha Shacabka oo qaabilay Safiirka Jabuuti u fadhiya Soomaaliya

 

Guddoomiyaha Golaha Shacabka Baarlamaanka JFS Mudane Sheekh Aadan Maxamed Nuur (Madoobe) ayaa xafiiskiisa maanta ku qaabilay Safiirka dalka Jamhuuriyadda Jabuuti u fadhiya Soomaaliya Mudane Maxamed Ibrahim Yuusuf.

Guddoomiyaha ayaa safiirka kala hadlay xoojinta xiriirka walaaltinimo iyo midka iskaashi ee ka dhaxeeya labada dowladood ee Soomaaliya iyo Jabuuti. Waxaana uu sidoo kale ka guddooomay dhambaal saalaan uu uga siday Guddoomiyaha Baarlamaanka dalka Jabuuti Mudane Dileita Mohamed Dileita.

Danjire Maxamed Ibrahim Yuusuf ayaa Guddoomiyaha la wadaagay shaqada baaxada leh ka socota dalka, isagoo tilmaamay in Jabuuti ay kaalinteeda lama ilaawaanka ah ka geeysan doonto la dagaalanka khawaarijta, iyo sidii dalka uu u noqon lahaa mid amnigiisa lagu kalsoonaan karo.

Jabuuti ayaa ka mid ah dalalka Afrikaanka ah ee gacan ka geysta howlgalka Midowga Afrika ee AMISOM.

Read More

R/W Xamsa oo guddoomiyay shir looga hadlayay u diyaargarowga shirka Isbadalka Cimilada Adduunka ee COP28

 

Ra’iisul Wasaaraha Xukuumadda Jamhuuriyadda Federaalka Soomaaliya, Mudane Xamsa Cabdi Barre, ayaa guddoomiyey kulanka wadatashiga Soomaaliya ee ku saabsan u diyaargarowga shirka Isbeddelka Cimilada Adduunka (COP 28), kaas oo ay ka qeyb galeen 12 Wasaaradood oo qeyb ka ah qorshaha Qaran ee xakameynta iyo wax ka qabashada saameynta isbeddelka Cimilada.

Ra’iisul Wasaaraha ayaa kula dardaarmay Wasaaradaha iyo hey’adaha kale ee qeybta ka ah, inay la yimaadaan aragti mideysan iyo xalka dhibaatooyinka ay sababaan isbeddelka cimillada, kuwaasi oo lagu soo bandhigi-doono Shirka Isbeddelka Cimilada Adduunka

Ra’iisul Wasaare Xamsa ayaa tilmaamay in isbeddelka cimiladu uu saameyn toos ah ku yeeshay nolosha dadka Soomaaliyeed, gaar ahaan dhinaca deegaanka oo isbeddel ballaaran laga dareemayey 30-kii sano ee la soo dhaafay, taasoo ay sabab u tahay roobabkii oo yaraaday iyo wabiyadii dalka oo biyo yareeyay.

Sidoo kale, Ra’iisul Wasaaraha Jamhuuriyadda ayaa kormeerey xarunta Wasaaradda Deegaanka iyo Isbeddelka Cimilada oo uu ka dhacayay shirka, wuxuuna bogaadiyey horumarka la taaban karo ee ay ku tallaabsatay Wasaaraddu muddadii sanadka ahayd ee ay jirtay.

 

Read More

Shirkada DP World ayaa dhamaadka sanadkan dhamaystirtay balaadhinta dekeda magaalada Boosaaso ee Puntland

 

Wasiirka dekedaha ee maamul goboleedka Puntland ee waqooyi bari Soomaaliya, Axmed Yaasiin Saalax, ayaa sheegay in DP World la filayo in dhamaadka sanadkan ay dhamaystirto balaadhinta dekedda Boosaaso ee maamulkaasi.

Mashruucan oo ay ku baxayso lacag dhan 366 milyan oo dollar oo ay maalgelinayso shirkadda DP World, ayaa ka mid ah dhawr xarumood oo ay shirkaddu ku horumarinayso Geeska Afrika.

“Marka loo eego halka ay ku taallo oo istaraatiiji ah, waa waddo ganacsi oo lagu soo jiidan karo ganacsatada gobolka iyo caalamka,” ayuu yiri wasiir Axmed Yaasiin oo ka hadlayay horumarinta dekedda Boosaaso, isagoo xusay in ballaarinta labaad ay billaaban doonto sanadka soo socda.

Shirkada DP World ayaa sanadkii 2017 ku guulaysatay heshiis 30 sano ah oo lagu horumarinayo laguna maamulayo dekeda magaalada Boosaaso ee xarunta ganacsiga Puntland, sidoo kale shirkadan ayaa heshiis midkan lamid ah kula jirta horumarinta iyo maamulida dekeda magaalada Berbera ee dalka aynu jaarka nahay ee Somaliland.

