Maamulka Gobolka Banaadir oo ka shiray qorshe hawleedka sanadka 2024-ka

 

Guddoomiyaha Gobolka Banaadir Ahna Duqa Magaalada Muqdisho Mudane Yuusuf Xuseen Jimcaale (Madaale) ayaa furay kulanka Wada-tashiga Qorshe Hawleedka Maamulka Gobolka Banaadir iyo Dowladda Hoose ee Xamar ee sanadka 2024, oo ay soo diyaariyeen Xafiiska Xoghayaha Guud ee Maamulka Gobolka Banaadir iyo Dowladda Hoose ee Xamar.

Kulankaan ayaa lagu soo bandhigay Qorshayaasha u dagsan Maamulka Gobolka Banaadir iyo Dowladda Hoose ee Xamar sanadka cusub ee 2024, iyadoona sidoo kale lasoo bandhigay waxa ka qabsoomay Qorshihii 2023 iyo waxyaabaha aan qabsoomin.

Guddoomiyaha Gobolka Banaadir Ahna Duqa Magaalada Muqdisho Mudane Yuusuf Xuseen Jimcaale (Madaale) oo kulanka ka hadlay ayaa sheegay in fulinta Hawlaha hortabinta leh ee Qorshaha 2024 ay noqon doonto mid la iskula xisaabtami doonno.

Madasha waxaa goobjoog ka ahaa Guddoomiye Ku-xigeenka Amniga iyo Siyaasadda Gobolka Banaadir, Guddoomiye Ku-xigeenka Howlaha Guud ee Gobolka Banaadir, Xoghayaha Guud, Agaasimeyaasha Guud, Guddoomiyeyaasha Degmooyinka iyo Deegaannada Gobolka Banaadir, Agaasime waaxeedyada iyo La-taliyeyaal ka tirsan Maamulka Gobolka Banaadir iyo Dowladda Hoose ee Xamar.

 

Read More

Madaxweyne Xasan Sheekh oo ambabaxay dalka Djibouti

Madaxweynaha Jamhuuriyadda Federaalka Soomaaliya mudane Xasan Sheekh Maxamuud, ayaa safar ugu ambabaxay magaalada Djibouti ee dalka Jamhuuriyadda Djibouti.

Ujeedka socdaalka Madaxweynaha ayaa ah in la sii ambaqaado dadaalka wadahadallka u dhexeeya DFS iyo Somaliland iyo xalinta colaadaha dalka ka aloosan.

Madaxweyne Xasan Sheekh Maxamuud ayaa waxaa wafdiga uu horkacayo ka mid ah Wasiirka Arrimaha Gudaha ee DFS Mudane Axmed Macalin Fiqi, Wasiirka Ganacsiga ee DFS Mudane Jibriil Cabdirashiid iyo Mudane Cabdikariim Xuseen Guuleed oo ah Ergeyga Gaarka ah ee wadahadalada DFS iyo Somaliland.

Dowladda aanu walaalaha nahay ee Djibouti ayaa martigelineysa dadaaladan socda, iyadoo dhanka Somaliland uu wadahadalka uga qeybgalayo Madaxweyne Muuse Biixi Cabdi.

 

Read More

Madaxweyne Maxamuud iyo mucaaradka oo 5 arrin isku afgartay

 

Kulankii labaad ee madaxweyne Xasan Sheekh iyo mucaaradka ku dheriga ah ayaa shalay ku qabsoomay magaalada Muqdisho.

Kulankaan ayaa daba socda kulankii Khamiistii lasoo dhaafay dhex-maray madaxweyne Xasan Sheekh Maxamuud iyo siyaasiyiinta kala ah Shariif Sheekh Axmed, Xasan Cali Kheyre, Cabdiraxmaan Cabdishakuur Warsame iyo Cabdiqaadir Cosoble Cali.

Kulankii shalay ayaa labada dhinac ku gaareen dhowr is afgarad, wuxuuna gebi ahaan daarna arrimaha dastuurka.

Sida laga soo xiganayo xubno kamid ah mucaaradka la kulmay madaxweynaha waxay ku qanciyeen madaxweynaha in habka ansixinta dastuurka loo dhaafo habraaca saxda ah gaar ahaan inuu codka qarsoodi noqdo.

Maalmihii tegay waxaa lagu eedeynayay dowladda inay diidan tahay inuu codka qarsoodi noqdo oo ay taasi bedelkeeda gacan taag rabto, balse hadda mucaaradka ayaa madaxweynaha ka codsaday in qarsoodiga loo dhaafo waxaana la sheegay in madaxweynaha uu taas diidin.

Labada dhinac ayaa sidoo kale ku heshiiyay in howsha dastuurka aan la bilaabin illaa inta ay ka dhaceyso doorashada madaxtinimada Puntland oo kadibna laga caleemo saarayo hoggaamiyaha la dooran doono ee maamulkaas, oo ay Puntland kusoo laabaneyso Golaha Wadatashiga Qaran. Markaas kadib ayaa la bilaabi doona doodda arrimaha dastuurka.

Midda saddexaad ee dhinacyadu isla soo dhaweeyeen waa arrinta haykalka dowladnimada. Madaxweyne Xasan Sheekh iyo afartaan siyaasi ayaa isla fahmay in aan arrinta haylka dowladnimada dooddeeda la ballaariyo oo aan la dadajin, loogana dooddo fagaarayaal waaweyn oo ay sidoo kale ku jiraan labada Aqal ee Baarlamaanka Soomaaliya.

Inkasta oo uusan madaxweynaha sheegin inuu ka tanaasulay aragtidiisa madaxweyne iyo madaxweyne ku-xigeen, haddana inay taasi ka dhalato dooddo waaweyn oo dhex-mara siyaasiyiinta, sharci dejiyayaasha labada Aqal ee BFS, aqoon-yahaanada iyo guud ahaan dadweynaha, iyada oo laga eegayo dhinacyo badan lana waafajinayo duruufaha yaalla Soomaaliya, waa tallaabo muhiim ah.

Dhinacyada ayaa sidoo kale arki doona guddoonka labada Aqal ee Baarlamaanka Soomaaliya oo sidoo kale lala wadaagi doono sida ugu haboon ee loo jiheyn karo arrimaha dastuurka.

Nuuca doorashada ayaa la isla soo qaaday, waxaana lagu ballamay in waqtigeeda laga wada-hadlo, iyada oo la qiimeynayo cawaaqibka ay leedahay in dalka ka dhacdo doorasho qof iyo cod ah iyada oo ay ka maqan tahay Somaliland.

Dhinacyada waxay kale oo isla qaateen in la sii wado doodaha oo sidoo kale lagu soo biiriyo siyaasiyiinta kale.

Dowladda hadda tallada haysa waxaa ka go’an in muddo xileedkan dhexdiisa la dhameystiro oo laga saaro kumeel-gaarka.

Madaxweyne Xasan Sheekh Maxamuud ayaa u muuqda siyaasi bisil oo ogol in wax walba lagala doodo oo ay albaabadiisa furan yihiin, taasi oo marwalba dhalin karta in dalka ku socdo dariiq siyaasad ahaan xasilloon.

 

Read More

Guddoomiyaha SoDMA oo Muqdisho ka daah-furay Shir looga hadlaayo dardargalinta iyo dib u eegista Howlaha Hay’adda

 

Guddoomiyaha Hay’adda Maareynta Musiibooyinka Qaranka Md. Maxamuud Macallim ayaa maanta Magaalada Muqdisho waxa uu  ka daah-furay shir looga hadlaayo dardargalinta shaqada iyo Dib u eegista Howlaha SoDMA kaas oo socon doono muddo Saddex cisho ah.

U jeedka shirkaan ayaa ah gorfeynta howlihii SoDMA u qabsoomay sanadkaan sii dhammanaya ee 2023, in la helo qorsho siyaasadeed oo shaqada hay’adda lagu dardargalinayo, daadajinta shaqada hay’adda, 

waxaana goob joog ka ahaa shirkaan Guddoomiye ku xigeenka Hay’adda Maareynta Dr Axmed Cabdi Aadan, Lataliyayaasha Hay’adda, agaasimayaasha waaxyaha kala duwan iyo qaar ka mid ah howlwadeennada hay’adda.

Maalinta 1-aad ee shirkaan ayaa la soo bandhigay doodo looga hadlayey sida ugu wanaagsan ee shaqada hay’adda loo dardargalin karo looguna hagaajin karo howlaha sanadka cusub hay’adda u yaal.

