Raashiin gargaar ah oo ka timid Imaaraadka oo laga qeybiyay Xamar weyne

 

In ka badan 200 qoys oo ka mid ah shacabka degmada Xamar weyne ayaa maanta ka faaideystay raashiin gargaar ah oo dowladda Istuga Imaaraadka Carabta ugu deeqday.

Raashiinka oo ka kooban noocyada kala duwan ee cuntada ayaa Imaaraadka Carabta ugu talagashay in ay ku soomaan dadka danta yar ee ku nool gobolka Banaadir.

Qaar kamid ah dadkii loo qeybiyay raashinka ayaa dowladda iyo shacabka Imaaraadka Carabta ugu mahadceliyay sida ay mar walba u garan taagan yihiin.

Guddoomiyaha degmada Xamar weyne, Cabdiqadir Maxamed Sheekh Cismaan ayaa dhankiisa ka mahad naqay deeqda raashiinka ah ee la soo gaarsiiyay shacabka degmada.

Shalay ayaa sidan oo kale Imaaraadka Carabta waxay raashiin gargaar ah gaarsiiyay shacabka degmada Shingaani ee gobolka.

Barnaamijkan ayaa qeybka ah taakuleynta u sameynayaan shacabka tabaalaysan inta lagu jiro bisha barakeysan ee Ramadan.

 

Read More

Imaaraatka Carabta ayaa wali sii wada deeqaha ay siiyaan Soomaaliya

Hay’adda Maareynta Musiibooyinka Soomaaliya ayaa guddoomay shixnad labaad oo gargaar ah oo ay ku deeqday dowladda Imaaraadka Carabta. Munaasabadan oo lagu qabtay garoonka Aadan Cadi ee magaalada Muqdisho ayaa waxa ay ka dhigan tahay tallaabo muhiim ah oo loo qaaday shacabka Soomaaliyeed xilliyada adag.

Raritaanka waxaa ku jira qaybo kala duwan oo ah cuntooyinka aasaasiga ah, si taxadar leh loo doortay si loo daboolo baahiyaha degdegga ah. Laga soo bilaabo badarka aasaasiga ah ilaa sahayda cuntada, tabarucaadka Imaaraadku waxa uu higsanayaa in uu yareeyo gaajada iyo in kor loo qaado sugnaanta cuntada ee kooxaha nugul.

Gargaarkan ayaa lagu daabulay diyaarad xamuul ah oo ay leedahay dowladda Imaaraadka Carabta, taasoo calaamad u ah xiriirka xooggan ee labada dal. Saadka hufan ayaa xaqiijiyay imaatinka sahayda muhiimka ah ee wakhtiga ku haboon, taasoo xoojinaysa ka go'naanta Imaaraadka ee gargaarka bini'aadantinimo.

Kaaliyaha Madaxa Hay’adda Maareynta Musiibooyinka C/raxmaan Waaxid ayaa si gaar ah uga guddoomay deeqdan mas’uuliyiinta Safaaradda Imaaraadka Carabta ee Muqdisho. Wuxuu si kal iyo laab ah ugu mahadceliyey magaca shacabka Soomaaliyeed, isagoo u aqoonsaday Imaaraadka inuu yahay saaxiib adag xilliyada ay u baahan yihiin.

Mr. Waaheed ayaa yiri: “Dowladda Imaaraadku waxay si joogto ah u gacan siineysaa Soomaaliya. Taageeradooda walaalnimo waxa ay wax weyn ka bedeshay nolosha muwaadiniinteena”.

Iyada oo ay sii socoto gaarsiinta gar gaarka maalmaha soo socda, Hay’adda Maareynta Musiibooyinka Soomaaliyeed waxa ay weli ka go’an tahay qeybinta wax ku oolka ah iyo in si siman loo gaaro. Ballanqaadka Imaaraatka ee aan leexleexa lahayn wuxuu u adeegaa sidii iftiin rajo mustaqbal ifaya oo Soomaaliya ah.

