Wasiirka Maaliyadda oo la kulmay wakiilka Bankiga Adduunka ee Soomaaliya

 

Wasiirka Maaliyadda Xukuumadda Federaalka Soomaaliya, ayaa maanta oo Axad ah kulan la qaatay wakiilka Bangiga Adduunka ee Soomaaliya, Christina Svensson.

Intii uu socday kulanka ayaa waxaa looga hadlay taageerada dhanka farsamada iyo dhaqaalaha ee Bankiga Adduunka uu siiyo dowladda Soomaaliya. Kulanka ayaa sidoo kale diiradda lagu saaray arrimaha dib u habeynta maaliyadda iyo xoojinta hannaanka maamulka maaliyadda dowladda.

Kulanka ayaa sidoo kale lagu soo qaaday mashaariicda horumarineed ee Bankiga Adduunka uu ka fuliyo Soomaaliya iyo sidii wada shaqeyn dhow ay u yeelan lahaayeen Bankiga Adduunka iyo dowladda Soomaaliya.

Wasiirka Maaliyadda ayaa muujiyay sida uu ugu faraxsan yahay in xarunta Wasaaradda uu ku soo dhoweeyo wakiilka Bankiga Adduunka, isagoo xusay inuu kala hadlay barnaamijka dib u habeynta maaliyadda, horumarinta dowlad wanaagga, mashaariicda uu Bankiga ku taageero Soomaaliya, horumarinta iyo dib u habeynta dhaqaalaha dalka.

 

Read More

Guddoomiyaha Golaha Shacabka oo qaabilay Safiirka Jabuuti u fadhiya Soomaaliya

 

Guddoomiyaha Golaha Shacabka Baarlamaanka JFS Mudane Sheekh Aadan Maxamed Nuur (Madoobe) ayaa xafiiskiisa maanta ku qaabilay Safiirka dalka Jamhuuriyadda Jabuuti u fadhiya Soomaaliya Mudane Maxamed Ibrahim Yuusuf.

Guddoomiyaha ayaa safiirka kala hadlay xoojinta xiriirka walaaltinimo iyo midka iskaashi ee ka dhaxeeya labada dowladood ee Soomaaliya iyo Jabuuti. Waxaana uu sidoo kale ka guddooomay dhambaal saalaan uu uga siday Guddoomiyaha Baarlamaanka dalka Jabuuti Mudane Dileita Mohamed Dileita.

Danjire Maxamed Ibrahim Yuusuf ayaa Guddoomiyaha la wadaagay shaqada baaxada leh ka socota dalka, isagoo tilmaamay in Jabuuti ay kaalinteeda lama ilaawaanka ah ka geeysan doonto la dagaalanka khawaarijta, iyo sidii dalka uu u noqon lahaa mid amnigiisa lagu kalsoonaan karo.

Jabuuti ayaa ka mid ah dalalka Afrikaanka ah ee gacan ka geysta howlgalka Midowga Afrika ee AMISOM.

Read More

JFS oo la wareegtay guddoomiyaha Kormeerka joogtada ee Midowga Afrika ee Qaramada Midoobay

 

Soomaaliya ayaa la wareegtay guddoomiyaha meertada ah ee Xafiiska Kor-joogtada Ergada Midowga Afrika ee Qaramada Midoobay.

Danjiraha u fadhiya Soomaaliya Qaramada Midoobay, Amb. Abuukar Baalle oo xilkan qabanaya, ayaa xarunta Qaramada Midoobay ka jeedin doona hadalka korjoogtada ee ergada dalalka Midowga Afrika.

Xafiiskan ayaa shaqadiisa ka mid tahay inuu si guud uga shaqeeyo aragtida iyo danaha ergada waddamada Midowga Afrika ee QM.

Shaqada uu qabto Ergada Joogtada ah ee Midowga Afrika ee Qaramada Midoobay ayaa ah isku dubbaridka xidhiidhada heer safiirnimo ee Ergada Joogtada ah ee Afrika ee Qaramada Midoobay.

Wuxuu sidoo kale Midowga Afrika ku metelaa Qaramada Midoobay iyo sidoo kale horumarinta iyo joogteynta xidhiidh wax ku ool ah oo u dhexeeya AU.

Ambassador Baale ayaa xilka kala wareegaya Amb. Fatima Kyari Mohammed oo ahayd korjoogtada joogtada ah Midowga Afrika ee Qaramada Midoobay.