 

Read More

Madaxa Hay’adda Maareynta Masiibooyinka Soomaaliya ayaa uga mahadceliyey Imaaraadka kaalmada deeqsinimada leh ee ay u fidiyeen dalkiisa

 

Guddoomiyaha Hay'adda Maareynta Musiibooyinka Qaranka Maxamuud Macallim Cabdulle, ayaa maanta xarunta dhexe ee hay'adda SoDMA waxa uu ku qaabilay Safiirka Dowladda Iskutagga Imaaraatka Carabta danjire Axmed Jumca Al-rumeysi.

Kulanka ayaa intii uu socday waxaa looga hadlay doorka Imaaraadka uu ka qaadanayo sidii dowladda Soomaaliya iyo shacabka Soomaaliyeed ay uga hortagi lahaayeen fatahaadaha baaxadda leh ee bilihii la soo dhaafay ku dhuftay deegaanno badan oo dalka ka tirsan. Daadadku waxa ay barakiciyeen kumanaan qof, waxa ay burburiyeen kaabayaashii dhaqaalaha, sidoo kale waxa hakad galiyay maciishada.

Safiirka ayaa muujiyay sida ay u garab taagan yihiin shacabka Soomaaliyeed, waxaana uu bogaadiyay dadaalka ay Hay’addu ugu jirto isku xirka gurmadkabini’aadantinimo. Sidoo kale waxa uu shaaca ka qaaday in Imaaraadku uu kordhin doono taageerada ay ka geystaan ​​gurmadka fatahaadaha iyo howlaha soo kabashada, isla markaana ay ka qeyb qaadan doonaan dib u dhiska buundooyinka ay burburiyeen daadadku ee magaalooyinka qaar.

Guddoomiyaha SoDMA oo kulan la qaatay Safiirka Imaaraatka Carabta

Guddoomiyaha Hay’adda ayaa uga mahad-celiyay Safiirka kaalmada deeqsinimada iyo muddeysan ee ay Dowladda Imaaraadka Carabtu ku soo beegtay, wuxuuna ku dheeraaday muhiimadda ay leedahay mashruuca dib-u-dhiska Buundada si loo soo celiyo awoodii isu-socodka iyo is-gaarsiinta bulshada dhibaatadu saamaysay. Sidoo kale, wuxuu sheegay inuu rajeynayo iskaashi iyo iskaashi dhexmara Soomaaliya iyo Imaaraadka oo dhinacyo kala duwan leh.

Imaaraatka Carabta ayaa ka mid ah deeq bixiyayaasha iyo saaxiibada ugu badan ee Soomaaliya ka taageera arrimaha bini’aadantinimada, horumarka iyo amniga. Imaaraadku waxa uu sidoo kale si firfircoon uga qaybqaatay dadaallada gobolka iyo kuwa caalamiga ah ee loogu talagalay horumarinta nabadda iyo xasilloonida Soomaaliya.

 

Read More

Xaalado adag oo xagga nolosha ah oo laga soo warinayo bulshada Degmada Ceelwaaq

 

Degmada Ceelwaq ee Gobalka Gedo oo ka mid ah degmooyinka ay sida ba’an u saameeyeen daadadka xooggan ee ka dhashay El-nino, ayaa waxaa halkaas ka jirta xaalad adag oo dhanka nolasho ah,

iyadoo wali gudaha xaafadaha degmadaas biyihii ku soo rogmaday ay fadhiyaan, iyadoo laga cabsi qabo in ay ka dhashaan cudurada faafa.

Dhamaan dadkii shacabka ahaa ayaa ka barakacay gudaha degmada Ceelwaaq, iyaga oo daadsan daafaha iyo tuuloyinka ku dhaw degmada.

Sawirro laga soo qaaday xafadaha Ceelwaaq ayaa waxaa lagu arkayaa biyo xoogan oo magaalada dhex- fadhiya kuwaas oo midab koodu isbadalay ayna adagtahay in la  dhexmaro, waxaana sidoo kale duugmay Ceelashii biyaha iyo Musqulihii dadka isticmaali jireen.

Goobahii Waxbaarshada, Caafimaadka iyo Cibaadada ayaa guud ahaan xiran, waxaana sare u kac uu ku yimid Maciishada qaybaheeda kala duwan.

 

Read More

Madaxweyne Xasan Sheekh ayaa xaqiijinaya inay ka go’an tahay dhameystirka dastuurka iyo ka xoreynta dalka Al-shabaab

 

Madaxweyne Xasan Sheekh Maxamuud ayaa Jimcihii sheegay inay ka go’an tahay dhameystirka dastuurka iyo sidii dalka looga xoreyn lahaa maleeshiyada Al-Shabaab.

Madaxweynaha ayaa sheegay in dastuurka oo soo socday tan iyo 2012-ka uu yahay mid ka tarjumaya rabitaanka shacabka Soomaaliyeed, lana jaanqaadi kara duruufaha isbedelaya.

Madaxweynaha ayaa intaa ku daray in dastuurka lagu wareejin doono hay’adaha kala duwan ee bulshada si ay wadatashi iyo fikrad uga dhiibtaan, isagoo ballan qaaday in dowladdu ay fududeyn doonto kobaceeda iyo horumarkeeda.

Sheekh Maxamuud ayaa ku booriyay shacabka Soomaaliyeed in ay u midoobaan dagaalka ka dhanka ah Khawaarijta oo ah eray uu ugu yeeri jiray Al-Shabaab iyo kooxaha kale ee xagjirka ah oo muddo toban sano ka badan dalka ka waday dagaallo fool ka fool ah. .

Xasan Sheekh oo maanta si cad usoo bandhigay qorshihiisa wax ka bedelka dastuurka

Madaxweynaha ayaa sheegay in caalamka oo dhan uu isha ku hayo horumarka ay Soomaaliya ku tallaabsaneyso, isla markaana ciidamada dowladda oo gacan ka helaya Midowga Afrika iyo saaxiibada kale ee caalamiga ah ay sii wadi doonaan soo celinta deegaannada cusub ee Khawaarijta ilaa inta dalka oo dhan laga helayo xor iyo nabad.

Sidoo kale, wuxuu ugu baaqay dagaalyahannada Al-shabaab inay ka tanaasulaan colaadda, ayna cafis weydiistaan ​​shacabka Soomaaliyeed, wuxuuna ku boorriyay ajaanibta ka tirsan kooxdaas inay dib ugu laabtaan dalalkii ay ka yimaadeen, taasoo muujinaysa inaysan jirin meel ay kaga sugan yihiin Soomaaliya.

 

Read More

Ra’iisul Wasaare Xamsa oo la kulmay Madaxweynaha Jabuuti

 

Ra’iisul Wasaaraha Soomaaliya Mudane Xamza Cabdi Barre ayaa maanta kulan la qaatay Madaxweynaha Jamhuuriyada aan walaalaha nahay ee Jabuuti Mudane Ismaaciil Cumar Geelle, kaasi oo uu si weyn ugu bogaadiyay Soomaaliya.

Kulanka Xamza iyo Geelle ayaa waxaa looga wada-hadlay xoojinta xiriirka labada dal iyo iskaashiga dhinacyada amniga iyo dhaqaalaha.

Ra’iisul Wasaare Xamza ayaa dowladda iyo shacabka Jabuuti uga mahadceliyay doorka ay ka qaataan dowlad dhiska iyo amniga Soomaaliya, xilliyadii kala duwanaa ee la soo maray, isaga oo xusay in Jabuuti ay tahay walaal iyo saaxiib muhiim ah oo ay Soomaaliya leedahay.

Mudane Geelle ayaa dhankiisa waxq uu dowladda Soomaaliya ugu hambalyeeyay guulaha waaweyn ee ay ka soo hoysay muddada kooban.

Geelle ayaa si gaar ah u xusay guusha laga gaaray dagaalka ay dowladda iyo shacabka kula jiraan Al-Shabaab, qaadista cuna-qabateynta hubka, ku biirista suuqa ganacsiga Bariga Afrika iyo cafinta deyntii lagu lahaa Soomaaliya.

Soomaaliya ayaa sanadkan dhamaadka ah daba-yaaqadiisa gaartay guullo waaweyn oo wax ku ool ah, taasi oo ay ugu dambeysay deyn cafinta oo lagu dhawaaqay 13-kii bishaan, taasi oo Soomaaliya ku dareysa liiska dalalka aan lagu laheyn wax deyn ah.

 

Read More

Safaaradda Shiinaha ayaa ku wareejisay 1 milyan oo doolar si loogu caawiyo dadka ay fatahaaduhu saameeyeen ee Soomaaliya

 

Guddoomiyaha Hay’adda SoDMA oo deeq lacageed ka guddoomay Safiirka Shiinaha

Safaaradda Shiinaha ee Soomaaliya ayaa maanta  ku wareejisay dowladda Soomaaliya lacag dhan hal milyan oo dollarka Mareykanka ah oo gargaar bani’aadanimo ah, si wax loogu qabto dadka ay waxyeelada kasoo gaartay fatahaadaha ka dhacay Geeska Afrika.