 

Read More

Imaaraatka Carabta ayaa Soomaaliya siiya raashin mucaawino ah

 

Hay'adda Maareynta Musiibooyinka Qaranka Soomaaliyed ee SoDMA, ayaa maanta Munaasabadd Kooban oo ka dhacday Garoonka Aadan Cade

waxa ay dowladda Imaaraadka Carabta kala wareegtay Shixnad gargaar ah oo ka kooban qaybaha kala duwan ee raashinka.

Shixnadaan gargaar ayaa waxaa waday mid kamid ah diyaaradaha xamuulka qaada ee dowladda Imaaraadka Carabta, waxana uu ku soo aaday xilli Bisha Barakaysan ee Ramadaan fooda inagu soo hayso.

Guddoomiye ku-xigeenka Hay'adda Maareynta Musiibooyinka Dr Axmed Cabdi Aadan oo ay wehliyaan Agaasimayaal ka tirsan SoDMA, ayaa shixnadaan kala wareegay Masuuliyiin ka socday Safaaradda Imaaraadka Carabta ee Muqdisho,

isaga oo ballanqaaday in mucaawinadan ay gaarsiin donaan shacabkaSoomaaliyeed ee danta yar iyo kuwa barakacyaasha ah madaama haatan laguda galayo bisha Ramadaan.

 

Read More

Guddoomiyaha SoDMA oo la kulmay safiirka Imaaraadka Carabta

 

Safiirka Dowladda Isutagga Imaaraadka Carabta u fadhiya Soomaaliya Mudane Axmed Juma Al Rumaithi ayaa kulan la qaatay Madaxa Hay’adda Maareynta Masiibooyinka Soomaaliya Maxamuud Macallin Cabdullaahi, waxaana uu kala hadlay Mashaariicda Imaaraadku ku taageerayo Dowladda. iyo shacabka Soomaaliyeed.

Kulanka ayaa diiradda lagu saaray baahiyaha degdega ah ee ay qabaan dadka nugul ee ay saameeyeen daadadka El Niño, kuwaas oo sababay barakaca kumanaan qoys iyo burburka dalagyada iyo kaabayaasha dhaqaalaha.

Safiirka ayaa intii uu kulanka socday tilmaamay in bisha Ramadaan ka hor ay Imaaraadku gargaar gaarsiin doonaan goobaha ay dhibaatadu ka dhacday iyo dayactirka biyo xireennada si loo yareeyo khatarta fatahaadaha ee la filayo in ay ka dhashaan roobabka gu’ga.

Safiirka ayaa uga warbixiyey madaxa hay’adda horumarka laga sameeyey ceelasha ay Imaaraadku maalgaliyeen ee lagu gaarsiinayo bulshada biyo nadiif ah, wuxuuna sheegay in la soo gebagebeeyey wejigii koowaad ee mashruucan oo ay ka mid ahaayeen qodista boqol ceel, wejiga labaadna uu yahay. iyadoo la fulinayo oo 100 ceel laga qodayo.

Madaxa hay’adda ayaa dhankiisa sheegay in dowladda Imaaraadka Carabta uu uga mahadcelinayo taageerada joogtada ah ee ay la garab taagan tahay dowladda Soomaaliya iyo shacabka Soomaaliyeed, waxaana uu sheegay in Imaaraadka uu yahay saaxiib iyo saaxiib dhab ah oo Soomaaliya la wadaaga, isla markaana ay wada shaqeyn karaan. Labada dal waxay sare u qaadi doonaan jiritaanka iyo horumarka Soomaaliya.

 

Read More

Hay’adda SoDMA oo deeq raashin ah u qeybisay qoysas danyar ah oo ku nool Garasbaaley

 

Hay'adda Maareynta Musiibooyinka ayaa maanta 1, 000 Qoys oo Barakacyaal iyo danyar iskugu jira kana soo barakacay Gobolka Shabeellada Hoose gargaar ugu qaybisay Deegaanka Garasbaaleey.

Hay’adda Maareynta Musiibooyinka Qaranka Soomaaliyed ayaa maanta deegaanka Garasbaaleey ee duleedka Muqdisho si gaar ah waaxda Galmudug waxa ay gargaar ugu qaybisay qoysas iskugu jira Danyar iyo kuwa deegaanadooda uga soo barakacay colaado iyo daadadkiil El-Niño.