Read More

Madaxweyne Xasan Sheikh oo magacaabay agaasimaha madaxyooyada Soomaaliya

 

Madaxweynaha Soomaaliya Xasan Sheekh Maxamuud ayaa u Magacaabay Cabdixakiim Maxamed Yuusuf Agaasimaha Guud ee Madaxtooyada Qaranka, kadib markii uu dhawaan is casilay Agaasimihii hore.

Madaxweyne Xasan Sheekh Maxamuud ayaa cusub ee Madaxtooyada Qaranka in Alle uu u fududeeyo Mas'uuliyadda culus ee uu u magacaabay, waxa uuna kula dardaarmay in uu si hufan oo daacadnimo leh ugu adeego Qaranka, ayaa lagu yiri qoraalkaan oo ka soo baxay Villa Soomaaliya ka soo baxay.

Waana Agaaismihii labaad oo Villa Soomaaliya ay yeelaneyso mudada Sanadka iyo dhowrka bilood ah ee Madaxweyne Xasan Sheekh uu Xafiiska joogo.

Waxaa dhawaan is casilay Agaasimihii hore ee Madaxtooyada Soomaaliya Xuseen Sheekh Maxamuud oo iskiis uga tegay shaqada, wuxuuna maalmo ka hor shaaciyey sababta uu isaga casilay xilkii Agaasimaha Madaxtooyada Qaranka.

Cabdixakiin inta aan loo magacaabin wuxuu la-taliye dhinaca siyaasadda ah u ahaa Madaxweyne Xasan Sheekh.

Waxaa digreedada lagu magacaabay lagu shaaciyey inuu leeyahay khibrad shaqo oo kor u dhaafaysa 20 sanadood oo ku aaddan dhinacyada horumarinta hay’adaha dowladda, maamul-wanaagga, tayeynta dowlad-goboleedyada iyo bulshada ay colaaduhu saameeyeen iyo xuquuqda aadanaha.

 

Read More

Madaxweyne Xasan oo ku dhowaaqay inta bil ee dalka looga xoreynayo Al-Shabaab

 

Madaxweynaha Soomaaliya Xasan Sheekh Maxamuud ayaa sheegay in qorshaha dowladda uu yahay in Al-Shabaab dalka looga saaro muddo shan bilood ah. 

Madaxweynaha ayaa hadalkan ka sheegay kulan ay dadweynaha su’aalo ku weydiiyeen oo xalay lagu qabtay magaalada Dhuusomareeb.

Madaxweynaha ayaa sheegay in dowladdiisa ay diyaarisay “qorshooyin cad” oo ay dooneyso inay ku guuleysato shanta bil ee soo socota. Qorshayaashaas ayaa waxaa ka mid ah in dalka laga xorreeyo Al-Shabaab, ayuu yiri madaxweynaha. 

Waxa uu sheegay in dowladda ay Al-Shabaab cirib-tiri doonto ama ay baaqi kusii ahaan doonaan kaliya meelo yar yar oo aysan wax dhibaato ah ka gaysan karin.  

Waxa uu intaas ku daray in dowladda ay sidoo kale wax ka beddeshay xeeladihii hore ee diiradda lagu saarayey qabsashada magaalooyinka iyo xaafadaha, ayna hadda u weecatay in maleeshiyada laga xorreeyo baadiyaha, si aysan u helin fursado ay ciidanka dowladda gadaal kaga soo weeraraan.

Waxa uu sheegay inay wax aan la aqbali karin iyo xushmad darro ku noqon doonto askarta dhiiggooda daadiyey haddii Al-Shabaab ay dib ugu soo laabtaan magaalooyinkii laga qabsaday.  

Saadaasha madaxweynaha ee ah in kooxda dalka looga xoreyn doono shan bil ayaa kasoo hormareyso mid uu horey u sheegay la-taliyihiisa amniga qaranka Xuseen Macallin, oo aheyd xagaagga 2024. 

Qorshayaasha kale ee madaxweynaha sheegay inay doonayaan inay ku guuleystaan bilaha soo socda ayaa ah dhameystirka dastuurka qabyada ah iyo in laga dhaadhiciyo golaha ammaanka inuu xayiraadda hubka ka qaado Soomaaliya.