 

Read More

Ra'iisul Wasaaraha Soomaaliya ayaa xaqiijiyay in dalkiisa uusan ku adkeyn doonin rabitaanka shaqsi ama koox

 

Raysal wasaaraha xukuumadda Soomaaliya Xamse Cabdi Bare ayaa sheegay, dalku inuusan u dabranaanayn shakhsi iyo ama koox uu ku tilmaamay inay doonayaan in kaligood la dhegaysto oo la fuliyo danahooda.

Raysal wasaare Xamse wuxuu sheegay, Soomaaliya inay kasoo daashay in loo dabarnaado koox gaar ah. Wuxuu sheegay qorshaha ay dowladdu diyaarisay inay ka go’an tahay in lagu dhaqaaqo haddii uu barlamaanka meel mariyo.

Raysal wasaaruhu wuxuu sheegay inay jiraan siyaasiyiin rabitaankooda gaarka ah iyo danahooda ku mucaaradsan Dowladda Soomaaliya. Wuxuu sheegay Dowladda inay dhowr jeer ugu baaqday inay miiska  yimaadaan oo ay qeyb ka qaataan gaarista talada dalka.

“Dastuurkeennu waa inuu dhameystirmaa. Anaa maqan looma baahna. Haddaad maqan tahay, kaalay imow. Cidi kuma haysato. Ma cidbaa kuu diidan. Waliba waa lagu tuug tuugayaa, caqligaagaa loo baahan yahay. Waana laguu tanaasulaa, laakiin soo farriiso,” ayuu yiri Xamse.

Xamse wuxuu si adag u difaacay heshiis qaabaynta doorashooyinka heer federal iyo heer dowlad goboleed. Wuxuu sheegay sababta dowlad goboleedyada loogu kordhiyay hal sano in ay tahay in la mideeyo doorashooyinka.

Read More

UAE: Waxay taageertaa dadaallada lagula dagaallamayo argagixisada iyo sidii nabad looga dhalin lahaa Soomaaliya

 

Imaaraatka Carabta ayaa xaqiijiyay in ay ka go’an tahay in ay Soomaaliya iyo Midowga Afrika ka taageeraan la dagaalanka argagixisada iyo sidii nabad iyo xasilooni loogu heli lahaa,

iyadoo dhanka kale cambaareysay weerarka ay kooxda argagixisada ah ee “Al-Shabaab” ku qaadeen ciidamada nabad ilaalinta Uganda ee loo soo dirayo Soomaaliya.

Ergayga Joogtada ah ee Imaaraatka Carabta u jooga Qaramada Midoobay ayaa qoraal ay shalay ku baahiyeen barta ay ku leeyihiin Twitter-ka waxa ay ku yidhaahdeen: “Imaaraadku waxa uu si adag u cambaaraynayaa weerarkii Al-Shabaab ay ku qaadeen ciidamada nabad ilaalinta Uganda ee loo soo diray Soomaaliya (ATMES),

waxaanu tacsi u diraynaa qoysaska dhibanayaasha, dowladda iyo shacabka Uganda, waxaana u rajeyneynaa caafimaad buuxa kuwa dhaawaca ah."

Waxay intaas ku dartay, "Imaaraadka Carabta wuxuu weli sii wadaa taageerada uu siiyo dowladda Soomaaliya iyo Midowga Afrika ee ku aaddan la dagaallanka argagixisada iyo sidii nabad iyo xasillooni loogu heli lahaa shacabka Soomaaliyeed."

 

Read More

Bayaan ka soo baxay madaxda wadamada ka qeyb qaadanaya ciidamada nabad ilaalinta KMG ah ee Soomaaliya:

 

Hogaamiyayaasha waddamada ay ciidamada ka joogaan Soomaaliya ayaa isku raacay in la sii wado dhimista ciidamada, iyadoo ku dhawaad 2,000 oo askari ay dalka ka baxayaan bishii June, ayna ku xigaan 3,000 oo kale.

Hogaamiyeyaasha oo ku shirsanaa Kampala ayaa ku booriyay golaha ammaanka ee Qaramada Midoobay inuu ka fiirsado qaadista cunaqabateynta hubka ee saaran Soomaaliya.

Madaxda dalalka ay Ciidamadu ka joogaan Soomaaliya ayaa isku raacay in ciidamada ATMIS ay gabi ahaanba Soomaaliya ka baxaan dhamaadka sanadka 2024, si ay ciidamada qalabka sida ee Soomaaliya ula wareegaan masuuliyadda amni ee dalka.

Waxay kaloo ku baaqeen in la helo dhaqaale ku filan iyo taageero saadka ah oo la siiyo Ciidamada Xoogga Dalka Soomaaliya.