Safiirka Shiinaha u fadhiya Soomaaliya Fei Shangchao ayaa sheegay in gargaarkii ugu dambeeyay ee bini’aadantinimo ee ka yimid Beijing ay wax xoogaa nasasho ah u keeni doonto dhibanayaasha fatahaadaha ka dhashay roobabka El Nino.

“Markii daadadka ay ku dhufteen Soomaaliya, Shiinaha wuxuu ahaa waddankii ugu horreeyay ee sanadkan soo gaaro Soomaaliya, durba waa markii afaraad oo dowladda Shiinaha ay Soomaaliya soo gaarto xilliyada ay u baahan tahay, sida aan wada ognahay taariikhda fog. saaxiibtinimadayada," ayuu yiri Fei.

Maxamuud Macalin Cabdulle oo ah Guddoomiyaha Hay’adda Maareynta Musiibooyinka Soomaaliyeed ayaa uga mahadceliyey Shiinaha sida ay ugu soo gurmadeen dadka ay saameeyeen fatahaaduhu. "Dowladda Shiinaha waxay si toos ah u taageertaa Soomaaliya, gargaarku waa mid la taaban karo oo dadka la gaarsiiyo."

Daadad ku dhuftay koonfurta iyo bartamaha Soomaaliya ayaa dilay in ka badan 100 qof, halka 1.7 milyan ay ku barakaceen, sida lagu sheegay tirakoobka dowladda.

Read More

Ra’iisul Wasaaraha XFS oo Jabuuti ku daah-furay shirka sanadlaha ah ee Machadka Heritage

 

Ra’iisul Wasaaraha Xukuumadda Jamhuuriyadda Federaalka Soomaaliya, mudane Xamsa Cabdi Barre, ayaa magaalada Jabuuti ku daah-furay shirka sanadlaha ah ee Machadka Heritage.

Mudane Xamsa Cabdi Barre ayaa ku bogaadiyey martigelinta dowladda Jabuuti ee shirkan iyo Machadka Heritage oo soo qaban-qaabiyay, waxuuna sheegay in shirka muhiimad wayn ugu fadhiya bulshada ku nool geeska Afrika.

Ra’iisul Wasaaraha XFS ayaa u rajeeyey doodaha shirka ee maalmaha soo socda in wax wayn oo bulshada geeska Afrika wax tara ka soo baxaan, isagoo ganacsatada Soomaaliyeed iyo reer Jabuuti ku ammaanay dhaqaale ku bixinta nabadda dadka Soomaaliyeed.

Mudane Xamsa Cabdi Barre ayaa sidoo kale munaasabadda furitaanka ku soo hadal qaaday dadaalkii madaxweynaha Jabuuti mudane Ismaaciil Cumar Geelle uu 24 sano ka hor u isaatagay ee dowlad dhiska Soomaaliya, isagoo bogaadiyey doorka wanaagsan ee ciidanka Hiil walaal ee Jabuuti ku leeyihiin nabad ku soo dabaalidda Soomaaliya.

Shirka ayaa sanadkan diiradda lagu saarayaa kobcinta dhaqanka nabadda geeska taas oo saamayn u leh guud ahaan bulshooyinka gobolka gaar ahaan bulshada Soomaaliyeed.

 

 

Read More

Ciidanka dowladda oo maanta si buuxda ula wareegay amniga guud ee Madaxtooyada Soomaaliya

Ciidamada xoogga dalka Soomaaliyeed ayaa maanta si rasmi ah ula wareegay amniga guud ee madaxtooyada Soomaaliya oo 16 kii sano ee lasoo dhaafay ay gacanta ku hayeen ciidanka nabad ilaalinta u jooga Soomaaliya ee ATMIS.

Wasiirka Wasaaradda Gaashaandhiga Xukuumadda Fedaraalka Soomaaliya Cabduqaadir Maxamed Nuur ayaa sheegay in talaabadan ay hordhac u tahay qorshaha ciidamada xoogga dalka ay kula wareegayaan amniga guud ee dalka.

"Amaanka madaxtooyada oo ay ku yaalaan xafiisyada madaxweynaha, Raysal wasaaraha iyo Baarlamaanka waxaa maanta si rasmi ah ula wareegay ciidanka xoogga dalka, taasi oo bilaw u ah in ciidamada dib u hantaan dhamaan amniga dalka, mar hadii madaxtooyadii ciidanku la wareegeen inta kalana way la wareegi doonaan sida ugu dhaw" ayuu yiri Wasiir Cabduqaadir Maxamed Nuur.

Ciidamada Nabad ilaalinta u jooga Soomaaliya ee ku howlgala magaca ATMIS ayaa la sheegay iney si tartiib tartiib ah uga baxayaan dalka ilaa dhamaadka sanadka soo socda ee 2024-ka, waxaana sidoo kale lagu wadaa in ilaa 3,000 oo ATMIS ka tirsan in dhamaadka bishaan ay dalka ka baxaan.

Wasiir Cabdulqadir Maxamed Nuur ayaa sidoo kale sheegay in xarumaha kale ee dowladda ay dhawaan sidoo kale la wareegi doonaan ciidanka dowladda Soomaaliya.

"Garoonka Aadan Cadde iyo dakadda weyn ee Muqdisho oo ah xarumaha ugu weyn ee dowladda ayay wali sii joogi doonan ciidanka ATMIS, ayagana waan kala wareegi doona" ayuu yiri Wasiirka Gaashaandhiga Cabduqaadir Maxamed Nuir.

Si kastaba ha ahaatee la wareegista ciidanka xoogga dalka Soomaaliyeed ee xarunta Madaxtooyada Soomaaliya ayaa kusoo beegmeysa, iyadoo ciidanka ATMIS lagu wado in dhamaadka sanadka soo socda gabi ahaanba isaga baxaan gudaha dalka Soomaaliya.

 

Read More

Wajiga labaad ee dhimista ciidanka ATMIS oo maanta si rasmi ah u bilaabatay

 

Wajiga 2-aad ee dhimista ciidamada Midowga Afrika ee nabad ilaalinta u jooga Soomaaliya, ayaa maanta si rasmi ah u bilaabatay, wuxuuna socon doonaa illaa 31 december ee sanadkan.

Sida uu farayo Qaraarka golaha ammaanka ee tirsigiisu yahay 2710, howlgalka ATMIS ayaa la filayaa inuu 3,000 askari ka saaro Soomaaliya, laguna beddelo ciidamada ammaanka Soomaaliya.

“ATMIS waxay higsaneysaa in mas’uuliyadda amniga loogu wareejiyo Soomaalida, kobcinta lahaanshaha waara. Tallaabadan istaraatiijiga ah waxay awood siinaysaa ciidamada Soomaaliya inay si madax-bannaan u ilaaliyaan nabadda iyo ammaanka dalkooda gudihiisa.

Iyada oo lagu aaminayo mas'uuliyadaha amniga ciidamada maxalliga ah, kala-guurka ayaa doonaya in la xoojiyo awoodda Soomaaliya si ay u ilaaliso dadkeeda oo ay gacan uga geysato xasillooni waarta.” Howlgaka ATMIS ayaa sidaas ku yiri hadal oo uu soo saaray.

Tallaabada ugu horraysay ayaa la sheegay inay ka bilaabanayso in ciidamada ATMIS ay baneeyaan xarunta madaxtooyada, halkaas oo ay 16-kii sano ee lasoo dhaafay gacanta ku hayeen.

Sida uu horey u sheegay La-taliyaha Amniga Qaranka, Xuseen Macallin, Xuseen Macallin, Ciidamada Qalabka Sida ayaa si buuxda ula wareegaya mas’uuliyadda amniga Xarunta Villa Somalia oo ay deggan yihiin Madaxweynaha iyo Ra’iisul Wasaaraha.

Wareejinta amniga hay'adahan dowliga ah, oo markii hore udub dhexaad u ahaa waajibaadka ATMIS, ayaa ah tallaabo muhiim ah oo loo qaaday geeddi-socodka kala-guurka.

Tallaabadan ayaa la sheegay inay calaamad u noqon doonto dhamaadka 16 sano oo ciidamada ATMIS Uganda ay ilaalinayeen Aqalka Madaxtooyada.

 

Read More

Soomaaliya iyo Jarmalka oo kala saxiixday mashruuc cusub oo ku kacaayo in ka badan 17 Milyan oo dollar.

 

Dowladdaha Soomaaliya iyo Jarmalka ayaa Maanta magaalada Muqdisho ku kala saxiixday heshiis dhaqaale oo gaaraya 19 Milyan oo doolarka Mareykanka ah oo loogu talo galay dib usoo kabsashada ilaha dhaqaalaha iyo ganacsiga Soomaaliya.