 

Read More

Soomaaliya iyo Masar ayaa ka wada hadlaya sidii ay iskaashi wadajir ah u yeelan lahaayeen

 

Wasiirka Wasaaradda Waxbarashada Hidaha iyo Tacliinta Sare Dr. Ayman Ashour ayaa xafiiskiisa ku qaabilay Dr. Faarax Sheekh C/qaadir Wasiirka Wasaaradda Waxbarashada Hiddaha iyo Tacliinta Sare ee Jamhuuriyadda Federaalka Soomaaliya iyo wafdiga la socday, iyadoo uu goob joog ka ahaa Danjire Ilyaas Sheekh. Cumar Abu Bakar, Safiirka Jamhuuriyadda Federaalka Soomaaliya ee Qaahira, Dr. Maxamed Samir Xamza, Madaxa Hiddaha iyo Hiddaha ee Waaxda Hiddaha iyo Dhaqanka, Dr. Sharif Saleh, Madaxa Maamulka Dhexe ee Arrimaha Ardayda Caalamiga ah ee Xarunta Wasaaradda Caasimada Cusub ee Maamulka.

Ugu horeyn waxaa kulanka ka hadlay Dr. Cashuur oo ku nuux nuuxsaday xiriirka qotoda dheer ee ka dhaxeeya Masar iyo Soomaaliya, gaar ahaan dhinacyada tacliinta sare iyo cilmi baarista, isagoo tilmaamay in wasaaraddu ay aad ugu daneyneyso horumarinta iyo adkeynta xiriirkaasi.

Labada wasiir ayaa ka wada hadlay qaabkii loo taageeri lahaa iskaashiga labada dal ee dhinacyada waxbarashada iyo dhaqanka, gaar ahaan xaaladda ardayda Soomaaliyeed ee wax ka barata jaamacadaha Masar.

Dr. Cashuur ayaa ku nuux-nuux saday bixinta dhammaan dhinacyada taageerada iyo tasiilaadka looga baahan yahay ardayda Soomaaliyeed ee Masar iyo in si degdeg ah loo dhamaystiro hannaanka lagama maarmaanka u ah inay si joogto ah wax u bartaan.

Wasiirku waxa uu soo hadal qaaday barnaamijka fulinta ee ay labada dal kala saxeexdeen, kaas oo ujeedadiisu tahay sidii kor loogu qaadi lahaa iskaashiga wadajirka ah ee dhinacyada sayniska iyo waxbarashada ee la xidhiidha jaamacadaha iyo machadyada tacliinta sare ee labada dal iyo in la is dhaafsado khubarada iyo khibradaha dhinacyada sayniska, farsamada iyo maamulka ee ka dhexeeya labada dal. machadyada tacliinta sare, jaamacadaha iyo xarumaha cilmi-baarista.

Dr. Ayman Ashour ayaa ku nuux nuuxsaday danta Wasaaradda Tacliinta Sare iyo Cilmi baarista Sayniska ay ka leedahay faylka wadashaqeynta Soomaaliya gaar ahaan iyo guud ahaan dalalka Afrika.

Kulanka ayaa looga hadlay hannaanka iskaashiga cilmi-baarista iyo cilmi-baarista ee ka dhexeeya jaamacadaha Masar iyo Soomaaliya iyadoo la siinayo ardayda iyo macallimiinta adeegyo waxbarasho, iyadoo la isku dhaafsanayo khibradaha barnaamijyadii ugu dambeeyay ee tababarrada, manaahijta iyo hababka wax-barida, iyo sidoo kale iskaashiga mashaariicda cilmi-baarista ee dhinacyada beeraha. iyo tamarta dib loo cusboonaysiin karo, marka lagu daro iskaashiga dhinaca isbeddelka cimilada.

Dhankiisa Wasiirka Waxbarashada Hiddaha iyo Tacliinta Sare ee Jamhuuriyadda Federaalka Soomaaliya ayaa uga mahadceliyey dowladda Masar taageerada iyo garab istaagga ay la garab taagan tahay ardayda Soomaaliyeed ee wax ka barata Jaamacadaha Masar, isagoo carabka ku adkeeyay in dalkiisa uu aad u jecelyahay in uu ka faa’ideysto khibradda Masaarida ee dhinac walba ah.

Kulanka ayaa waxaa goob joog ka ahaa Ibraahim Maxamed Cumar oo ah u qeybsanaha dhaqanka ee safaaradda Soomaaliya ee Qaahira iyo Ibraahim Cusmaan oo ah la taliyaha wasiirka Soomaaliya.

 

Read More

Imaaraatka Carabta ayaa bogaadiyay dadaalka dowladda Soomaaliya ay kula dagaalamayso Al-Shabaab

 

Dowladda Imaaraadka Carabta ayaa bogaadisay dadaallada dowladda Soomaaliya ay ku bixisay dagaalka ka dhanka ah Al-Shabaab, ciribtirka musuq maasuqa iyo horumarka lagu gaaray.

Tani waxay ka dambeysay kulan uu Ra’iisal Wasaaraha Somaliya, Hamzah Abdi Berri, uu maanta oo Talaado ah Xafiiskiisa Muqdisho kula yeeshay Safiirka Emirate-ka Carabta ee Somaliya, Axmed Jumaa Al-Rumaythi.