Madaxda ayaa bogaadiyay guulaha Ciidanka Xoogga Dalka ay ka soo hoyeen howlgalka xoreynta dalka iyo dagaalka ka dhanka kooxda Alshabaab, dagaalkaas oo sababay in laga xoreeyo degaano ay muddo maamulayeen.

War muriyeedka ayaa ugu dambayn hoosta looga xariiqay ahmiyadda qarannimada, Madax-bannaanida Siyaasadeed, & Midnimada Soomaaliya.

 

Read More

RW - Ku Xigeenka Soomaaliya Oo La Kulmay Safiirka Imaaraadka Carabta

 

Ra’iisul Wasaare Ku Xigeenka Xukuumadda Federaalka Soomaaliya Saalax Axmed Jaamac ayaa maanta xafiiskiisa ku qaabilay Safiirka Dowladda Isutagga Imaaraadka Carabta Ahmed Jumah Alromaith.

Ra’iisul Wasaare ku xigeenka iyo Safiirka ayaa ka wada hadlay xoojinta xiriirka iyo iskaashiga u dhaxeeya labada dal ee walaalaha ee Soomaaliya iyo Isutagga Imaaraadka Carabta.

Safiirka Dowladda Isutagga Imaaraadka Carabta Mudane Ahmed Jumah Alromaith ayaa uga mahad celiyay Ra’iisul Wasaare ku xigeenka dalka soo dhaweynta loo sameeyay.

Ra’iisul Wasaare Ku Xigeenka Xukuumadda Federaalka Soomaaliya Saalax Axmed Jaamac ayaa ka dalbaday dowladda Imaaraadka Carabta inay laba jibaarto taagerada ay siiso Dowladda Soomaaliya.

Dowladda Federaalka waxaa ka go’an adkeynta xiriirka iyo wax wadaqabsiga kala dhexeeya Dowladda Imaaraadka Carabta iyo dalalka kale ee daneeya xasilloonida iyo nabadda Soomaaliya.

Read More

Wasiirka Arrimaha Dibadda Soomaaliya oo la kulmay Safiirka Shiinaha

 

Wasiirka Arrimaha Dibedda iyo Iskaashiga Caalamiga Jamhuuriyadda Fedaraalka Soomaaliya Mudane Abshir Jaamac Huruuse ayaa xafiiskiisa ku qaabilay Danjiraha China ee Soomaaliya Mr. Fei Shengchao.

Wasiir Huruuse ayaa Safiirka kala hadlay xoojinta xiriirka soo jireenka ah ee labada dal iyo sidii ay isaga kaashan lahaayeen arrimaha Diblumaasiyadda, Waxbarashada, iyo Gargaarka.

Intii kulanka lagu gudo jiray , waxaa lagu faaqiday dhowr feyl, oo ay ku jirto isku-duwidda aragtiyada xilliyada la joogo shirarka caalamiga, taageeridda ololaha Soomaaliya ee si dhammaystiran looga qaadayo xayiraadda hubka

ay Qaramada Midoobey ku soo rogtay sanadkii 1992, xushmad is-dhaafsiga labada dal ee ku saabsan dhowridda madax-bannaanida iyo midnimada dhuleed si la mid ah maalgeshiga Shiinaha iyo mashaariicdiisa horumarineed oo laga fuliyo Soomaaliya.

Shiinaaha ayaa ka mid dowladaha waa weyn ee taageeraa Soomaaliya, isaga oo ka fuliyo mashaariicyo muhiim ah.

 

 

Read More

RW Xamse Barre oo Daahfuray Adeegga Isku Xirka Shirkadaha Isgaarsiinta

 

Ra’iisul Wasaaraha Xukuumadda Federaalka Soomaaliya Mudane Xamse Cabdi Barre, ayaa Daah-furay hirgelinta Adeegga Isku-xirka Shirkadaha Isgaarsiinta Dalka oo suurtagelinaysa in ay is wici karaan shabakadaha teleefannada kala duwan ee ka jira gudaha dalka.

Ra’iisul Wasaaraha, ayaa tilmaamay isku-xirka shirkadaha isgaarsiinta dalka in laga faa’iidaayo tartan ganacsi oo xalaala, tallaabadanina ay tahay xuquuq muwaadin iyo fursad cusub oo u abuurmeysa suuqa isgaarsiinta dalka.

Mudane Xamse oo dul istaagay muhiimadda ay leedahay in ganacsatada Soomaaliyeed ay bixiyaan canshuurta, ayaa tilmaamay in dal uusan horumar sameyn karin haddii aan muwaadiniintiisu si sax ah u bixin canshuuraha lagu horumarinaayo dalka.

