Ciidamada xoogga dalka Soomaaliya ayaa xoreeyay deegaan istiraatiiji ah, waxaana howlgalkan lagu dilay tiro badan oo Al-Shabaab ah

 

Wararka ka imaanaya gobolka Galgaduud ayaa sheegaya in xalay dagaal u dhexeeyay ciidanka dowladda oo garab ka helaya kuwa dadka deegaanka iyo Al-Shabaab oo dhinac kale ah uu ka dhacay duleedka magaalada Wabxo ee gobolkaasi.

Dagaalka ayaa yimid, kadib markii ay ciidamada huwanta weerar ku qaadeen xubno ka tirsan Al-Shabaab oo isku uruursanayey deegaanka Ceelgorof ee gobolkaasi.

Xubnaha kooxda Al-Shabaab ee la weeraray ayaa lagu soo warramayaa in xilligaasi ay qorsheynayeen inay weeraraan degaanka Goobo oo hoostaga degmada Maxaas ee gobolka Hiiraan, halkaas oo ay ku sugan yihiin ciidamada Xoogga dalka iyo kuwa dadka deegaanka.

Saraakiil ka tirsan milariha Soomaaliya oo la hadlay warbaahinta ayaa shaaca ka qaaday inay heleen xogta Al-Shabaab, kadibna ay u daba mareen inay ku weeraraan deegaanka Ceelgorof, taas oo dhabar jab u keentay kooxda weerarka ku qaadi laheyd aagga Maxaas.

Sidoo kale saraakiisha ayaa intaasi ku daray in dagaalka ay ku dileen in ka badan illaa 10 xubnood oo ka tirsanaa kooxda Al-Shabaab, gaadiidna ay ka guubeen.

Howlgallada ayaa lagu soo warramayaa in ay weli kasii socdaan xadka u dhexeeya labada gobol ee Hiiraan iyo Gagaduud oo dhaca bartamaha Soomaaliya.

Xaaladda ayaa sidoo kale ah mid aad u kacsan, waxaana labada dhinac ay dhaq-dhaqaaqyo iska soo horjeedo ka wadaan halkaasi, taas oo cabsi ku abuurtay dadka deegaanka.

Dhanka kale ma jiro wax hadal ah oo ka soo baxay dhinaca kooxda Al-Shabaab oo ku aadan dagaalkaas ee ay guulaha ka sheegteen ciidamada huwanta ah.

Hiiraan iyo Galgaduud ayaa kamid ah gobollada ay ka socdaan howlgallada xoreynta ah, waxaana jab xoogan lagu gaarsiiyay Al-Shabaab oo looga saaray dhulkii ugu ballaarnaa.

Read More

Dowladda Mareykanka ayaa ku dhawaaqday in Soomaaliya ay siineyso lacag ka badan 41 milyan oo dollar

 

Danjire Linda Thomas-Greenfield, Wakiilka dowladda Mareykanka ee Qaramada Midoobay, ayaa ku dhawaaqday inuu Mareykanka bixin doono in ka badan 41 milyan oo doollar oo dhaqaale ah si loo badbaadiyo nolosha, laguna daboolo baahiyaha bini’aadinimo ee Soomaaliya.

Xaaladda bini'aadantinimo ee Soomaaliya waa mid aad u xun," ayay tiri Thomas-Greenfield oo Muqdisho kulan kula qaadatay madaxweynaha Soomaaliya, Xasan Sheikh Maxamuud.

Danjiraha Qaramada Midoobay ee Maraykanka ayaa sheegtay, Maraykanku inuu sii wadayo inuu la shaqeeyo dowladda Soomaaliya si loo kordhiyo ammaanka, iyo in la hubiyo in taageerada bani'aadamnimada iyo horumarinta ay gaaraan degaanada dhawaan laga saaray al-Shabaab.

Gargaarkan cusub ee dowladda Maraykanka ayaa imaanaya iyadoo abaartu ay sii xoogeysatay kadib xilli roobaadkii shanaad oo baaqday, taasoo keentay in dadka ay halis ugu jireen macluul.

Maalgelinta cusub ee Maraykanka ayaa la sheegay inay xoojinayso dadaallada ka hortagga macluusha iyadoo diiradda la saarayo wax ka qabashada nusqaanta cuntada, daweynta nafaqo-xumada ba'an ee haweenka iyo carruurta, iyo la dagaallanka cudurrada dilaaga ah ee hadda dillaacay sida jadeecada iyo Shuban biyoodka.