Intii uu kulanka socday ayaa Ra’iisul Wasaaruhu waxa uu uga mahadceliyey taageerada Imaaraadka Carabta ee Soomaaliya ee dhinacyada amniga, horumarka iyo arrimaha bini’aadantinimada.

Waxaa xusid mudan xiriirka taariikhiga ah ee Soomaaliya iyo ImaaraadkaCarabta. Abu Dhabi ayaa lagu tiriyaa mid ka mid ah dalalka ugu caansan ee Soomaaliya ka taageera dhinacyo kala duwan.

Read More

RW Xamsa oo guddoomiyay shir looga hadlayay mudnaanta dowladda marxaladda deyn-cafinta kadib

 

Ra’iisul Wasaaraha Xukuumadda Jamhuuriyadda Federaalka Soomaaliya, Mudane Xamsa Cabdi Barre ayaa galabta shir guddoomiyay kulan muhiim oo looga hadlayay jiheynta dhaqaalaha dalka marxaladda deyn-cafiska kadib.

Shirka ayaa lagu soo bandhigay talo-bixin ay sameeyeen Golaha Dhaqaalaha Qaranka, oo ka kooban lix qodob oo taabanaya qorsheyaasha horumarineed, sare u qaadidda maamulka maaliyadda oo ay ka mid yihiin sare u qaadidda dakhliga, xakameynta kharashaadka

iyo isu  dheellitirka miisaaniyadda, maareynta deymaha, hufnaanta iyo isla xisaabtanka, nidaaminta shuruucda iyo siyaasadaha ganacsiga dalka iyo xoojinta siyaasadda lacagta ee kaalinta Bangiga Dhexe.

Ra’iisul Wasaaraha oo bogaadiyay marxaladda uu marayo hannaanka deyn-cafiska Soomaaliya, ayaa dhinaca kale waxa uu faray Wasaarradaha iyo Hey’adaha ku lugta leh inay dardargeliyaan waajibaadka ka saaran dhameystirka qorsheyaasha marxaladda deyn-cafinta kadib.

Read More

Xarunta Gargaarka ee Boqor Salmaan ayaa 1,000 boorso oo iskuullo ah ka qeybisay gobolka Saaxil ee Soomaaliya

 

Xarunta Gargaarka Bani’aadantinimad ee Boqor Salmaan ayaa ah mid ka mid ah howlaha bini’aadantinimo ee ugu muhiimsan ee ay qabato Boqortooyada Sacuudiga, waxaana xaruntan looga gol leeyahay in gargaar bani’aadanimo iyo gargaar la gaarsiiyo dalalka iyo bulshooyinka ku dhibaateysan daafaha caalamka.

Xarunta Gargaarka Boqor Salmaan ayaa qeybisay 1,000 boorso oo ay ku rakiban yihiin qalabka wax lagu qoro ee gobolka Saaxil ee Jamhuuriyadda Soomaaliya, waxaana deeqdan bani’aadanimo ka faa’ideystay ilaa 1,000 qof, waxaana tani ay qeyb ka aheyd hubinta iyo qeybinta bacaha waxbarashada oo ay ku rakiban yihiin qalabka wax lagu qoro ee ardayda. Jamhuuriyadda Soomaaliya ee sanadka 2023.

Kaalmadan ayaa ku soo beegantay qaab ballan qaad ah in Boqortooyada ay taageerto dhinacyada waxbarashada ee dalalka u baahan, kor u qaadida jawiga waxbarashada, iyo bixinta shuruudaha aasaasiga ah ee waxbarasho ee ardayda rag iyo dumar ah. waa mid ka mid ah tiirarka ugu muhiimsan ee horumarka iyo horumarka bulsho kasta, iyadoo la siinayo boorsooyinka dugsiga iyo agabka waraaqaha, ardayda waxaa la xoojiyaa oo la horumariyo fursadaha waxbarasho.

Soomaaliya ayaa lagu tiriyaa in ay ka mid tahay dalalka taageerada weyn ka hela Sacuudiga oo xarun u ah, iyadoo ay ugu wacan tahay caqabadaha bani’aadanimo iyo kuwa dhaqaale ee soo wajaha.

Xarunta Gargaarka Bani’aadantinimo ee Boqor Salmaan ayaa wadamo badan ka qeybisay Mashaariicda iyo Barnaamijyada ay ka fulineyso Hay’adaha Samafalka iyo Horumarinta,

sida Caafimaadka, Biyaha iyo Nadaafadda Deegaanka, Gurmadka Degdegga ah, Waxbarasho iyo kuwo kale, waxaana Soomaaliya lagu tiriyaa in ay ka mid tahay Waddamada deeqaha bixiya. Taageero weyn oo ka timid Boqortooyada Sacuudi Carabiya,

iyada oo loo marayo xarunta, iyada oo la eegayo caqabadaha bini'aadantinimo iyo dhaqaale ee soo food saartay, shaqadani waxay ka tarjumaysaa sida ay uga go'an tahay Boqortooyada Sacuudi Carabiya hawlaha samafalka iyo iskaashiga caalamiga ah, waxayna gacan ka geysaneysaa hagaajinta xaaladaha nololeed iyo siinta fursadaha shakhsiyaadka iyo bulshooyinka ay saameeyeen dhibaatooyinka iyo masiibooyinka.