Sidoo kale, Ra’iisul Wasaaraha ayaa sheegay in sugidda amniga dalka ay laf-dhabar u tahay isgaarsiintu, sidaas darteedna ay lagama maarmaan tahay in shirkadaha isgaarsiintu ay qaataan doorkooda muhiimka ah ee lagu xaqiijinaayo amniga dalka.

Ra’iisul Wasaaraha Xukuumadda ayaa uga mahadceliyey Shirkadaha iyo Hay’adda Isgaarsiinta Qaranka dadaalkii ay ku bixiyeen hirgelinta Adeeggan.

 

Read More

Dowladaha Soomaaliya iyo Mareykanka oo heshiis kala saxiixday

 

Wasiirka Gaashaandhigga Xukuumadda Federaalka Soomaaliya  Cabduqaadir Maxamed Nuur Jaamac iyo Safiirka Dowladda Mareykanka ee Soomaaliya Danjire Larry Andre ayaa kala saxiixday heshiis lagu tayaynayo ciidamada xoogga dalka, gaar ahaan ciidamada Kumaandooska Danab.

Wasiirka Difaaca ayaa xusay in heshiiskan uu yahay mid lagu xoojinayo  tababarada iyo Qalabeynta ciidamada xoogga ee Kumaandooska Danab, isla markaana lagu qalabeynayo, si ay uga jawaabaan qataraha ka imaanaya Al-Shabaab  iyo in la dhiso awoodda ciidamada kumaandooska ee Danab.

Mudane Cabdiqaadir Maxamed Nuur ayaa dowladda Mareykanka uga mahadceliyay taageerada ay siiyaan dowladda Soomaaliya, gaar ahaan ciidamada Danab, isagoo intaa ku daray Wasiirku in dowladda Soomaaliya ay ka go’antahay dhismaha iyo tayeynta ciidamada xoogga dalka.

Munaasabadda ay heshiiska ku kala saxiixanayeen Wasiirka Gaashaandhigga Soomaaliya iyo Safiirka Dowladda Mareykanka ee Soomaaliya ayaa waxaa goob joog ka ahaa Taliye ku-xigeenka ciidamada xoogga dalka Soomaaliyeed Jeneraal Cabaas Amiin.

Dowladda Maraykanka ayaa ka mid ah saaxiibada caalamiga ah ee Dowladda Soomaaliya  ka gacan siiya dhismaha ciidamada xoogga dalka, gaar ahaan ciidanka Kumaandooska Danab

 

Read More

Wasiirka Gaashaandhigga DF Soomaaliya oo la kulmay Safiir ku-xigeenka UK ee Soomaaliya

 

Wasiirka Gaashaandhigga Xukuumadda federaalka Soomaaliya Mudane Cabdulqaadir Maxamed Nuur (Jaamac) ayaa maanta la kulmay Safiir ku-xigeenka safaaradda Boqortooyada Ingiriiska ahna sii hayaha safaarada Ed Barnett.

Labada mas’uul ayaa ka wada hadlay xoojinta xiriirka saaxiibtinimo ee labada dal, iyadoo Wasiirku uu uga warbixiyay Safiirka xaaladda guud ee dalka iyo howlgallada dalka looga ciribtirayo khawaarijta, kaasi oo guulo waa weyn laga gaaray.

Wasiirka Gaashaandhigga ayaa uga mahadceliyay UK kaalinta ay ka qaadato doorka ku aaddan taageerada ay siiyaan Ciidanka Xoogga Dalka.

Safiir ku-xigeenka Safaaradda Boqortooyada Ingiriiska ayaa bogaadiyay howl-gallada guud ahaan Dalka looga xoreynayo kooxaha Khawaarijta, waxa uuna xusay in Boqortooyada Ingiriiska ay kaalin mug leh ka qaadato taageerada Soomaaliya iyo sidii cunaqabateynta hubka saaran looga qaadi lahaa.

 

Read More

Mohammed bin Rashid oo la kulmay madaxweynaha Seychelles

 

Sheikh Mohammed bin Rashid Al Maktoum, Madaxweyne ku xigeenka iyo Ra’iisul Wasaaraha Imaaraadka, ahna Xaakimka Dubai, Allaha xifdiyee, ayaa maanta la kulmay Madaxweynaha Jamhuuriyadda ay saaxiibka yihiin ee Seychelles Waffle Ramkalawan, iyadoo uu goob joog ka ahaa Sheekha. Hamdan bin Mohammed bin Rashid Al Maktoum, Dhaxal-sugaha Dubai, oo dhinac ah Shaqada maalinta xidhitaanka shirwaynaha dawladda adduunka.