Madaxweynaha Soomaaliya Xasan Sheikh ayaa Dowladda Maraykanka ku bogaadiyay gacanta weyn ee ay ka geysanayaan la dagaalanka Alshabaab, waxa uuna sheegay inay Alshabaaab khatarka weyn ku yihiin amniga Gobolka.

Read More

Wasiirka Arrimaha Gudaha Soomaaliya, Axmed Macallin Fiqi ayaa u jawaabay Afhayeenka Al-Shabaab, Sheekh Cali Maxamuud Raage (Cali Dheer)

Wasiirka Arrimaha Gudaha Xukuumadda Soomaaliya, Axmed Macallin Fiqi ayaa u jawaabay Afhayeenka Al-Shabaab, Sheekh Cali Maxamuud Raage (Cali Dheer) oo shalay ka hadlay dagaalka dhaqaale ee ay kala kulmeen dowladda.

Wasiir Fiqi oo war qoraal ah soo saaray ayaa hadalka Cali Dheere ku tilmaamay inuu yahay calaacal ah, isla-markaana muujinaya tabar darrida kooxda, sida uu hadalka u dhigay.

wuxuu Fiqi su’aallo ka keenay baaqa uu Cali Dheere u diray gacansatada Soomaaliyeed, maadaama uu hadalkiisa ku sheegay in la boobi rabo hantidooda.

‘Cali Khawaarij dadka uu wax uu sheegayo ama isku dayayo inuu magacooda ku hadlo sida uu dhibkooda ugu farxi jirey iyo Alxamdulillaahidiisii miyuu ilaaway mise Cali waxa wareeriyey dharbaaxooyinka asaga iyo kooxdiisa soo gaaray!.!” ayuu yiri Wasiir Fiqi.

wuxuu imntaasi ku daray in kooxda Al-Shabaab ay jab iyo weerar xoogan kala kulanta dagaalka ay ku qaadeen dowladda iyo shacabka Soomaaliyeed.

Read More

Xasan Sheekh oo sheegay in umada soomaaliyeed oo kaliya eey tahay cida guusha gaaray kadib sanado badan

 

Madaxweynaha Soomaaliya Xasan Sheekh Maxamuud oo xalay casho sharaf ku maamuusay Culumadii ka qayb-gashay shirweynaha Culimada Soomaaliyeed ee kusoo gaba-gaboobay magaalada Muqdisho ayaa waxa uu halkaasi ka sheegay in guusha laga gaaray dagaalka socda ay gaareen Soomaali oo kaliya.

“Waxa ugu muhiimsan ee guusha dhadhanka la sii-leedahay Soomaali kaligeed ayaa gaartay, dadka saaxiibada ah ee Afrika iyo Caalamka ka socda ee inoo yimid wax badan ayay soo dadaaleen laakiin howshaan anaga u xayd-xaydaney oo mushtamicii oo dhan ayaa u istaagay, inta dhiman Insha-Allah waxay ku imaan doonta intaas oo lasii xoojiyo oo la isku duubnaado,” ayuu yiri.

Madaxweynaha ayaa ka dhawaajiyay in markii hore ee dagaalka Shabaab ay bilaabayeen aysan ku qanacsaneyn bulshada Soomaaliyeed qaarkood iyo beesha caalamka, oo iyagu markii dambe ku qancay in la iska dhicin karo kooxdan.

“Waa tabar yarnahay oo dowladd yab-yab ah oo tallaabo barad ah waaye laakiin tabar yaraantu ma ahan waxa maadiga ah ee waa qalbiga, haddaadan Caqiidada iyo Caqliga ka tabar-yareyn qof ka xoogan adduunka majiro. Laakiin marka qalbiga daciif ka noqoto markaas ayaa daciif tahay sikasta oo qalab waaweyn iyo xoola badan u leedahay daciif ayaa tahay.”

Sidoo kale waxa uu si weyn ugu bogaadiyay culimada Soomaaliyeed sida midnimada leh ee ay umadda Soomaaliyeed ugu soo bandhigeen dhibaatada ay Al-Shsbaab ku hayaan dadka.

Culimada ayuu ka codsaday inay meesha ka saarto kala qeybsanaanta ka dhex jirta bulshada Soomaaliyeed, islamarkaana ay ka shaqeeyaan midnimada iyo isdhex-galkooda si mid loo noqdo.