Read More

Md JFS oo qodobo aad u culus kala hadlay Catriona Laing

 

Madaxweynaha Jamhuuriyadda Federaalka Soomaaliya Xasan Sheekh Maxamuud ayaa Madaxtooyada Galmudug ee Dhuusamareeb kula kulmay Ergeyga Gaarka ah ee Qaramada Midoobay u qaabilsan Soomaaliya Marwo Catriona Laing.

Madaxweynaha iyo Ergeyga ayaa ka wada hadlay qorshaha xasilinta ee degaannada laga xoreeyey argagixisada.

Sidoo kale Madaxweynaha ayaa Ergayga kala hadlay sidii addeegyada aasaasiga ah loo gaarsiin lahaa bulshada sannadaha badan ku noolaa gabood-fallada argagixisada iyo xaaladaha bini’aaddannimo ee adag.

Madaxweyne Xasan Sheekh ayaa la wadaagay Wakiilka Qaramada Midoobay miro-dhalka howlgalada ka dhanka ah argagixisada Al-Shabaab.

Maxaxweyanaha ayaa sheegay in ololaha lagu ciribtirayo argagixisada uu si habsami leh uga socdo degaanada Galmudug, hadafkuna uu yahay in laga sifeeyo degaanada ay wali ku harsanyihiin.

Dhankeeda, Ergeyga Gaarka ah ee Qaramada u qaabilsan Soomaaliya Marwo Catriona Laing ayaa bogaadisay sida ay dowladda iyo shacabka Soomaaliyeed uga go’an tahay cirib-tirka argagixisada.

Sidoo kale Marwo Catriona waxa ayna tilmaamtay in joogitaanka Madaxweyne Xasan Sheekh ee Galmudug ay ka dhigan tahay farriin xoojinaysa halganka xoreynta Soomaaliya.

Ergayga Qaramada Midoobey ee Soomaaliya Marwo Catriona ayaa sheegtay in sidii la isugu furi lahaa deegaannada ay kala xirtay argagixisadu, kana soo maleegto qaraxyada iyo falalka xasuuqa ah ee ka dhan ah shacabka Soomaaliyeed ay dowladda ku garab siinayaan in xal waara loo helo.

Read More

Soomaaliya iyo Imaaraadka ayaa ka wada hadlay xoojinta xiriirka iyo iskaashiga dhanka amniga

 

Wasiirka Amniga Gudaha Xukuumadda Federaalka ah ee Soomaaliya Mudane Maxamed Axmed Sheekh Cali “Doodeshi” ayaa la kulmay Safiirka Dowladda Isutagga Imaaraadka Carabta u fadhiya Soomaaliya Mudane Axmed Juma Al-Rumaythi.

Wasaaraddu waxay qoraalkeeda ku sheegtay in Wasiir Doodiishi iyo Danjire Jumaa ay ka wada hadleen xoojinta xiriirka labada dal ee walaalaha ah iyo iskaashiga dhinaca amniga.

Wasiirka Amniga Soomaaliya ayaa bogaadiyay garab istaagga dowladda Imaaraadka Carabta ay la garab taagan tahay shacabka Soomaaliyeed iyo taageerada ay la garab taagan tahay heer kasta

Imaaraadka Carabta ayaa lagu tiriyaa mid ka mid ah dalalka ugu muhiimsan ee walaalaha ah ee kaalin mug leh ka qaata taageerada Soomaaliya heerarkeeda kala duwan, taasoo

sidoo kale gacan ka geysata dib u soo kabashada Soomaaliya iyo xaqiijinta xasilloonida dhinacyo kala duwan leh, iyagoo garab ka helaya walaalahooda, kuwaasoo sidoo kale gacan ka geysta sidii ay Soomaaliya u heli lahayd xasillooni. ammaanay dhismaha xiriirka laba geesoodka ah ee labada dal ee walaalaha ah dhinac walba.

Read More

Md JFS oo xarriga ka jaray Laanta Bankiga Dhexe ee Galmudug

 

Madaxweynaha Jamhuuriyadda Federaalka Soomaaliya mudane Xasan Sheekh Maxamuud ayaa xarigga ka jaray laanta Bangiga Dhexe ee oo uu ka hirgeliyay magaalada Dhuusamarreeb.