Heshiiskaan oo la sheegay inuu soo socday ku dhawaad laba sano ayay Maanta kala saxiixdeen hay’adda Gargaara oo ah laan ka mid ah Wasaaradda Maaliyadda Soomaaliya oo taageerta ganacsiga, Bankigyada iyo  Bankiga horumarinta Jarmalka ee Germany (KFW).

Maal gelintaan ayaa la tilmaamay in xoogga lagu saari doonta ilaha kala duwan ee wax soo saarka dalka, sida Beeraha, Xoolaha, kalluumeysiga, Tamarta, Dalxiiska, Caafimaadka, Waxbarashada iyo Horumarinta dhallinyarada.

Waxaa goobjoog ka ahaa Munaasabadda heshiiska lagu kala sexiixday qaar ka mid ah Agaasimyaasha guud ee Wasaaradda ee ay khuseyso, Madaxda sare ee hay'adda Gargaara, Madaxda Bankiyada Somaaliyeed iyo Madaxda Horumarinta iyo Iskaashiga Caalamiga ah ee Safaaradda dalka Jarmalka ee Soomaaliya.

Guddoomiyaha Hay’adda Gargaara  Suleymaan Cabdi Ducaale ayaa kaga mahadceliyay shacabka iyo dowladda Jarmalka taagerada ay la garab taagan yahiin shacabka Soomaaliyeed.

Allena Kern oo ah Madaxa horumarinta iyo Iskaashiga Safaaradda wadanka Jarmalka ee Soomaaliya ayaa sheegtay iney ku kalsoon tahay taageerada Gargaara ay siiso ganacsiyada gaarka, iyadoona sidoo kale u balan qaaday taageera buuxda.

Dalka Jarmalka ayaa ka mid yahay dalalka sida wayn u taageera dowladda Fedaraalka Soomaaliya, islamarkaana ka caawiya dhinacyada, gargaarka, horumarinta, farsamada ganacta, Caafimaadka, Waxbarashada iyo Amniga.

 

Read More

Hay’adda lacagta adduunka ee IMF iyo Bangiga Adduunka ayaa ku heshiiyey in Soomaaliya laga dhaafo deymaha ku kacaya 4.5 bilyan oo doolar

 

Bangiga adduunka iyo IMF oo Soomaaliya ka cafiyay $4.5 bilyan oo deyn ah

Hay’adda lacagta adduunka ee IMF iyo Bangiga Adduunka ayaa ku heshiiyay in Soomaaliya laga cafiyo 4.5 bilyan oo dollar oo deyn lagu lahaa Arbacadii kaddib markii dalka Geeska Afrika uu soo gabagabeeyay sannado badan oo dib-u-habeyn maaliyadeed ah oo uu ku sameeyay Hindisaha dalalka deymaha leh ee deymaha leh.

IMF iyo Bangiga Adduunka ayaa hindisahan bilaabay 1996 si ay u caawiyaan dalalka ugu saboolsan adduunka si ay u gaadhaan joogtaynta deynta.

IMF iyo Bankiga Adduunka ayaa bayaan ay soo saareen ku sheegay in deyn cafinta “ay fududeyn doonto helitaanka ilo dhaqaale oo dheeri ah oo muhiim ah oo ka caawin doona Soomaaliya xoojinta dhaqaalaheeda, yareynta faqriga iyo kor u qaadista shaqo abuurka.”

War saxaafadeedka ayaa intaas ku daray: "Kadib markii ay dhammaysteen dalalka deymaha leh ee deymaha badan leh (HIPC), deynta dibadda ee Soomaaliya waxay hoos uga dhacday 64 boqolkiiba GDP 2018 ilaa wax ka yar 6 boqolkiiba GDP dhammaadka 2023."

Soomaaliya waa dalkii 37-aad ee dhameystira hannaanka HIPC, kaasoo soo billowday 1996-kii.

Dowladda Soomaaliya ayaa soo dhaweysay deyn cafinta, Madaxweynaha Jamhuuriyadda Mudane Xasan Sheekh Maxamuud ayaa shacabka Soomaaliyeed ugu hambalyeeyay guusha taariikhiga ah ee uu dalka gaaray kadib markii laga cafiyay deymo caqabad ku ahaa muddo dheer.

“Aad baan ugu faraxsanahay in aan bilownay howsha deyn cafinta, maantana waxaan nasiib u yeeshay inaan istaago gebagebadii.” Madaxweynaha ayaa ku nuux-nuux saday in dalka uu hadda awood u leeyahay inuu la macaamilo caalamka iyo Hay’adaha maaliyadda ee dalka iyo bangiyada ayaa la aqoonsaday, iyadoo guushan lagu tilmaamay fursad weyn.

Dhankiisa, Ra’iisul Wasaare Xamza Cabdi Barre ayaa ku tilmaamay wixii dhacay guul taariikhi ah oo u soo hoyatay qaranka Soomaaliyeed, wuxuuna caddeeyay in deymaha laga cafiyay ay ku timid dadaalkii badnaa ee ay qabteen dowladihii dalka soo maray, isagoo caddeeyay in deyn cafinta ay horseedi doonto horumar dhaqaale, soo jiidashada maalgashadayaasha. , gaaritaanka isku filnaansho iyo horumarinta adeegyada Bulshada iyo abuurista rajo dhalinyarada Soomaaliyeed.

Wasiirka Maaliyadda Xukuumadda Federaalka ah ee Soomaaliya, Biixi Caghi, ayaa xusay in Soomaaliya laga cafiyay deymaha lagu leeyahay, wuxuuna yiri: “In la arko Soomaaliya oo heer gabo gabo ah gaartay waxay la macno tahay guul weyn. "Isla markaasna, sidoo kale waa mas'uuliyad weyn, sababtoo ah Soomaaliya waa in ay cagaheeda isku taagto oo ay ilaaliso guulaha dib u habeynta ah ee la gaaray sannadihii la soo dhaafay, korna loo qaado dakhliga gudaha."

 

Read More

Madaxweyne Xasan Sheekh oo shir-gudoomiyay shirka amniga Soomaaliya ee New York

 

Madaxweyne Xasan Sheekh oo Xarunta QM ku guddoomiyay Shirka Amniga Soomaaliya

Madaxweynaha Jamhuuriyadda Federaalka Soomaaliya, Mudane Xasan Sheekh Maxamuud, ayaa maanta oo Talaado ah shir-gudoomiyay shirka amniga Soomaaliya ee ka socda xarunta Qaramada Midoobay ee magaalada New York, iyadoo shirkaas lagu soo bandhigay muhiimadda uu amniga Soomaaliya u leeyahay gobolka.

Kulankan oo ay soo qaban qaabiyeen 26 dowladood, Qaramada Midoobay, Jaamacadda Carabta, Midowga Yurub iyo Midowga Afrika ayaa Madaxweynaha waxa uu ku soo bandhigay waxyaabihii u qabsoomay qorshayaashii dowladdiisa ee ku aaddan dib u dhiska ciidanka iyo xoreynta deegaannada ay gacanta ku hayaan argagixisada. , Ahmiyadda iskaashiga amniga ee heer qaarad iyo heer caalami, ka bixitaanka ciidamada AMISOM, iyo xasiloonida siyaasadda Soomaaliya.

Madaxweynaha ayaa yiri “ dhimista tirada ciidamada AMISOM ee hadda jirta waxay cadeyn u tahay horumarka aan ka sameynay qorshaha lagu xaqiijinayo Soomaaliya oo xasiloon oo leh adeegyo amni oo awood u leh inay si buuxda u qaataan mas’uuliyadda amniga dalka”.

Madaxweynaha Jamhuuriyadda ayaa u mahadceliyey dalalka xubnaha ka ah Golaha Ammaanka ee Qaramada Midoobay ee taageeray in Soomaaliya laga qaado cunaqabateynta hubka, haatanna ka taageeraya cafinta daymaha lagu leeyahay iyo dhismaha ciidamada qalabka sida.

Madaxweynaha ayaa intaa ku daray: “Waxaan soo dhaweynayaa go’aanka taariikhiga ah ee Golaha Ammaanka ee Qaramada Midoobay uu ka qaatay cunaqabateynta hubka ee saaran Soomaaliya. Tani waa guul muhiim ah oo u soo hoyatay Soomaaliya, taasoo muujineysa horumarka ballaaran ee laga gaaray habka loo maamulo hubka iyo rasaasta ciidamada, iyadoo go’aankan uu noo ogolaanaya in si buuxda loo qalabeeyo ciidamada Qaranka.