Waa kala miiranay asalkii inta ay dowladnimo bilaaban ee isticmaarka iman sida u nooleyn ayaa u noqonay, in aan kasoo noqon ayaa u baahanahay. Wanaag ma helayno illaa aan isdhex-galno oo dib isku dhex-galno oo Soomaali, Muslimiin noqon inta kala qoqobanahay rejo lagama qabo in aan yeelaano dowlad xoog leh oo macno leh adduunkana u dhiganta in aan yeelano rejadeeda aad ayay u yar tahay.”

Xasan Sheekh Maxamuud oo tallada dalka dib ugu soo laabtay 15-kii May ee 2022 ayaa wuxuu ku dhiiraday ku dhawaaqista dagaal ka dhanka ah Al-Shabaab oo tan iyo markii uu billowday laga gaaray guulo waaweyn, wuxuuna dadaal badan ku bixinaya dhismaha hay’ad culimo oo marjac u noqota dowladnimada iyo midnimada umadda Soomaaliyeed.

 

Read More

Goolkii Dembele ayaa ku hogaamiyay Barcelona inay iska xaadiriyaan semi-finalka koobka boqorka

 

 Barcelona ayaa gaartay guul (1-0) intii lagu guda jiray iska horimaadkii ay la gashay Real Sociedad, fiidnimadii, Arbacada, wareega 8da ee Koobka Boqorka, garoonka "Spotify Camp Nou"

Goolka qura ee ciyaarta waxaa u dhaliyey 52’daqiiqo laacibka reer France ee Osman Dembele, cayaaryahanka Barcelona,

​​guushaas ayaana Barcelona ay u gudubtay semi-finalka tartanka, waxaana ay sugeysaa barbaraha si ay u ogaato kooxda ay la ciyaarayso wareegga xiga.

Cadaadiska Milkiilayaasha

Ciyaarta ayaa ku bilaabatay cadaadis kaga imaanayay Barcelona, ​​waxaana Robert Lewandowski uu si dhab ah ugu guuleystay inuu hogaanka u dhiibo daqiiqadii 11-aad ee ciyaarta, laakiin garsooraha ayaa ku kansalay offside, iyadoo kubada ay taabatay Frenkie de Jong, kaasoo offside ku jiray ka hor inta aysan kubada dhicin. shabaqa.

Frenkie de Jong oo khadka dhexe uga ciyaara kooxda Barcelona ayaa daqiiqadii 14-aad ku dhawaaday in uu hogaanka u qabto ciyaarta, kadib markii uu si lama filaan ah cirib ugu laaday gudaha xerada ganaaxa, laakiin goolhaye Remiro ayaa si cajiib ah u joojiyay.

Osman Dembele ayaa sameeyay dadaal shaqsi ah, waxaana uu kubad xoogan ku dhuftay, kaasoo kubad uu ka helay goolhayaha Real Sociedad Remiro daqiiqadii 17aad.

Osman Dembele ayaa kubad u dhex dhigay xerada ganaaxa, isagoo dhanka dambe ka yimid dhanka Frenkie de Jong, waxaana uu kubad ku dhacday birta bidix daqiiqadii 20aad,

fursadii ugu halista badneyd ee Real Sociedad ayaa timid daqiiqadii 30-aad ee ciyaarta, kubad uu ka helay gantaal Ciyaaryahan Takefusa Kubo oo u dhashay dalka Japan ayaa ku dhex jira xerada ganaaxa, isagoo ku garaacay birta jiifta ee goolka Ter Stegen. Ciyaaryahanka kooxda Barcelona ee

Pedri ayaa kubad la beegsaday cidhifka xerada ganaaxa,waxana si fudud u qabsaday goolhayaha kooxda Real Sociedad Remiro daqiiqadii 32aad ee ciyaarta

Kabtan Sergio Busquets, iyo garsoorihii ugu caansanaa ciyaarta ayaa Manzano siiyay kaarka hurdiga ah ee wajigiisa, ka hor inta uusan ku soo laaban farsamada muuqaalka, oo uu kansalo go’aankiisa, islamarkaana uu casaan toos ah ku muujiyo wajiga ciyaaryahanka Real Sociedad, 41-aad. Daqiiqadii

qeybtii hore ee ciyaarta ayaa lagu kala nastay barbaro goolal la’aan ah.