Kulanka oo ka dhacay xarunta dhexe ee Madinat Jumeirah ee magaalada Dubai, ayaa looga hadlay xiriirka labada dal iyo sidii loo horumarin lahaa xiriirka saaxiibtinimo ee ka dhexeeya Imaaraadka iyo Seychelles, iyo shuruudaha horumarinta xiriirka labada dal si loo gaaro in la helo fursado badan oo iskaashi oo laga sameeyo qaybaha kala duwan ee muhiimka ah, gaar ahaan dhinaca horumarinta dawladda, horumarinta dhaqaalaha, maalgashiga, ganacsiga iyo dalxiiska.

Kulanka ayaa lagu soo qaaday muhiimada mowduucyada ajandayaasha looga hadlayo kalfadhiga tobnaad ee shir madaxeedka dowladaha aduunka, iyo qiimaha ay munasibadani u taagan tahay madal loo wada dhanyahay oo dhiiri galinaysa dadaalada wadajirka ah ee dowladaha caalamka si xal cusub loogu helo caqabadaha jira. in aad wajahdo bini-aadminimo, hadday tahay ama ha ahaato mid iman karta mustaqbalka, si ay u suurtageliso dhammaan shucuubta inay gaadhaan waxa ay rabaan.

Read More

Madaxweyne Xasan Sheekh oo kulan la qaatay qaar ka mid ah Safiirada Midowga Yurub ee Soomaaliya

 

Madaxweynaha Jamhuuriyadda Federaalka Soomaaliya Mudane Xasan Sheekh Maxamuud oo Madaxtooyada Qaranka kula kulmay Safiirka Midowga Yurub ee Soomaaliya Marwo Tina Intelman iyo qaar ka mid ah Danjireyaasha dalalka Midowga Yurub u jooga dalkeenna ayaa uga warbixiyey guulaha laga gaaray dagaalka dalka looga xoreynayo Khawaarijtaa Alshabaab, dhammeystirka Dastuurka, Dimuquraadiyeynta iyo Dayn cafinta.

Madaxweynaha oo Danjireyaasha la wadaagay sida geesinimada leh ee Ciidamada Qaranka oo kaashanaya shacabka Soomaaliyeed ay u xoreeyeen deeganno badan oo ka tirsan Gobollada Shabeellaha Dhexe, Hiiraan, Galguduud iyo Mudug ayaa tilmaamay in halganka dib u xoreynta dalka uu barbar socdo qorshaha dhammeystirka dhismaha hay’adaha muhiimka u ah dowladnimada iyo xaqiijinta himmilooyinka ay muddada dheer ku taamayaan shacabka Soomaaliyeed gaar ahaan qorshaha la wareegidda mas’uuliyadda amniga dalka, dhammeystirka Dastuurka, dayn cafinta, xoojinta Dimuquraadiyeynta, Federaaleynta iyo adkaynta dowladnimada.

Dhankooda, Safiirada oo bogaadiyey howlgallada xoreynta deegannada ay ku dhuumaaleysanayaan Khawaarijtu ayaa sheegay in dowladda Federaalka Soomaaliya ay ka gacan-siinayaan arrimaha hortebinta u leh oo ay ugu horreeyaan la wareegidda amniga guud ee dalka, xoojinta federaaleynta, daadejinta hannaanka dowliga ah, saamaynta Isbaddalka cimmilada iyo Gargaarka Beni-aadannimada.

Read More

Md Soomaaliya oo Maanta kulan la qaatay Madaxeeynaha dalka Uganda

 

Madaxweynaha dowladda Federaalka Soomaaliya Xasan Sheekh Maxamuud oo ku sugan dalkaa Uganda ayaa Maanta kulan la qaatay dhigiisa dalkaas Yoweri Kaguta Museveni, iyagoona ka wada hadlay xasiloonida gobolka iyo xiriirka labo geesoodka ah ee ka dhaxeeya Soomaaliya iyo Uganda.

Madaxweyne Xasan Sheekh Maxamuud ayaa la wadaagay Madaxweyne Museveni halganka wadajirka ah oo ay wadaan shacabka iyo dowladda Soomaaliyeed ee ku aadan sidii la isaga dulqaadi lahaa Ururka Al-shabaab oo uu tilmaamay iney  caqabad ku yihiin horumarka iyo xasilloonida dhamaan dalalka gobolka.

Madaxweynaha Soomaaliya ayaa ugu hambalyeeyey shacabka iyo dowladda Uganda sannad guurada 60-aad ee ka soo wareegtay xornimada dalkaas oo ay u dabbaal degeen maalintii shalay aheyd, waxuuna tilmaamay in shacabka iyo dowladda Soomaaliyeed ay uga mahad celinayaan doorka ay ka qaadanayaan ciidamada Uganda, nabadda iyo xasilloonida Soomaaliya.