Munaasabadda xarig jarka waxaa ka qeybgalay Madaxweynaha Dowlad Goboleedka Galmudug mudane Axmed Cabdi Kaariye, Gudoomiyaha Bankiga Dhexe ee dalka Mudane Cabdiraxmaan Maxamed Cabdullahi iyo mas’uuliyiin kale ayaa ka qeybgalay xafladda.

Madaxweynaha dowlad goboleedka Galmudug Axmed Cabdi Kaariye oo munaasabadda ka hadlay ayaa sheegay in ka reer Galmudug ahaan ay ku faraxsanyihiin isla markaana muhiimad weyn ay u leedahay in Bangiga Dhexe xaruntiisii Dhuusamareeb dib loo hawlgaliyo oo noqoneysa xaruntii ugu horreysay ee Bangiga Dhexe ee dib looga howlgaliyo meel ka baxsan Caasimadda Dalka ee Muqdisho.

Gudoomiyaha Bankiga Dhexe ee dalka Mudane Cabdiraxmaan Maxamed Cabdullahi ayaa dhankiisa xusay iney ka go’antahay sidii  dib loogu howlgelin lahaa dhamaan laamaha Bankiga Dhexe ee dalka uu ku lahaa si loo baahiyo shaqooyinka Bankiga Dhexe.

Madaxweyne Xasan Sheekh Maxamuud ayaa Madaxda Bankiga Dhexe ee Soomaaliyaku amaanay inuu ka shaqeeyo baahinta xarumaha Bankiga Dhexe ee dalka oo laga hergelinayo xarumaha  maamul goboleedyada dalka.

 

Read More

RW Soomaaliya ayaa kala hadlaya safiir ku xigeenka Mareykanka sare u qaadista iskaashiga dhanka ciidamada iyo la dagaalanka argagixisada

 

Ra’iisul Wasaaraha Xukuumadda Jamhuuriyadda Federaalka Soomaaliya, mudane Xamsa Cabdi Barre, ayaa la kulmay Siihayaha Safiirka ahna Safiir ku-xigeenka Mareykanka u fadhiya Soomaaliya, mudane Shane Dixon, oo ay isla soo qaadeen xoojinta xiriirka ka dhaxeeya labada dal iyo wajiga labaad ee howlgalka dalka looga xoreynayo Khawaarijta.

Ra’iisul Wasaaraha ayaa dowladda Mareykanka uga mahadceliyey taageerada dhinacyada kala duwan leh ee ay siiyaan Soomaaliya, gaar ahaan dhanka horumarinta, amniga, la dagaallanka Khawaariijta iyo arrimaha bani’aadamminimada.

Mudane Xamsa Cabdi Barre, ayaa hoosta ka xariiqay sida ay uga go’an tahay Xukuumadda DanQaran dadaallada ku qotoma ciribtirka kooxaha Khawaarijta ah iyo guud ahaan in dalka looga sifeeyo muddo gaaban maliishiyaadka dadka Soomaaliyeed ka hortaagan nabadda iyo horumarka.

Dhankiisa, Danjire Dixon ayaa ku bogaadiyey Dowladda Soomaaliya dardargelinta dagaalka ka dhanka Khawaarijta iyo qorshayaasha la xiriira barnaamijyada mudnaanta u leh dowladda Soomaaliya.

Read More

Guddoomiyaha Hay’adda Maareynta Musiiboyinka Qaranka Maxamuud Macalim Cabdulle ayaa booqday keydka xarunta Hay’adda ee SoDMA.

 

Guddoomiyaha Hay’adda Maareynta Musiibooyinka Qaranka Mudane Maxamuud Macalim Cabdulle ayaa maanta waxa uu kormeeray keydka ama Baqaarka xarunta dhexe ee SoDMA oo ay ku jiraan qeybaha kala duwan ee Raashinka, Daawooyin iyo Dhar taas oo loogu talagalay in dhawaan loo daabulo deeganadii khawaarijta laga saaray iyo kuwa maalmaha soo socda laga xoreyn doono.

Guddoomiye Maxamuud ayaa sheegay in ka hay’add ahaan ay u diyaar garoobeen sidii gargaar u gaarsiin la hayeen Magaaloyinka iyo deegaannada Gobolada dalka ee dhawaan laga xoreyn doono khawaarijta arxanka daran ee Al-shabaab oo ay ugu horeyo Magaalada Ceelbuur.

Guddoomiyaha ayaa sheegay in marwalba ay ka go’antahay u gargaarida bulshada Soomaaliyed waxaana u sheegay in malamaha soo socdana gargaar mucaawino ah ay u daabuli donaan  Magalaada Lascaanood, oo shacab badan oo dagaalada halkaas ka socda saameen ka soo gaartay ay tubanyihiin banaanka Magaaladaas,

Guddoomiye Maxamuud ayaa ugu baaqay  Shacabka Soomaaliyeed  in ay ka qeyb qataan gurmadka loo fidinayo walalaha Soomaaliyeed ee dhibatada muddada badan ay ku hayeen argagixisada Al-shabaab.