Markii layskugu soo laabtay qaybtii danbe ee ciyaarta ayuu Osman Dembele ku guulaystay in uu Barcelona hogaanka u dhiibo daqiiqadii 52 aad, wuxuuna kubbada dhinaca midig ka soo dhex qaaday xerada ganaaxa dhexdeeda wuxuuna kubbad cidhiidhi ah ka soo tuuray dhinaca bidix ee goolhaye Remiro.

Surloth oo Real Sociedad u ciyaara ayaa lumiyay fursad uu goolka barbaraha u dhalin karay kooxdiisa daqiiqadii 59-aad, taas oo aad loola yaabay, kadib markii uu karoos ka helay saaxiibkiis Takefusa Kubo, isla markaana uu hogaanka ugu dhiibay kooxdiisa.

Laacibka kooxda Barcelona ee Javi ayaa kubad awood leh ku garaacay birta jiifta daqiiqadii 68-aad, isaga oo iska qasaariyay fursad uu goolka labaad ku darsan karay.

Ciyaartoyda Barcelona ayaa dalbaday gool ku laad, sababtoo ah waxaa xerada dhexdeeda taabtay mid ka mid ah daafacyada Real Sociedad, balse garsooraha ciyaarta ee Khel Manzano ayaa diiday, wuxuuna tilmaamay inuu sii wato ciyaarta daqiiqadii 75-aad, waxaana

Barcelona kubad ku dhacday Rafinha. Shimbir, balse waxa ay dhaaftay goolkii Real Sociedad daqiiqadii 82aad.

Goolhayaha kooxda Real Sociedad Remiro ayaa ka soo dhalaalay kubbad uu ka hor istaagay weeraryahanka Barcelona ee Lewandowski daqiiqadii 85-aad ee ciyaarta

, Goolhayaha Barcelona Ter Stegen ayaa ku sigtay inuu kooxdiisa ku dhex lugeeyo baas qaldan oo ay ku gaadheen ciyaartoyda Sociedad, Robert Navarro ayaa kubad xoog leh ku garaacay goolhayaha Jarmalka. DAQIIQADII 88 AAD

Ciyaarta ayaa ku dhamaatay in ay Barcelona u soo baxdo wareega 16-ka kadib markii ay ka gudubtay dabinka Real Sociedad.

Read More

Golaha Wasiirada Soomaaliya ayaa S/Guuto Sulub Axmed Firin u magacaabay Taliyaha Ciidanka Booliska Soomaaliyeed

 

Golaha Wasiirada Soomaaliya oo maanta kulankoodii caadiga ahaa ku yeeshay magaalada Muqdisho ayaa xilka qaadis ku sameeyay taliyihii ciidanka Booliska Soomaaliya, General Cabdi Xasan Maxamed (Xijaar).

Golaha wasiirada ayaa sidoo lale Ganaraal Sulub Axmed Firin u magacaabay Taliyaha cusub ee Ciidanka Booliska Soomaaliyeed

Sulub ayaa horay u ahaa Wasiir Ku Xigeenka Wasaaradda Gaadiidka, wuxuuna ka soo jeeda deegaan ahaan Jubbaland.

Magacaabistan ayaa timid, kadib soo jeedin ka timid, Wasaaradda Amniga Gudaha, ayada oo goluhuna uu ku raacay, kadibna asnixiyay magacaabista taliyaha cusub

Xilka qaadista Xijaar ayaa ku soo aaday, xilli magaalada Muqdisho ay ku jirto xaalad ammaan darro, kadib markii ay kordheen weerarada qaraxyada ah iyo dilalka kala duwan ee ka dhacaya gudaha caasimadda.

Isbeddalkan ayaa ah mid la filayey, balse soo daahay, kadib doorashadii dalka ka dhacday 15-kii bishii may ee sanadkii hore

Taliyaha cusub ayaa waxaa la sugayaa inuu wax ka qabto xaaladda magaalada Muqdisho oo ay hataan Al-Shabaab soo saartay culeys xoogan, waxayna todobaadkan oo kaliya ay laba weerar ka fulisay caasimadda, waxaana mid kamid ah lagu beegsaday xarunta gobolka Banaadir, halka kan kalena oo ah hoobiye lagu garaacay agagaarka Xarunta Madaxtooyada.

Dhana kale Wasaaradaha Amniga Gudaha iyo Gaashaandhigga ayaa golaha warbixin ka siiyey xaaladihii ugu danbeeyey ee amni iyo howlgallada dalka looga xoreynayo Shabaab.