Madaxweynaha dalka Uganda  Yoweri Kaguta Museveni ayaa dhankiisa ku bogaadiyey dowladda Soomaaliyeed guulaha wax ku oolka ah oo ay ka gaartay dagaalada ka dhanka Al-shabaab iyo deegaanada laga xoreeyey, isagoo carrabka ku adkeeyey garab istaagga iyo taageerada dalkiisa ee ku aadan nabad ilaalinta iyo dib u dhiska dowladnimada Soomaaliya,

isagoona uga mahadceliyey Madaxweyne Soomaaliya Xasan Sheekh Maxamuud iyo wafdigiisa ka qeyb galitaanka xuska 60-guurada xornimada dalkiisa, waxuuna xusay in Soomaaliya ay safka hore kaga jirtay dalalkii ku taageeray halgankii xornimo doonka ahaa dalka Uganda.

 

Read More

Xasan Sheekh waxa uu ka shaqeeyaa sidii loo mideyn lahaa dowladda Federaalka si loo gaaro danaha shacabka Soomaaliyeed

Sheekh Maxamuud ayaa ku howlan sidii uu u fulin lahaa balanqaadyadii uu ku sameeyay doorashada

  Madaxweyne Xasan Sheekh Maxamuud ayaa dadaal ugu jira sidii loo mideyn lahaa dowladda Federaalka si loo gaaro danaha shacabka Soomaaliyeed. Iyadoo loo marayo golaha wada tashiga iyo toosinta qaranka inta laga gaarayo dhamaan qaybaha kala duwan ee shacabka

Madaxweyne Sheekh Maxmuud ayaa dadaal ugu jira sidii loo dhameystiri lahaa dastuurka Soomaaliya, isla markaana loo heli lahaa nidaam garsoor oo adag oo cadaalad ah, si aysan shacabka mar kale ugu dhicin cadaalad daradii ay kala kulmeen dowladdii hore.

Sheekh Maxamuud ayaa dadaal ugu jira sidii nidaamka doorashada uu u noqon lahaa mid toos ah, si shacabka Soomaaliyeed ay u soo xulaan wakiiladooda, si shacabka ay u helaan xoriyad ay ku doortaan madaxweynahooda.

Waxa uu ku hawlan yahay sidii xal loogu heli lahaa dhibaatada abaareed, isagoo kaashanaya beesha caalamka, gobolada oo dhanna la kaashanaya. Tani waxay ku tusinaysaa in Xasan Sheekh uu dan ka leeyahay oo kaliya Somaliya iyo wanaaga shacabkeeda

Madaxweyne Xasan Sheekh Maxamuud, ayaa sheegay waxqabadkii uu dalka ka sameeyay in uu ka mid yahay madaxweynayaashii ugu wanaagsanaa ee soo maray dalka Soomaaliya, isagoo mar walba ku dadaalaya in shacabka aysan dhibaato soo gaarin, dalkana loo hormariyo.

Read More

Soomaaliya ayaa soo dhaweysay Imaaraadka, waxayna ka shaqeysaa kordhinta iskaashiga labada dal

 

Imaaraatka Carabta oo ka qeyb galay caleema saarka Madaxweynaha la doortay ee Xasan Sheekh Maxamuud

Imaaraatka Carabta ayaa maanta si weyn uga soo qeyb galay xaflada caleema saarka Madaxweynaha la doortay Xasan Sheekh Maxamuud, waxaana ay u jeediyeen hambalyo iyo duco, iyadoo ku nuux nuuxsatay inay ka go’an tahay sii wadida horumarka iyo taageerada iyo taageerada shacabka Soomaaliyeed. Sheikh Shakhbut bin Nahyan Al Nahyan oo ah Wasiiru Dowlaha Imaaraadka oo ka qeyb galay Xaflada Caleemo saarka Madaxweynaha Imaaraatka Sheikh Mohamed bin Zayed Al Nahyan ayaa yiri.

Khudbadiisa ayuu ku yiri “Waxaan u rajaynaynaa Soomaaliya horumar iyo barwaaqo, waxaana rajeyneynaa inaan sii xoojino xiriirka kala dhexeeya”. Sheikh Shakhbut bin Nahyan Al Nahyan waxa uu intaa ku daray: “Imaaraadka Carabta waxa ay xaqiijinayaan in ay ka go’an tahay in ay sii wadaan horumarka iyo taageerada iyo taageerada ay siinayaan shacabka Soomaaliyeed.” Waxa uu intaa ku daray: “Waan soo dhawaynaynaa in si nabad ah xukunka loogu wareejiyo Soomaaliya, waxaan cadeyneynaa in aan Soomaaliya la garab taagannahay la dagaalanka argagixisada. nabadna la sameeyo”.