Tirada qoysaska gargaarkaan ka faa’iideeystay ayaa gaaraya 1,000 qoys, waxaana ay uga mahadceliyeen gargaarkaan hay’adda SoDMA oo mar walba u taagan kaalmeenta shacabka Soomaaliyeed.

Qaybinta gargaarkaan waxaa goobjoog ka ahaa Agaasimaha waaxda gargaarka SoDMA Sahra Cali Yuusuf iyo Xildhibaan Daahir Amiin Jeesow, kaas oo SoDMA ku ammaanay sida ay ugu taagantahay caawinta dadka jilicsan, Danyarta, Naafada iyo kuwa barakacyaasha ah.

Read More

Hay’adda SoDMA oo deeq daawo ah gaarsiisay deegaanka Janaale

Degaanka Janaale ee Gobolka Shabeellada Hoose oo sameen adag ay ka soo gaartay daadadka ElNino ayaa maanta hay'adda Maareynta Musiiboyinka Qaranka waxa ay gaarsiisay shixnad Daawo ah.

Degaanka Janaale ee hoostaga Magaalada Marka ee Xarunta Gobolka Shabeellaha Hoose waa degaan Illaahay ku manaystay Webbi,Beero wax-soosaar, dalxiis iyo khayraad kale oo muhiim ah, ayaa waxaa ka jirta haatan xaalad adag oo dhanka nolasha ah oo ay wajahayaan shacabka Janaale.

Degaankaan waxaa sameen adag ka gaystay fatahaadaha El-Niño,  waxaana inta badan magaladaas fadhiya wali biyo aad u farabadan, waxaana maanta kormeer u kuurgalidda xaladaha halkaas ku jira ku tagay Senator Xuseen Maxamed Daahir, Agaasimaha waaxda Cafimaadka SoDMA Cabdullaahi Muuse Axmed, Masuuliyiin ka kala socday machadka Cafimaadka Qaranka iyo hay’adda PAC.

Hay’adda SoDMA oo ka Jawaabaysa xaladaha Beni’aadannimao ee ka jira degaankaan ayaa waxa ay maamulka Janaale ku wareejisay shixnad daawo ah, madaama xaalad cafimaad darro ay degaankan ka jirto., iyadoo uu deeqdaan ka mahadceliyey Guddoomiyaha Janaale Cabdiraxmaan Al-cadaala oo Masuuliyiintan soo dhaweeyey.

Read More

Soomaaliya oo shaacisay khasaaraha ka dhashay daadadka iyo fatahaadaha

 

Xukuumadda Soomaaliya oo ku baaqay gurmado dag-dag ah

Raysal wasaare ku xigeenka Xukuumadda Fedaraalka Soomaaliya Saalax Axmed Jaamac ayaa Maanta booqasho ku tagay xarunta dhexe ee hay'adda Maareynta iyo Musiibooyinka Qaranka Soomaaliyeed ee SODMA, waxaana  halkaasi kusoo dhaweeyay guddoomiye ku xigeenka hay’adda Maareynta Musiibooyinka qaranka Dr Axmed Cabdi Aadan.

Raysal wasaare ku xigeenka Xukuumadda Soomaaliya ayaa ku dhawaaqay xaalad deg deg ah oo loogu gurmanayo dadka Soomaaliyeed ee dhibaatadu kasoo gaartay fatahaadaha iyo daadadka ka dhashay roobabka xoogan ee ka da'aya inta badan gobolada dalka.

”Waxaan bulshada Soomaaliyeed la wadaagayaa saamaynta ka dhalatay fatahaado iyo roobab xoogg leh oo ka da’aya gobolada dalka, xog aan hayno dhimashu waa ilaa 10 qof" ayuu yiri Raysal wasaare ku xigeenka dalka Saalax Axmed Jaamac.

R/W ku-xigeenka dalka oo sameeyeen daadadku 

Wuxuu sidoo kale tilmaamay raysal wasaare ku xigeenka dalka in dowladdaFedaraalka ay ku jirto dadaalo la xariira sidii gurmadyo loo gaarsiin lahaa dadka ay saameeyeen dhibaatada fatahaadaha iyo roobabka ka dhashay..