Labada Wasaaradood ayaa sheegay in toddobaadkan guulo waawayn ay ciidamada qalabka sida iyo dadka deegaanku ka gaareen dagaallada ka socdo gobollada dalka.

 

Read More

Safiirka Imaaraadka Carabta oo Muqdisho ku qaabilay Wasiiru Dowlaha Arrimaha Dibadda iyo Iskaashiga Caalamiga

 

Axmed Juma Al-Rumaythi, Safiirka Dowladda aan walaalaha nahay ee Isutagga Imaaraadka Carabta u fadhiya Muqdisho, ayaa qaabilay Wasiiru Dowlaha Arrimaha Dibadda iyo Iskaashiga Caalamiga ee Jamhuuriyadda Federaalka Soomaaliya Mudane Cali Maxamed Cumar Cali Balcad

Intii uu socday kulanka ayaa sida lagu daabacay barta Twitter-ka ee safaaradda Imaaraadka Carabta ee Muqdisho waxaa looga hadlay xiriirka ka dhaxeeya labada dal ee walaalaha ah iyo sidii kor loogu qaadi lahaa, loona horumarin lahaa dhinacyada iskaashiga wadajirka ah ee dhinac walba ah.

Waxaa xusid mudan in dalka aan walaalaha nahay ee Imaaraatka Carabta uu ka mid yahay wadamada ugu caansan ee ka qeyb qaata taageeridda Soomaaliya heerar kala duwan.

 

 

Read More

Shirweynaha Culimada Soomaliyeed oo Maanta ka furmay Muqdisho & Qodobada horyaalla

 

Waxaa maanta magaalada Muqdisho ka furmay Shirweynaha Culimada Soomaaliyeed, kaasi oo uu horay ugu baaqay Madaxweynaha Soomaaliya Mudane XasanSheekh Maxamuud.

Shirkan oo ay kasoo qeyb-galeen culimo gudaha dalka iyo dibadda isaga kala timid ayaa waxa uu ku saabsan yahay doorka culimada ee la-dagaalanka fikirka xagjirka ah ee Al-Shabaab.

Culimada ayaa kulankooda dood uga yeelan doonaan dhowr qoddob oo miiska saaran, kuwaasi oo kala ah;

Sharciyad ka qaadista Al-Shabaab: Sixida fahamka saxda ah ee Diinta Islaamka

Sharciyad siinta dowladda: Xukunka Islaamka iyo dowladnimada casriga ah iyo

Dhisidda Golaha Sare ee Culumada Soomaaliyeed: Muhiimadiisa iyo Sharciyeyntiisa.

Qaar kamid ah culimada qeybta ka ah kulankaan oo goor sii horeysay warbaahinta la hadlay ayaa sheegay in shirkaan uu muhiim u yahay jiheynta dalka, si culimadu usoo saarto bayaan guud oo ku socda madaxda dowladda federaalka, dowlad-goboleedyada iyo shacabka.

Agaasimaha Waaxda Diinta iyo ku-dhaqanka Shareecada Islaamka ee wasaaradda Awqaafta iyo arimaha Diinta Soomaaliya ayaa dhankiisa sheegay in shirkaan uu kusoo beegmay waqti aad loogu baahan yahay.

“Waa shir Culimada Soomaaliyeed loo qabanayo, waa shir maslaxada guud looga hadlayo, waa shir la doonaayo in waddanka uu is raaco, si fiican isu raaco, diinta islaamkana isu raaco oo culimaduna si qeexan ra’yidooda usoo bandhigto,” ayuu yiri Sheekh Cali Sheekh Maxamuud Cumar.

Waxa uu sii raaciyay hadalkiisa “Waa shir la rajeynayo haddii Alle idmo in qodobo kasoo baxaan, waana la caddeyn doonaa qodobadiisa.”

Furitaanka shirkan ayaa sidoo kale waxa qeyb ka ah mas’uuliyiin ka tirsan dowladda federaalka oo khudbado ka jeedinaya, wuxuuna kusoo aadaya xilli uu dalka ka socdo dagaal culus oo ka dhanka ah kooxda xagjirka ah ee Al-Shabaab.