Waxa uu intaasi ku daray “Waxaan salaamayaa Madaxweynaha cusub ee Soomaaliya Sheikh Mohamed bin Zayed Al Nahyan, Madaxweynaha Imaaraadka Carabta”. Madaxweynaha Soomaaliya, Xasan Sheekh Maxamuud, ayaa dhankiisa, Sheekh Shakhbut bin Nahyan Al Nahyan, u gudbiyay salaan uu uga siday Sheekh Mohammed bin Zayed Al Nahyan, Madaxweynaha Imaaraadka, Sheekh Mohammed bin Rashid Al Maktoum, Madaxweyne ku xigeenka Imaaraadka, Ra'iisul Wasaare iyo Boqorka Dubia, ayaa si kal iyo laab ah uga mahad celiyay, ugana mahad naqay ka soo qayb galka Imaaraatka Carabta ee maanta xaflada caleema saarka, isagoo u rajeeyay horumar iyo barwaaqo.

Read More

Dhamaan wadamada iyo ururada aduunka ayaa kasoo qayb galaya xaflada caleema saarka madaxweynaha

 

 

Magaalada Muqdisho ee caasimadda Soomaaliya ayaa hadda si weyn looga dareemayaa diyaargarow iyo diyaargarow ballaaran, iyadoo ammaanka si aad ah loo adkeeyay, waxaana xiran waddooyinka, waddooyinka soo gala iyo kuwa laga soo galo caasimadda, si loogu diyaar garoobo xafladda caleema saarka Madaxweynaha cusub, Xasan Sheekh Maxamuud oo lagu wado in ay dhacdo Khamiista, iyadoo ballaaran. Carabta iyo ka qaybgalka caalamiga ah.

Xasan Sheekh Maxamuud ayaa 15-kii bishan loo doortay Madaxweynaha cusub ee Soomaaliya, kadib doorasho ay ku codeeyeen kaliya wakiilada dalka.

Iyadoo magaalada Muqdisho ay ka socoto qaban qaabada caleema saarka madaxweynaha cusub, ayaa Ra’iisul wasaaraha Soomaaliya Maxamed Xuseen Rooble waxa uu ku dhawaaqay in la adkeynayo ammaanka, isla markaana la xiray guud ahaan caasimadda.

“Waxaan shacabka Muqdisho si xushmad leh uga codsanayaa inay u dulqaataan waddooyinka caasimadda oo xiran, isu socodka dadka iyo gaadiidka oo hakad ku jira 10-ka habeenimo ee maanta illaa 5-ta galabnimo ee Khamiista, sida uu sheegay waqtiga Soomaaliya, iyadoo madax iyo wufuud caalami ah ay dalka u imaanayaan xafladda." Rooble ayaa ku yiri muuqaal laga duubay.

Sarkaalkan Soomaaliga ah ayaa faray booliiska deegaanka, isagoo ka dalbaday inay diyaariyaan gaadiidka gurmadka deg-degga ah, si ay dadka ugu daabulaan goobaha caafimaadka ee xaaladaha degdegga ah iyadoo la eegayo xirnaanshaha guud.

Waxaa la filayaa in inta ka harsan wufuudda Carabta ay soo gaaraan marka laga soo tago in ay magaalada Muqdisho ku sugan yihiin madaxda safaaradaha reer galbeedka.

Madaxweynaha cusub ee Soomaaliya Xasan Sheekh Maxamuud ayaa waxaa horyaala caqabado badan. Waxaa ugu weyn in uu la dagaalamo jabhadaha dhiiga badan ku daatay ee dalkiisa, taasoo uu soo hadal qaaday hadallo dhawaan laga sii daayay, isagoo sheegay in soo celinta amniga ay ku xiran tahay in la heshiiyo madaxda kale ee Soomaaliyeed.

Read More

Hogaamiyayaasha wadamada deriska ah ayaa ka qeyb galaya caleema saarka madaxweynaha cusub ee Soomaaliya

Munaasabada caleema saarka madaxweynaha cusub ee Soomaaliya ayaa ka qeyb galaysa madaxda wadamada dariska ah

  Dowladda Federaalka ah ee Soomaaliya ayaa bilaawday diyaar garowga soo dhaweynta madaxda ka qeyb galeysa xafladda caleema saarka, waxaana Muqdisho soo gaaray wafuud horudhac ah, kuwaasoo horkacaya madaxdii lagu casuumay xafladda.