 

Read More

Madaxweyne xasan Sheekh Maxamuud oo gaaray New York

 

Xasan Sheekh oo ka degay New York iyo qorshaha safarkiisa oo la shaaciyey

Dowladda Soomaaliya ayaa ku qabanaysa Xarunta Golaha loo dhanyahay ee Qaramada Midoobey shir ku saabsan amniga Soomaaliya, dib u dhiska Ciidamada iyo howlgallada Xoreynta.

Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa goor dhaweyn soo gaaray magaalada New York ee dalka Maraykanka si uu u guddoomiyo Shirkan.

Sida laga soo xigtay madaxtooyadda Soomaaliya, shirkan ayaa ujeedkiisu yahay in laga doodo, isla markaana la dejiyo istaraatiijiyad lagu horumarinayo amniga iyo xasilloonida Soomaaliya, loogana hortagayo caqabadaha amni ee dalka ka jira, iyadoo diiradda lagu saarayo khatarta Al-Shabaab.

Shirkan waxaa ka soo qeyb-galaya 26 dal, Qaramada Midoobey, Jaamacadda Carabta, Midowga Yurub iyo kan Afrika, waxaana lagu hadlayaa ajandeyaashan;

1- Horumarka iyo Caqabadaha ka jira Laamaha Amniga Soomaaliya.

2-Qorshaha Horumarinta Amniga Soomaaliya.

3-Taageerada Caalamiga ah ee Soomaaliya ee Amniga iyo Horumarka.

Dowladda ayaa dhawaan laga qaaday cunaqabateentii hubka, waxaana soo socda guulo kale oo waaweyn oo deyn cafinta ay ku jirto.

Sanadkaan inta uusan dhamaan waxaa lagu wadaa in Soomaaliya uu caalamku ka cafiyo deymihii uu ku yeeshay waayihii burburka.

Madaxweyne Xasan Sheekh ayaa markii uu ka qeyb galo shirkaan looga hadlayo amniga Soomaaliya ee New York ka dhacaya ayaa sidoo kale ka qeyb geli doona shirka deyn cafinta Soomaaliya.

 

Read More

SODMA oo shaacisay inay dhaqaale la’aan soo food saartay oo uga sii dareysa…

 

Hay’adda Maareynta Musiibooyinka Qaranka ayaa markii ugu horeysay shaacisay in dhaqaale la’aan hayso, xilli dalka ay ka taagan tahay xaalad ka dhalatay roobabka iyo daadadka El-Niño.

Agaasimaha xarunta howl-gallada gurmadka deg-degga ee hay’adda SODMA oo shir jaraa’id ku qabtay Muqdisho ayaa sheegay in hay’adda ay hayso raashin badan kuwa kalana u soo socdan balse aysan haysan dhaqaalo ay gobollada dalka ku gaarsiiyan.

Xasan Cabdulqaadir Ciise ayaa sidoo kale waxa uu sheegay in ay kordheen qasaraha ka dhashay roobabka iyo daadadka El-Niño.

“Waxaa inoo soo socda raashino badan, runtii beesha caalamka indhahooda waa nagu soo jeesteen oo gargaar badan ayay noo fidinayaan, laakiin waxaa meesha ka maqan dhaqaalihii ama miisaaniyadii lagu maareyn lahaa howlahaas oo dhan,” ayuu yiri.

Sidoo kale waxa uu intaas kusii daray “Hay’adda SODMA kaligeed ma kaafiso, oo awoodeeda ma lahan, waxaan usoo jeedinayna in bulshada Soomaaliyeed ay garab istaagaan hay’adda maareynta musiibooyinka.”

SODMA ayaa ka dalbatay dowladda dhexe iyo xafiisyada madaxda sare ee dalka inay sii laba jibaaran garab istaagooda hay’adda, si gargaarka loo gaarsiiyo dadka sida aadka ah ugu baahan.

“Waxaan oo raashin ah dhamaan inoo imaadan waxay nooga filan yihiin siddeeda billood ee soo socota aan iskaga filnanaano raashin dadkaas gaarsiino, oo sida ugu dhaqsaha badan ula gaarno dadkaasi baahida deg-dega ah hayso.”

Ugu dambeyntiina waxa uu walaac ka muujiyay in cudurada faafa ka dilaacan deegaanada ay saameynta xooggan ku yeesheen roobabka iyo daadadka El-Niño, isaga oo uu xusay in ay ka shaqeynayaan sidii daawooyin loo gaarsiin lahaa, ayada oo la kaashanayo dowladda federaalka, gaar ahaan wasaarada caafimaadka.

Si kastaba, arrimahan ayaa imanaya, xilli ay si guud marba marka ka dambeysa sii kordheyso xaaladda adag ee ka dhalatay roobabka daadadka wata iyo fatahaadaha ku dhuftay gudaha dalka, ayada oo tirada dhimashada ay gaartay illaa 120 ruux.

 

Read More

Tirada dadka ku dhintay daadadka iyo fatahaada Wabiyada Jubba iyo Shabeelle oo korortay

 

Guddoomiyaha hay'adda Maareeynta iyo Masiibooyinka Qaranka Soomaaliyeed ee SODMA Maxamuud Macalin Cabdulle ayaa sheegay iney gaartay tirada dadka dhintay daadadka ka dhashay roobabka iyo fatahaada wabiyada Jubba iyo Shabeelle 120 ruux.

Guddoomiyaha SODMA ayaa sidoo kale sheegay in dadka ugu badan ay ku dhinteen gobolada Baay, Gedo iyo Jubbada Hoose.

"Daadadka iyo fatahaadaha inta aan diiwan galinay dhimashada waa 120 ruux oo ah guud ahaan gobolada dalka, haba ugu sii badnaadaan gobolada Baay, Gedo iyo Jubbooyinka, dadka dhintay waxaa ku jiray dhowr iyo toban ruux oo doon la gadoontay iyagoo ka cararaya kooxda Al-shabaab" ayuu yiri guddoomiyaha hay'adda SODMA Maxamuud Macalin Cabdulle.

Wuxuu sidoo kale tilmaamay guddoomiyaha iney ku adkaatay in deegaanada qaar ay gaarsiiyaan gargaar, kadib markii garoomada diyaaradaha intooda badan ay ku xirmeen daadadka ka dhashay roobabka.

Si kastaba ha ahaatee dhibaatooyinka ka dhashay daadadka iyo fatahaadaha ayaa wali ka taagan magaalooyin badan oo ku yaala gobolada dalka, haba ugu sii darnaadaan Baledweyne, Buulaburte iyo Jalalaqsi ee gobolka Hiiraan.

 

Read More

Madaxweynaha JFS oo gaaray dalka Jabuuti

 

Madaxweynaha dowladda federaalka Soomaaliya, Mudane Xasan Sheekh Maxamuud iyo wafdi uu hoggaaminayo ayaa xalay gaaray dalka Jabuuti.

Madaxweyne Xasan iyo wafdigiisa ayaa waxaa garoonka diyaaradaha ee caasimada Jabuuti kusoo dhaweeyay mas’uuliyiin sar sare oo ka tirsan dowladda Jamhuuriyadda Jabuuti.

Ujeedka safarka madaxweynaha ayaa la xiriira ka qayb-galka  kulanka 41-aad ee aan caadiga ahayn ee Madaxda Urur goboleedka IGAD, sida ay shaaca ka qaaday Villa Soomaaliya.

Shirkan ayaa looga hadli doono xaaladda guud ee gobolka, ayada oo la filayo in madaxweynuhu uu khudbad xasaasi ah ka jeediyo shirweynaha Jabuuti.

Xasan Sheekh ayaa khudbadiisa diiradda ku saari doono arrimo ay ka mid yihiin dagaalka Al-Shabaab iyo xaaladaha bani’aadanimo ee ka jira dalka.

Sidoo kale waxa uu madaxweynuhu kulamo gaar gaar ah la qaadan doonaan madaxda dalka Jabuuti iyo kuwa kale ee kasoo qayb-galayo kulanka 41-aad ee aan caadiga ahayn ee Madaxda Urur goboleedka IGAD.

Jabuuti oo xiriir wanaagsan iyo walaaltinimo ay kala dhexeyso Soomaaliya ayaa waxaa marar badan booqashooyin ku tegay madaxweyne Xasan Sheekh oo wadahadallo la soo yeeshay dhiggiisa Ismaaciil Cumar Geelle.

Si kastaba, madaxweynaha dowladda Soomaaliya ayaa maalmo kahor kasoo laabtay safar uu ku tegay dalka Imaaraadka Carabta oo uu uga soo qayb-galay shirka COP28 oo looga hadlayay isbeddalka cimilada adduunka.

 

Read More

Soomaaliya ayaa u mahadcelineysa dalalkii ku taageeray qaadista cunaqabateynta hubka

 

Madaxweyne Xasan Sheekh Maxamuud ayaa si weyn ugu mahadceliyey dalalkii taageeray go’aankii taariikhiga ahaa ee Golaha Ammaanka ee Qaramada Midoobay uu kaga qaaday Soomaaliya cunaqabateynta hubka ee saarneyd muddo ka badan 32 sano.