 

Read More

maamulka Jubbaland oo ku dhaqaaqday fulinta qorshaha dagaal ee Xasan Sheekh ee ka dhanka ah al-shabaab

 

 Ciidamada Xoogga Dalka Soomaaliyeed iyo kuwa Daraawiishta Jubbaland ayaa howl-gal culus ka wada deegaanka Janaay Cabdalle oo dhaca duleedka magaalada Kismaayo ee xarunta maamulka Jubbaland.

Ciidamadan ayaa shalay kooxda Al-Shabaab kala wareegay deegaankan oo ah marin muhiima oo isku xira deegaano badan oo ka tirsan Jubbaland.

Saraakiisha ciidanka hogaamineysa ayaa sheegay in ay deegaanka Janaay Cabdalle duleedkiisa ka wadaan howl-gal sifeen ah, iyaga oo xusay inay ku daba jiraan firxadka dagaalamayaashii Shabaab ee shalay deegaankaasi iskaga baxay.

Ciidamada Xoogga Dalka iyo kuwa Daraawiishta Jubbaland oo wata gaadiidka dagaalka ayaa sidoo kale saldhigyo ka sameestay deegaanka Janaay Cabdalle.

Deegaanka Janaay Cabdalle ayaa dhaca kala-barka degmooyinka Kismaayo iyo Afmadow, waana deegaan istaraatiiji ah oo isku xira gobollada Jubbooyinka, Gedo iyo gobolka waqooyi bari ee Kenya.

Maamulka Jubbaland ayaa dardar-gelinaya dagaalka ka dhanka ah Al-Shabaab oo si xowli ah uga socda qeybo kamid ah gobolada dalka, kaasi oo kal hore uu ku dhawaaqay madaxweyne Xasan Sheekh.

Dagaalkan ayaa tan iyo markii uu billowday waxaa Al-Shabaab lagu gaarsiiyay jab xoogan, islamarkaana laga qabsaday deegaano horleh oo gacanta kooxda ku jiray sanado badan.

Afhayeenka laamaha amniga Jubbaland ayaa sheegay in xoreynta Janaay-Cabdalla ay bilow u tahay fulinta go’aankii madaxweynaha dalka ee ahaa in dagaal kama dambeys ah lagu qaado kooxda Al-Shabaab, isagoo sheegay in deegaano kale ay ku wajahan yihiin maalmaha soo socda.

Read More

Beesha caalamka ayaa ugu baaqday madaxda Soomaalida inay sii wadaan geeddi-socodka dowlad dhisidda

 

War saxaafadeed kasoo baxay wakiiladda  beesha caalamka u jooga Soomaaliya ayaa lagu oo dhaweeyay dadaallada ay wadaan madaxda Soomaaliya ee lagu hormariyo arrimaha mudnaanta leh ee ku saabsan nabad-dhisidda iyo dowlad-dhisidda, oo ay ku jiraan shirarka joogtada ah ee Golaha Wadatashiga Qaranka.

Beesha caalamka ayaa si gaar ah u soo dhoweysay dadaalka soo cusboonaaday ee diiradda lagu saarayo geeddi-socodka dib-u-eegista dastuurka, kheyraad wadaagga iyo awood-qeybsiga federaalka iyo dib-u-heshiisiinta, kuwaas oo dhammaantood muhiim u ah xaqiijinta xasilloonida muddada fog ee Soomaaliya.

Qoraalka kasoo baxay wakiiladda beesha caalamka ayaa loogu baaqay dhammaan daneeyeyaasha inay si wax ku ool ah uga qayb qaataan dadaalladan, oo wixii khilaaf ah ee jirana lagu xalliyo wadahadal iyo wadatashi.

”Waxaa naga go’an inaan Soomaaliya ka taageerno sidii ay ku gaari lahayd arrimaha hortabinta u leh dowlad dhisidda, oo aasaas u ah Soomaaliya loo dhan yahay, barwaaqo ah oo nabad ah” ayaa lagu yiri qoraalka kasoo baxay beesha caalamka.

 

Read More

Madaxweynaha Soomaaliya oo magaalada Baydhabo kula kulmay aqoonyahanno iyo culumaa’udiin

 

Madaxweynaha Jamhuuriyadda Federaalka Soomaaliya Mudane Xasan Sheekh Maxamuud oo Baydhabo kulan kula qaatay qaar ka mid ah culimaa’udiinka Koofur Galbeed ayaa ka dalbaday in ay doorkooda ka qaataan dadaalada lagu xoojinayo Nabadda, dib u heshiisiinta iyo wadajirka bulshada deegaanka.