 

Read More

Ra’iisul Wasaaraha oo la kulmay Safiirka UK ee Soomaaliya

 

Ra’iisul wasaaraha Soomaaliya, Xamza Cabdi Barre, ayaa maanta oo Isniin ah xafiiskiisa kula kulmay safiirka dowladda Ingiriiska u fadhiya Soomaaliya, Michael Nithfrianakis.

Intii uu socday kulanka ayaa Ra’iisul Wasaare Hamza iyo Danjire Nithfrianakis waxa ay uga wada hadleen arrimo la xiriira xiriirka labada dal, iyadoo diiradda lagu saaray xaaladihii ugu dambeeyay ee dhinacyada ammaanka iyo siyaasadda Soomaaliya.

Ra’iisul Wasaaraha ayaa ku nuux-nuux saday qorshaha guud ee ay Xukuumaddiisa ku xoreyneyso dalka, isagoo carabka ku adkeeyay in loo baahan yahay in la taageero barnaamijka xasilinta deegaanada laga saaray Al-Shabaab.

Qodobada looga wada hadlay ayaa ahaa dardar gelinta mashaariicda ay UK ka taageerto Soomaaliya, kuwaas oo isugu jira horumarinta, gargaarka iyo amniga, iyadoo Boqortooyada Sacuudiga ay ka mid tahay wadamada sida weyn u taageera Soomaaliya.

 

Read More

Shiinaha ayaa $150 ugu deeqay dadka ku nool deegaannada laga saaray Al-Shabaab

 

Guddoomiyaha Hay’adda Maareynta Musiiboyinka Qaranka Soomaaliyed ee SODMA Maxamuud Macalim Cabdulle ayaa maantay Xarunta dhexe ee hay’adda ku qaabilay Safiirka Dawladda Shiinaha u jooga Soomaaliya Fea Shengchao.

Kulanka oo ay goobjoog ka ahaayeen Xubno ka tirsan Madaxda hay’adda SODMA, ayaa Safiirku ku doonsiiyey Guddoomiyaha Deeq Lacag oo dhamaayd $150,996, oo ahaaye kaalmo.

Kaalmada ka timi Dowladda Shiinaha waxay ugu tala-galeen in lagu caawiyo dadka u baahan iyo Mucaawinooyin kale oo hore lugu soo wareejiyeen hay’adda SODMA, sida lagu xusay bayaan kasoo baxay hay’adda.

Gargaarka iyo mucaawinooyinka ayuu qorshuhu yahay in la gaarsiiyo deeganada kooxda Al-Shabaab laga saaro iyo degaanadda laga xoreeyo si dadka degaanka loogu caawiyo iyo meelaha ay sameeyeen abaarahu.

waxaa kulanka diirada lagu saaray in Dowladda Shiinaha hay’adda ay ka caawiso Mashaaricda Horumarinta, qalabeenta iyo dhisida Ceelasha Biyaha, Tababarada shaqaalaha hay’adda iyo sii xoojinta xiriirka hay’adda iyo Safaarada shiinaha u joogta Soomaaliya.

dagaalaad ka dhanka ah kooxda Al-Shabaab ee ka socoda degaanoo kala duwaan ayaa weli gaarin qoshiihii laga lahaa wellow uu jiro dib u dhac Wajigii labada ee Dagaalka usaan weli billaaban.

waxaana well wel laga muujinayaa degaano horay looga xoreyey oo ay dib ugu soo labtaan Kooxda Al-shabab iyo Tuulooyin hore oo ay ku soo dhowaadeen Maalmihii ugu dambeyey sida wararku sheegayaan.

 

Read More

Madaxweyne Xasan Sheekh oo si KMG ah ugu shaqeynaya magaalada Dhuusamareeb

 

Madaxweynaha Jamhuuriyadda Federaalka Soomaaliya Mudane Xasan Sheekh Maxamuud iyo wafdi ballaaran oo uu hoggaaminayo oo ay ka mid yihiin wasiirro iyo saraakiil ciidan ayaa maanta oo Sabti ah gaaray magaalada Dhuusamareeb ee xarunta maamulka Galmudug ee bartamaha dalka.

Madaxweynaha ayaa si ku meel gaar ah ugu guuray magaaladaas si uu u kormeero howlgallada ciidan ee ka dhanka ah Al-Shabaab, ujeeddaduna tahay sidii meesha looga saari lahaa xarakaadka weli gacanta ku haya deegaanada dowlad goboleedyada Galmudug iyo Hirshabeelle, kuwaas oo dowladda Soomaaliya ay ku guuleysatay in ay ka xoreyso inta badan deegaannadii ay ku sugnaayeen. wajigii koowaad ee dagaalka lagula jiro Al-Shabaab.