Madaxweynaha ayaa khudbad ka jeediyay munaasabad loo qabtay guushan taariikhiga ah, waxaana ka soo qeyb galay Ra’iisul Wasaare Xamza Cabdi Barre iyo mas’uuliyiin isugu jira Soomaali iyo Ajaanib, isagoo ku bogaadiyay taageerada joogtada ah ee ay dowladda iyo shacabka Soomaaliyeed u muujiyeen halgankii dheeraa ee ay u soo galeen sidii loo gaari lahaa yoolkaas muhiimka ah. guul. 

Wuxuu carabka ku adkeeyay muhiimadda weyn ee go’aankan uu u leeyahay sidii Soomaaliya looga xoreyn lahaa argagixisada, wuxuuna soo bandhigay qorshaha dowladda ee ah in si mas’uuliyad ku jirto loo maareeyo hubka.

Xasan: Dunida si aysan uga qoomameyn go’ankii taariikhiga ahaa

Guushaan waxay cadeyn u tahay dadaalka wadajirka ah ee shacabka Soomaaliyeed iyo beesha caalamka," ayuu yiri Madaxweyne Maxamuud oo yiri: "Waxaan si aad ah ugu mahadcelineynaa dhammaan dowladihii na garab istaagay intii aan ku guda jirnay safarkan adag." Taageeradooda hagar la’aanta ah ayaa wax weyn ka tari lahayd in aan ku soo dhawaado nabad iyo xasillooni waarta oo Soomaaliya ka dhalata.

Madaxweynaha ayaa sidoo kale bogaadiyay madaxda iyo hay’adaha dadaalka badan ee ku jira dowladda Soomaaliya oo kaalin mug leh ka qaatay xaqiijinta guushan taariikhiga ah. Wuxuu ku celceliyay in dowladdu ay si buuxda uga go’an tahay xaqiijinta in si mas’uuliyad leh loo adeegsado hubka iyo codsigooda gaarka ah ee lagu xoreynayo dalka iyo difaaca qaranka.

 

Read More

Madaxweynaha JFS oo dalka dib ugu soo laabtay

 

Madaxweyne Xasan Sheekh oo dalka dib ugu soo laabtay ka dib markii uu ka soo qeyb galay shirkii is bedelka cimilada ee Imaaraadka

Madaxweynaha Jamhuuriyadda Federaalka Soomaaliya mudane Xasan Sheekh Maxamuud, ayaa dalka dib ugu soo laabtay kaddib shirkii caalamiga ahaa ee isbeddelka cimilada (COP28) oo uu kaga qeyb-galay dalka Isutagga ImaaraatkaCarabta.

Madaxweynaha Jamhuuriyadda ayaa kulammo gaar gaar ah la qaatay Madaxda iyo Hay’adaha caalamiga ah ee ka soo qeyb-galay shirkaas, kuwaas oo uu kala hadlay saameynta xooggan ee isbeddelka cimilada oo dalkeennu uu safka hore kaga jiro dalalka ay dhibaatada ugu badan ay ka soo gaartay.

Madaxweynaha ayaa inta uu ku sugnaa Dubai waxa uu dadaal ku bixiyey in taageero iyo garab istaag loo helo howlaha gurmadka iyo samata-bixinta dadka Soomaaliyeed ee ku barakacay daadadka ka dhashay fatahaadda El-neno, isagoo soo bandhigay baaxadda dhibaatada ka dhalatay iyo tallaabooyinka ay qaadday dowladdu.

 

Read More

Wasiirka Caafimadka oo magaalada Dubai uga qeyb galay shir ay soo qabanqaabisay WHO

 

Wasiirka Wasaaradda Caafimaad Xukuumadda Federaalka Soomaaliya Mudane Dr. Cali Xaaji Aadam ayaa maanta ka qaybgalay kulan gaar ah oo ku saabsanaa sidii loo abuuri lahaa xalka waara ee la xiriira isbadalka climilada.

kulanka ayaa looga hadlay xoojinta nidaamka Caafimaadka waxaana soo qabanqaabisay Hey’adda Caafimaadka Adduunka iyo Hey’adda Maraynta howlaha (UNOPS) waxa uuna qeyb ka ahaa kulan waynaha isbadalka cimilada (COP28) ee ka socda magalaadda Dubai.

Wasiira Wasaaradda Caafimaadka iyo Daryeelka Bulshadda ee XFS Dr. Cali Xaaji Aadam ayaa qayb ka ahaa kulanka gaarka ahaa ee ay kasoo qayb galeen Wasiirada Caafimaadka ee wadamada kala ah Pakistan, Yemen iyo Masar sidoo kale kulanka waxaa qayb ka ahaa Agaasimaha Guud ee hey’adda UNOPS.

Kulanka ayuu Wasiirka Caafimaadka Soomaaliya ka jeediyey khudbad taariikhi ah taasoo taabanaysay sida loo abuuri lahaa habka isku xiran ee isbadalka cimilada iyo Caafimaadka ee xalka waara, waxa ayna Soomaaliya qayb ka tahay isbahaysi cusub oo arrimahaas xoogga saaraayo  loona yaqaano Alliance for Transformative Acton on Climate and Health ( ATACH).

Waxa uuna ku soo gunaanaday Wasiirka Caafimaadka sida ay Soomaaliya hadda u wajahaysa isbadalka cimilada oo bilow ka hore ay ka soo baxday abaaro, islamarkaana bilaabatay Fatahaada ( El NiNo),

Sidoo kale Wasiirka ayaa carabka ku adkeeyey guulaha ay Soomaaliya ka gaartay hirgelinta nidaamka cadceeda tamarta loogu helo ( Solar Energy Systems) kaasoo ilaa iyo hadda laga hirgeliyey qeybo ka mid ah Isbitaalada Gobolada iyo Degmooyinka ku yaalo dalka, iyadoo ay jiraaan qorshe dhamaystiran oo ku wajahan sidii loo dhamaystiri lahaa xarumaha Caafimaadka ee dalka oo dhan.

 

 

Read More

Bangiga Adduunka ayaa rajaynaya in dhaqaalaha Soomaaliya uu kordho 3.8% sanadka 2025-ka

 

Dhaqaalaha Soomaaliya ayaa muujiyay adkeysi marka loo eego warbixintii sideedaad ee dhaqaalaha Soomaaliya oo uu soo saaray Bangiga Adduunka inkastoo ay soo food saartay abaar daba dheeraatay 2020 ilaa 2023.

Warbixintu waxa ay tilmaantay in abaarta oo si weyn u saamaysay wax-soo-saarka beeraha iyo dhoofinta, ay keentay in dadku u hayaamaan cunto iyo biyo, taasoo keentay in kobaca wax-soo-saarka dalka hoos u dhaco 2.4% 2022, taasoo hoos uga dhacday 3.3% sannadkii hore.

Si kastaba ha ahaatee, saadaasha ayaa tilmaamaysa kororka kobaca GDP ilaa 3.1% sanadka 2023, iyada oo ay suurtogal tahay in ay kor u kacdo 3.8% marka la gaaro 2025. Aragtida togan waxaa loo aaneynayaa hirgelinta dib u habeynta hoos timaada Hindisaha HIPC, kaas oo la filayo in uu horseedo horumar yar. dakhliga qofkasta.

Christina Svensson, Agaasimaha Xafiiska Bangiga Adduunka ee Soomaaliya, ayaa carrabka ku adkeysay muhiimadda ay leedahay dib u habeynta socota si loo gaaro kobac waara. Waxay tiri, "Gaadhida dhamaystirka dalalka deymaha leh ee deymaha badan leh (HIPC) waa udub dhexaadka Soomaaliya, maadaama ay kor u qaadayso kalsoonida maalgashadayaasha waxayna u baahan tahay dadaal joogto ah oo lagu abuurayo jawi suurtagelinaya maalgashi shisheeye."

Warbixinta ayaa sidoo kale diiradda lagu saaray

muhiimadda ay maamulka biyuhu u leeyihiin istaraatiijiyadda horumarinta Soomaaliya, iyadoo si hufan loo maamulo kheyraadka biyaha ay muhiim u tahay yareynta saameynta kala duwanaanshaha cimilada iyo in la gaaro xasillooni dhaqaale, sida ay tilmaantay Chantal Ritchie oo ah khabiir sare oo dhanka biyaha ah. saadka iyo fayadhowrka ee Bangiga Adduunka.