Gabagabadii Raysal wasaare ku xigeenka ayaa ugu baaqay shacabka Soomaaliyeed, gaar ahaan ganacsatada iney taageero iyo garab istaag u muujiyaan dadka Soomaaliyeedee dhibaatada ka soo gaartay daadadka iyo fatahaadaha ee xaaladaha deg deg ah ku jira.

Read More

Guddoomiyaha Hay'adda SoDMA,oo lakulmey Safiirka Imaaraadka Carabta u fadhiya Soomaaliya,

 

Guddoomiyaha Hay'adda Maareynta Musiibooyinka Soomaaliya (SoDMA) Mudane Maxamuud Macallin Cabdulle ayaa kulan looga hadlayay taageerada arrimaha xasilnta, u-diyaar garowga Duufaanta El-Nino iyo xoojinta deeqaha iyo gargaarka la yeeshay Safiirka Imaaraadka Carabta u fadhiya Soomaaliya, Mudane Axmed Juma Al-Rumaithi.

Dhinacyadu waxa ay isla garteen muhiimadda ay leedahay in deg-deg looga jawaabo baahiyaha bani'aadannimo ee ka jira goobaha laga xoreeyo khawaarijta, in wadajir loogu diyaar-garoobo ka hor tagga iyo ka daba-tagga saameynta la filayo ee Duufaanta El-Nino iyo in Dowladda Imaaraadka xoojiso dadaallada deeq-bixinta iyo maalgalinta mashaariicda adkeysiga iyo soo kabashada.

Guddoomiyaha Hay'adda SoDMA, wuxuu sidoo kale safiirka kala hadlay sidii ay nooga gacan siin lahaayen fududeynta kulama doceedka hay'adaha dhigeenna ee dunida marka la gaaro shirka COP28 oo dalkaas ka furmaya bisha November ee soo aaddan.

Danjire Axmed Juma Al-Rumaithi ayaa dhankiisa ballan-qaaday u howl-galidda qodobbada laga wadahadlay wuxuuna xusay in Dowladda Isutagga Imaaraadka Carabta ay gacanta ku heyso qorshayaal maalgalin oo wax ka taraya la qabsiga iyo u adkeyga cilimida, isla-markaana mashaariicdaas la soo mari doono hay'adda Maareynta Musiibooyinka Soomaaliya.

 

Read More

Guddoomiyaha Hay’adda Maareynta Musiiboyinka Qaranka Maxamuud Macalim Cabdulle ayaa booqday keydka xarunta Hay’adda ee SoDMA.

 

Guddoomiyaha Hay’adda Maareynta Musiibooyinka Qaranka Mudane Maxamuud Macalim Cabdulle ayaa maanta waxa uu kormeeray keydka ama Baqaarka xarunta dhexe ee SoDMA oo ay ku jiraan qeybaha kala duwan ee Raashinka, Daawooyin iyo Dhar taas oo loogu talagalay in dhawaan loo daabulo deeganadii khawaarijta laga saaray iyo kuwa maalmaha soo socda laga xoreyn doono.

Guddoomiye Maxamuud ayaa sheegay in ka hay’add ahaan ay u diyaar garoobeen sidii gargaar u gaarsiin la hayeen Magaaloyinka iyo deegaannada Gobolada dalka ee dhawaan laga xoreyn doono khawaarijta arxanka daran ee Al-shabaab oo ay ugu horeyo Magaalada Ceelbuur.

Guddoomiyaha ayaa sheegay in marwalba ay ka go’antahay u gargaarida bulshada Soomaaliyed waxaana u sheegay in malamaha soo socdana gargaar mucaawino ah ay u daabuli donaan  Magalaada Lascaanood, oo shacab badan oo dagaalada halkaas ka socda saameen ka soo gaartay ay tubanyihiin banaanka Magaaladaas,

Guddoomiye Maxamuud ayaa ugu baaqay  Shacabka Soomaaliyeed  in ay ka qeyb qataan gurmadka loo fidinayo walalaha Soomaaliyeed ee dhibatada muddada badan ay ku hayeen argagixisada Al-shabaab.

 

Read More