Madaxweynaha ayaa markii uu gaaray Dusmareeb waxaa ku soo dhaweeyay Madaxweynaha Galmudug Madaxa Xukuumadda Galmudug Axmed Cabdi Kaariye Qoor Qoor iyo ku xigeenkiisa Cali Taher Ciid oo ay wehliyaan Madaxweynaha iyo Xildhibaano ka tirsan Baarlamaanka Galmudug.

Madaxweyne Xasan Sheekh ayaa doonaya inuu dhameystiro guulihii laga gaaray wejiga koowaad ee dagaalka lagula jiro Al-Shabaab iyo in gebi ahaanba laga sifeeyo dowlad goboleedyada Galmudug iyo Hirshabeelle oo ay ka socdaan dhaq dhaqaaqyo, si dagaallada ay kula jiraan loogu wareejiyo dowlad goboleedyada Koonfur Galbeed iyo Jubbaland.

Madaxweynaha ayaa ku bogaadiyey shacabka Galmudug mowqifka adag ee ay ka istaageen kooxaha xagjirka ah, isagoo ku dheeraaday muhiimadda ugu weyn ee ay u leeyihiin dadaallada xasilinta ee dowlad goboleedka, wuxuuna caddeeyay in dowladdiisa ay ka go’an tahay xallinta khilaafaadka, isdhexgalka bulshada, iyo xoojinta awoodda difaaca qaranka.

Agaasimaha Warbaahinta Madaxtooyada Soomaaliya C/qaadir Cali Digi, ayaa tilmaamay in Madaxweynaha uu howlihiisa shaqo ka gudan doono Magaalada Dusmerib, waxaana uu sheegay inta uu Magaalada ku sugan yahay waxyaabaha ugu muhiimsan ee uu qaban doono ay ka mid tahay in la dardargeliyo dagaalka ka dhanka ah Al Shabaab. Maamul goboleedyada Hirshabelle iyo Galmudug, balse ma uusan soo hadal qaadin mudada uu madaxweynaha joogi doono caasimadda Glamdog.

 

Read More

Madaxweynaha Soomaaliya ayaa wafdiga Sacuudiga kala hadlaya sidii ay isaga kaashan lahaayeen dhinacyada amniga iyo maalgashiga

 

Madaxweynaha Jamhuuriyadda Federaalka Soomaaliya, Mudane Xasan Sheekh Maxamuud, ayaa maanta oo Khamiis ah xafiiskiisa ku qaabilay wafdi ka socday Boqortooyada Sucuudi Carabiya oo uu hoggaaminayey Dr.

Madaxweynaha ayaa dhambaal ka guddoomay wafdiga Boqorka Sacuudiga Boqor Salmaan Bin C/casiis iyo Dhaxal-sugaha Boqortooyada Maxamed Bin Salmaan, taasoo ay ku adkeeyeen muhiimadda ay leedahay xoojinta xiriirka walaaltinimo ee ka dhaxeeya labada dal ee walaalaha ah heerar kala duwan.

Madaxweynaha oo kulanka ku wehliyay Wasiirka Amniga Xukuumadda Federaalka Soomaaliya Mudane Maxamed Axmed Sheekh Cali ayaa wafdiga Sacuudiga kala hadlay iskaashiga dhinacyada amniga iyo maalgashiga, wuxuuna Madaxweynuhu daboolka ka qaaday fursadaha maalgashi ee ka jira dalkiisa iyo dadaallo ay dowladdiisu ku dhiirigelisay maalgashadayaasha, isagoo muujiyay sida uu ugu kalsoon yahay ka qaybgalka Boqortooyada ee dib u dhiska Soomaaliya.

Mr. Ahmed bin Abdulaziz, Lataliyaha Maxkamadda Boqortooyada, ayaa dhankiisa war saxaafadeed ay si wadajir ah u soo saareen Wasiirka Amniga, Maxamed Axmed Sheekh, ku xaqiijiyay in Boqortooyada Sacuudiga ay diyaar u tahay inay Soomaaliya ka taageerto dhinacyada ammaanka iyo maalgashiga. Ujeeddada ah in la helo xasillooni iyo kor u qaadista fursadaha horumarineed ee dalka.

Wasiirka Amniga Soomaaliya ayaa muujiyay sida uu ugu faraxsan yahay taageerada Boqortooyada Sacuudiga, isagoo carabka ku adkeeyay in iskaashiga Soomaaliya iyo Sacuudiga uu qeyb weyn ka qaadan doono sidii loo heli lahaa xasilooni iyo horumarinta dalka.

Read More