Dhaqaalaha guud ee Soomaaliya ayaa horumaray, iyadoo dakhliga gudaha uu kor u dhaafey heerarkii kahor-coronavirus tan iyo 2022. Korodhkan ayaa oggolaaday in wax laga beddelo kharashaadka dowladda ee dhinaca daryeelka bulshada iyo deeqaha gobollada. Stella Ilieva, oo ah Dhaqaale sare oo Baanka Adduunka ah, ayaa ku nuuxnuuxsatay in dib-u-habaynta dhaqaalaha iyo maalgashiga raasamaalka dadku ay muhiim u yihiin soo jiidashada maalgashiga tooska ah ee shisheeye iyo kor u qaadista kobaca wax soo saarka dhaqaalaha.

 

Read More

Hay’adda SoDMA oo labo Doon kala wareegtay Hay’adda Zamzam foundation iyo Bankiga IBS

 

Hey’adda Maareynta Musiiboyinka Qaranka ayaa maanta 2- Doonyood waxa ay kala wareegtay Hey’adda Zamzam Foundation iyo Bankiga IBS.

Guddoomiye ku xigeenka Hey’adda SoDMA Mudane Dr Axmed Cabdi Aadan ayaa munaasabad kooban oo ka dhacday xarunta howlgalada gurmadka deg-degga ah ee NEOC waxa uu hey’adda Zamzam kala wareegay Doon nuuca dheereysa ah, taas oo uga qaybqadanayaan gurmadka socda ee lagu badbaadinayo shacabka Soomaaliyeed ee iskugu darsoomeen daadadka El-Niño iyo fatahaadaha Wabbiyada.

Dhinaca kale Agaasimaha waaxda Cafimaadka Hey’adda SoDMA Dr Cabdullaahi Muuse Axmed ayaa isna waxa uu Doon nuuca la buufiya ah kala wareegay Bankiga IBS.

Hey’adda Maareynta Musiiboyinka Qaranka ayaa u mahadcelisay Hey’adda Zamzam Foundation iyo Bankiga IBS, waxaana hey’adda ka go’an in doonyahaan si dhaqsi leh ay u gaarsiiso magaaloyinka xaaladaha adag ay ka jiraan.

Read More

Madaxweyne Xasan Sheekh oo khudbad ka jeediyay shirka caalamiga ah ee isbedelka cimilada ee lagu qabtay dalka Imaaraadka

 

Madaxweyne Xasan Sheekh "Soomaaliya waxay safka hore kaga jirtaa dalalka ay sida tooska ah u saameysay arrinta isbeddelka Cimilada"

Madaxweynaha dowladda fedaraalka Soomaaliya Xasan Sheekh Maxamuud ayaa khudbad xasaasi ah ka jeediyay shirka Caalamiga ah ee isbadalka Cimilada (COP28) oo lagu qabtay magaalada Dubai ee dalka Imaaraadka Carabta.

Madaxweyne Xasan Sheekh ayaa khudbadiisa kusoo bandhigay baaxada saameynta xoogan ay Soomaaliya ku yeelatay isbadalka Cimilada, isagoona xusay in daadadka ka dhashay roobabka Elnino iney ku dhinteen dad gaaray 120 ruux, islamarkaana ay ku barakaceen in ka badan hal Milyan oo ruux.

Wuxuu sidoo kale sheegay madaxweynaha in xaaladaani ay soo korortay, iyadoo dowladda fedaraalka ay dagaal xoogan kula jirtay kooxda Al-shabaab sidoo dalka uga ciribtiri lahaa.

isbedalka cimilada oo dhibaatooyin badan u geestey dalka

“Soomaaliya waxay safka hore kaga jirtaa dalalka ay sida tooska ah u saameysa arrinta isbeddelka cimilada, waxaana tusaale u ah dadkeenna haatan la tacaalaya daadadka ka dhashay duufaanta El-nino waa kuwii kal hore ka soo gudbay abaartii ku habsatay dalka" ayuu yiri madaxweyne Xasan Sheekh Maxamuud.

Madaxweynaha ayaa sidoo kale tilmaamay in Soomaaliya ay haatan wajheyso xaalado adag oo ka dhashay isbadalka Cimilada, islamarkaana dowladiisa ay ka go'an tahay marwalba la tacaalista caqabad kasta oo xal loogu raadinayo dhibaatada isbadelka Cimilada.

Madaxweyne Xasan Sheekh Maxamuud ayaa sidoo kale khudbadiisa ku dhaliilay hannaanka caalamiga ah ee ka hortagga saameynta isbedelka cimilada sii xumaaneysa ee dunida, isagoona ku dooday in dalalka Afrika aan si mug leh looga qeyb gelin qorshaha xallinta dhibaatadan, wuxuuna ugu baaqay dalalka warshadleyda ah iney gutaan masuuliyadda ka saaran arrinkaas, si loo xaqiijiyo duni ku habboon nolasha.

 

Read More

Imaaraadka Carabta oo gargaar deg deg ah ku taageeray dadka ay saameeyeen fatahaadaha Soomaaliya

 

Imaaraatka Carabta oo garabkeeda bini’aadantinimo u adeegsaneysa Hay’adda Bisha Cas ayaa u gurmaday dadkii ku waxyeeloobay fatahaadaha Soomaaliya, waxaana ay gaarsiiyeen gargaar cunto oo deg deg ah

Hay’adda Bisha Cas ee Imaaraatka Carabta ayaa xoojisay dadaallada bini’aadantinimo ee lagu taageerayo dadka ay saameeyeen fatahaadaha Wabiga Shabeelle ee ku dhuftay degmada Beledweyne ee xarunta gobolka Shabeellaha Hoose , iyadoo lala kaashanayo maamulada awooda u leh ee gobolka.

Gargaarkan oo ay soo dhiibtay dowladda Imaaraadka Carabta oo la soo marsiiyay xafiiska ay ku leeyihiin magaalada Muqdisho, ayaa isugu jiray raashiin fara badan iyo baahiyo kale oo loo baahnaa.

Hay’addu waxay xaqiijisay in gargaarkani uu ku yimid qaab-dhismeedkiisa si loo bixiyo baahiyaha bini’aadantinimo ee dadka walaalaha ah iyo kuwa saaxiibka ah iyada oo aan la takoorin, isla markaana kor loogu qaado awoodda ay dadkaas u leeyihiin inay la kulmaan caqabado iyo xaalado bini’aadantinimo oo degdeg ah.

Ka faa'iidaystayaasha gargaarka UAE

Waxa ay sharaxday in dhaqdhaqaaqeeda meelaha ay fatahaaduhu saameeyeen ee Soomaaliya ay dareen weyn ka helaan hoggaankeeda sare, kuwaas oo la socda barnaamijyada bisha cas ee dalal iyo fagaarayaal kala duwan, mar walbana ay doonayaan in ay qaataan dhammaan hindisayaasha dhowraya sharafta aadanaha.

Waxa ay carabka ku adkeysay in ay aad u daneyneyso in ay hirgeliso hindiseyaal wax badan ka bedelaya socdaalkeeda dhinaca howlaha samafalka iyo horumarinta, isla markaana ay weji cusub ku soo kordhineyso istiraatijiyaddeeda dhameystiran ee wax bixinta, oo aan lagu soo koobin meelo gaar ah oo kooban, iyadoo xustay. kala duwanaanshiyaha mashaariicda iyo barnaamijyada ayaa balaadhiya dallada ka faa'iidaystayaasha adeegyada Bisha Cas heer gobol iyo heer caalamiba.

Hay’adda Bisha Cas ee Imaaraatka Carabta ayaa ku nuuxnuuxsatay in dadaalkeeda ku aaddan arrintan ay ka mid tahay habka ay u bixiso noocyo kala duwan oo taageero bini'aadantinimo iyo horumarineed ah oo ay siiso dalalka iyo dadyowga dhinac walba ah.

Sidoo kale, Qoysaskii ay dhibaatadu ka soo gaartay fatahaadihii ka dhacay Soomaaliya, kana faa’ideystay gargaarka Bisha Cas ee Imaaraadka ayaa mahadcelin iyo bogaadin u jeediyay Hay’adda sida ay u garab taagan tahay iyo sida ay u jecel yihiin inay ka dulqaadaan dhibaatadooda, taasoo muujinaysa mowqifkeeda ku aaddan dhammaan bini’aadantinimada. Iyada oo ku saleysan qiyamka iyo mabaadi'da, kuwaas oo ku salaysan caawinta dadka kale iyo wadajirka iyaga la mar walba iyo duruufaha.