Madaxda la filayo inay ka qeyb galaan caleema saarka ayaa waxaa ka mid ah madaxda dalalka deriska la ah Soomaaliya, Madaxweynaha Kenya Uhuru Kenyatta, Ra’iisul Wasaaraha Itoobiya Abiy Axmed, Madaxweynaha Jabuuti Ismaaciil Cumar Geelle.

Madaxweyne Xasan Sheekh Maxamuud ayaa dadaal ugu jira sidii loo soo celin lahaa xiriirka Soomaaliya iyo dalalka deriska la ah Soomaaliya, isagoo sidoo kale dadaal ugu jira sidii loo soo celin lahaa xiriirka dibadda ee Soomaaliya, gaar ahaan dalalka deriska, sidii dhaqaalaha loo kobcin lahaa, loo ilaalin lahaa xuduudaha, loona ciribtiri lahaa Al-Shabaab.

Madaxweyne Xasan Sheekh ayaa dadaal ugu jira sidii uu dalka uga horumarin lahaa dhinac walba, wuxuuna og yahay in uu wanaajinayo xiriirka dalalka deriska ah, sababtoo ah wuxuu og yahay in tani ay dalka uga faa’ideysan doonto marxaladda soo socota ee horumarinta dalka, waxayna tani u tahay rajo wanaagsan.

Read More

Ahlu-Sunna oo shaacisay arrin ay ka doonayaan madaxweyne Xasan Sheekh

Xasan Sheekh Maxamuud oo xoojiyay xiriirka uu la leeyahay Sunniga si loo midoobo

  Hoggaanka Ahlu Sunna ee Gobolada Dhexe ayaa sheegay inay madaxweynaha cusub ee dalka Xasan Sheekh Maxamuud ka filayaan in uu dhexdhexaadiyo iyaga iyo maamulka Galmudug.

Ilo ku dhow dhow Hoggaamiyaha Guud ee Ahlu Sunna Waljameeca Macalin Maxamuud Sheekh Xasan Faarax ayaa sheegaya in Villa Somalia ay ka doonayaan inay ka soo qaybgeliso dadaalada nabadaynta iyo dib-u-heshiisiinta, si xal looga gaaro xurgufta kala dhaxeysa Madaxtooyada Galmudug.

Madaxa Arrimaha Siyaasadda ee Ahlu Sunna Cabdisalaan Aadan Xuseen ayaa toddobaadkii hore sheegay inaanay iyagu cidina weerar ku ahayn, balse ay diidan yihiin shirqooladii ay u maleygtay sida uu yiri dowladdii uu Madaxweynaha ka ahaa Maxamed Cabdullaahi Farmaajo.

Sidoo kale, inta uu xilka hayo Madaxweyne Xasan Sheekh Maxamuud, waxa ay Dowladdiisu xiriir wanaagsan la leedahay Hoggaanka Ahlusunna.

Read More

Ciidamada DF iyo ATMIS oo howlgal qorsheysan ka fuliyay Shabeellaha hoose

 Madaxweyne Xasan oo ku dhawaaqay dagaal qaraar

 

Madaxweynaha Soomaaliya Xasan Sheekh Maxamuud oo khudbad ka jeediyey munaasabad soo dhaweyn ah oo ay ku maamuuseen madaxda iyo bulshada Galmudug ayaa ka warbixiyey mudnaanta uu siinayo daadejinta adeegyada dowladda, adkeynta dimuqraadiyadda dalka iyo dib u heshiisiinta shacabka Soomaaliyeed.

Madaxweynaha ayaa sheegay in caqabadda ugu weyn ee dib u dhigtay nolasha shacabka Soomaaliyeed ay tahay amni darrada iyo falalka arxan darrada ah ee ay soo maleegaan argagixisada Al-Shabaab, isagoo soo bandhigay sida shacabka Soomaaliyeed iyo dowladdooduba ay maanta ugu taagan yihiin in ay wadajir uga xoreeyaan dalka. 

Wararka ka imaanaya magaalada Baroe ee xarunta maamulka Koonfur Galbeed ayaa sheegaya in ciidamada dowladda Soomaaliya iyo kuwa Midowga Afrika ee AMISOM ay howlgal qorsheysan oo ka dhan ah Al-Shabaab ka fuliyeen deegaanka Ambariso oo ku dhow degmada Baraawe.

Ciidamada dowladda ee howlgalka qeybta ka ahaa ayaa waxay ka tirsan yihiin Ururka 25-aad ee guutada 6-aad, waxaana tuulada howlgalka laga fuliyey dhawaan ciidamada dowladda lagula eegtay qarax khasaaro dhimasho iyo dhaawac geystay.

Read More