Read More

Mashaariicda Imaaraadku ka wado Soomaaliya iyo gacmihiisa cadaanka ah ayaa muujinaya isu soo dhawaanshaha weyn ee labada dal ee walaalaha ah

 

Imaaraadka iyo taageerada uu siiyo Soomaaliya heer walba

Imaaraatka Carabta ayaa ku baaqay in Soomaaliya laga taageero si kor loogu qaado adkeysiga is bedelka cimilada, isagoo tilmaamay in dalka Afrikaanka ah ay wajahaan musiibooyin joogto ah oo ka dhasha is bedelka cimilada, oo ay ugu horreeyaan abaaro soo noqnoqda oo saameeya sugnaanta cuntada iyo kordhinta faqriga, iyo fatahaadihii ugu dambeeyay ee sababay. ku dhawaad ​​rubuc milyan qof inay qaxaan.

Sidhookale Imaaraadka ayaa ka mid ah dalalka sida weyn u taageera Soomaaliya dhinacyo kala duwan, waana dalkii ugu horeeyay ee ka jawaaba baaqii ahaa in dalka laga badbaadiyo abaarta, waxaana Imaaraadka uu si joogto ah u fidiyay buundooyinka cirka iyo badda si shacabka Soomaaliyeed loogu taageero cunno badan. kaalmaynta abaarta.

Taageerada Imaaraatka Carabta ay siiso Soomaaliya ayaa isugu jirtay taageero bini’aadantinimo iyo mid horumarineed oo dhinac ah iyo dhanka kale xoojinta awooda difaaca Soomaaliya iyadoo ka shaqeyneysa sare u qaadida u diyaar garowga ciidamada iyo laamaha amniga si ay uga hortagaan caqabadaha xiriirka la leh ururada Jihaad doonka ah gaar ahaan kuwa Soomaalida. Dhaqdhaqaaqa Dhalinyarada.

Imaaraatka Carabta ayaa weli daneynaya in ay Soomaaliya ka taageeraan marka la eego dhibaatooyinka amni iyo kuwa siyaasadeed ee ka jira, waxaana muuqata cadeymo badan.

Read More

Xiriirka Imaaraatka iyo Soomaaliya waa mid ku qotoma taariikhda aadanaha.

 

Imaaraadka iyo taageerada uu siiyo Soomaaliya heer walba

Imaaraatka Carabta ayaa lagu tiriyaa dalka ugu badan ee ka qayb qaata mashaariicda bini’aadantinimo ee Soomaaliya,waxana ay sameysteen buundo cirka iyo badda ah si ay u gaarsiiyaan kumanaan tan oo cunto ah si ay uga badbaadiyaan dadka Soomaaliyeed ee ay saameeyeen fatahaadaha.

Gargaarkan ayaa waxaa la gaarsiiyay deegaanada ay dhibaatadu ka dhacday ee laga xoreeyay guud ahaan dalka Soomaaliya oo uu ka mid yahay maamulka G/Gaduud ee dowlad goboleedka Jubbaland oo ay ka dhaceen dhibaatooyin bini’aadinimo oo ka dhashay fatahaada wabiga Jubba oo mara deegaano ka tirsan maamulkaasi,

waxaana sidoo kale la qeybiyay gargaar Imaaraatka Carabta laga qeybiyay magaalooyinka. Deegaanka Ail Tir iyo Misgwai, oo ku yaalla Gobolka Galgaduud ee Maamulka Galmudug, ayaa ka mid ah deegaannadii dhawaan la xoreeyay.

Imaaraadku waxa uu ka qayb qaataa mashaariic badan oo bani’aadantinimo iyo mid horumarineed oo laga fuliyo Soomaaliya. Kaas oo faa’iido u leh ummadda Soomaaliyeed; Marka laga soo tago xiriirka diblumaasiyadeed ee ka dhaxeeya labada dal oo horumar la taaban karo ka gaaray mudooyinkii u dambeeyay, waxaana daliil u ah booqashooyin rasmi ah, howlo diblumaasiyadeed iyo kulamo iyo heshiisyo ay kala saxiixdeen.

 

Read More

Soomaaliya ayaa sare u qaaday wax ka qabashada fatahaadda iyadoo tirada dhimashadu ay ku dhowdahay 100

 

ugu yaraan 96 qof ay ku dhinteen daadad xun oo saameeyay 2.3 milyan oo kale oo Soomaaliya ah.

Dowladda Soomaaliya iyo hay’adaha samafalka ayaa xoojiyey tallaabooyinka lagu yareynayo, oo ay ka mid yihiin samatabbixinta meelaha ay fatahaaduhu saameeyeen iyadoo tirada dadka ku dhintay roobabkii da’ay ee El Nino ee ka dhashay roobab mahiigaan ah iyo daadad xooggan ay kor u dhaafeen 100 qof. Hay’adda Maareynta Musiibooyinka Soomaaliya ee SODMA ayaa sheegtay

Qaramada Midoobay ayaa ka digtay in daadadka xunxun ay uga sii dartay dhibaatada gaajada ee Soomaaliya iyadoo ilaa 4.3 milyan oo qof la saadaaliyay inay wajihi doonaan gaajo heerka qalalaasaha ah ama (IPC3+) dhamaadka sanadka.

Daadad xooggan ayaa sidoo kale burburiyay kaabayaashii dhaqaalaha, waxaana hakad galay ganacsigii, waxbarashadii iyo adeegyadii raashinka ee guud ahaan dalka,

Guddoomiyaha SODMA, Maxamuud Macallin ayaa sheegay in in ka badan 900,000 oo qof ay ku barakaceen guud ahaan dalka, iyadoo dowladda iyo hay’adaha samafalka ay ku degdegayaan waqti ay ku samata bixiyaan dadka dhibaateysan. la maroonaaday.

"96 ka mid ah dadka dhintay, 28 ka mid ah waxay ku dhinteen doon ku dagtay kaddib markii Al-shabaab ay weerareen," ayuu Macallin u sheegay suxufiyiinta Muqdisho, ee caasimadda Soomaaliya Sabtidii.

Waxa uu ku baaqay in la is garabsado dadaallada lagu yareynayo fatahaadda, waxaana uu ku booriyay muwaadiniinta in ay feejignaadaan maadaama roobab kale ay weli filayaan maalmaha soo socda.

El Nino waa qaab cimilo oo dhacda labadii ilaa todobadii sanoba mar, halka Badweynta Hindiya Dipole ay tahay qaab cimiloeed oo ku xidhan heerkulka sare ee badda ee badda.

Sida laga soo xigtay xafiiska Qaramada Midoobay ee isku xirka arrimaha bini'aadantinimada (OCHA) waxbarashada Soomaaliya oo dhan ayaa waxaa saameyn xun ku yeeshay roobab mahiigaan ah iyo fatahaado.

"Waxaa jirta baahi degdeg ah oo loo qabo goobo waxbarasho oo ku meel gaar ah iyo beddelka agabka waxbarashada ee lumay," OCHA ayaa tiri Axaddii.

Hay'adda Qaramada Midoobay ayaa sheegtay in hay'adaha bani'aadamnimada ay beegsanayaan 225,000 oo arday ah oo halis ugu jira inay ka tagaan iskuullada sababo la xiriira saameynta fatahaadaha.

Maalintii Khamiista, golaha wasiirradu waxay sheegeen intii uu socday shirkii toddobaadlaha ahaa ee uu guddoominayay Ra’iisul Wasaare Xamza Cabdi Barre in dowladdu ay habeen iyo maalinba ka shaqeyneyso sidii loo caawin lahaa dadka ay saameeyeen fatahaaduhu iyadoo roobab mahiigaan ah ay weli ka da’ayaan dalka oo uu weli ka mid yahay kuwii ugu darnaa. abaaro daran 40 sano gudahood.

Sidoo kale, golaha wasiirrada ayaa ugu baaqay hay’adaha samafalka iyo ganacsatada Soomaaliyeed inay caawiyaan dadka ay saameeyeen fatahaadaha, oo ah kuwii ugu darnaa muddo tobannaan sano ah.

Sida ay sheegtay SODMA, xoolo lagu qiyaasay 4,000 ayaa baaba’ay, in ka badan 136,000 oo hanti ahna waa ay waxyeelo soo gaadhay ama baaba’day.

Hay'adda masiibada ayaa sheegtay in in ka badan 24,000 qoys ay gaarsiisay nooc ka mid ah gargaarka bini'aadantinimo.

Daadadkan ayaa yimid ka dib abaartii ugu darneyd ee muddo afartan sano ah soo marta kadib shan xilli roobaad oo aan di’in kuwaas oo xaalufiyay xoolihii iyo dalagyadii beeraha, taasoo dalka ka dhigtay heer macaluul ah.

Sida laga soo xigtay hay'adaha samafalka, daadadka ayaa ah kuwii ugu dambeeyay ee dhacdooyin cimilo xumo oo isdaba-joog ah oo sannadihii u dambeeyay ku dhufatay Soomaaliya, halkaasoo bulshooyinku ay ku sugan yihiin heerkii ugu xumaa ee dhibaatada cimilada adduunka.

 

Read More