Madaxweynaha ayaa culimada ku bogaadiyey doorkooda wanaagsan ee fidinta diinteenna suubban, wacyi gelinta iyo toosinta bulshada isaga oo ku adkeeyay in ay kaalin muuqata ku yeeshaan halganka dib u xoreynta dalka gaar ahaan dabar goynta fikirka gurracan ee Khawaarijta.

Dhankooda, culimada ayaa la wadaagay Madaxweynaha talooyin ku aaddan dib u heshiisiinta, dowlad dhiska iyo la dagaallanka fikiraayay xagjirka ah, iyaga oo bogaadiyey tallaabooyinka loo qaaday xoreynta, xasilinta dalka iyo dowlad-wanaagga.

Madaxweyne Xasan Sheekh Maxamuud ayaa culimada ka codsaday in ay sii xoojiyaan dadaalladooda ku aaddan kobcinta wacyiga bulshada, ayna hormuud u noqdaan xaqiijinta Soomaaliya xor ah, xasillan isla markaana Barwaaqo ah.

 

Read More

cawey oo Kulan aad u xiiso badan dhax maridoono Messi iyo Ronaldo

 

Garoonka Caalamiga ah ee King Fahad ayaa berri oo Khamiis ah ku kulmi doona xiddigaha Al-Nasr iyo Al-Hilaal oo uu hoggaaminayo xiddiga Portugal ee Cristiano Ronaldo, kulankaas oo ah kii ugu horreeyay oo taariikhi ah oo ay isaga horyimaadaan kooxda Faransiiska ee Paris Saint-Germain ee uu hoggaamiyo xiddiga Argentina Lionel Messi. , iyada oo qayb ka ah hawlaha xilliga Riyaad.

Kulankaan ayaa ah kii ugu horeeyay oo koox ka socota dalka Faransiiska ay ku kulmaan dalka Sacuudiga, balse ma ahan markii ugu horeysay oo koox ka socota Yurub ay ku kulmaan garoonka caalamiga ah ee King Fahad oo loo yaqaano “Durrat Al-Mulaeb”.

Garoonka “Al-Durra” ayaa dhowr jeer lagu soo booqday kooxaha ugu waa weyn Yurub ee ciyaaro rasmi ah ama saaxiibtinimo ku soo ciyaaray dhulkooda, ama ay ka jawaabayeen marti-qaadyo loo fidiyay xafladihii ciyaaraha ka fariistay ee xiddigo badan oo Sacuudiga ka tirsan.

Kooxda reer Spain ee Valencia ayaa ka mid ahayd naadiyadii ugu horeeyay ee Yurub ah ee soo xaadira garoonka Al-Durra, iyada oo booqatay Boqortooyada si ay uga qayb qaadato hawlgabnimada halyeeyga kubbadda cagta Sucuudiga iyo kooxda Al-Hilal Youssef Al-Thunayan sanadkii 2005.

“Fiidmeerta” ayaa ciyaaray 2005. Kooxda Al-Hilaal oo ay ku quudiyeen xiddigo badan oo Sacuudiga iyo Carabta ka tirsan, waxayna ciyaartu ku soo idlaatay 2-1 ay guushu ku raacday kooxda Al-Azraq.

Garoonka caalamiga ah ee King Fahad ayaa 3 sano kadib waxa uu booqday labada kooxood ee ugu waa wayn Yurub ee Manchester United iyo Real Madrid oo ay ka dhacayeen xafladaha ay ka fariisanayaan labada xidig ee ugu caansan kubada cagta Sacuudiga ee kala ah Sami Al-Jaber iyo Majed Abdullah.

Ciyaartii Al-Hilaal ee Manchester United ee uu ka fadhiistay Sami Al-Jaber, waxa 4-2 ku badisay Al-Hilal, halka Al-Nasr ay 4-1 kaga badisay Real Madrid ciyaar uu ka fadhiistay Majed Abdullah sannadkii 2008.

2010, Inter Milan ayaa ahayd kooxdii ugu horeysay ee Talyaani ah oo ciyaar ku ciyaarta “Al-Durra” xafladaas waxaa ka fariistay xiddigii Al-Hilaal iyo xulkii hore ee Sacuudiga Nawaf Al-Tamyat, waxaana markaas Al-Azraq looga badiyay 2-1.

Kooxda Talyaaniga ee Juventus ayaa sidoo kale ka qaybgashay ciyaar farxadeed oo ay ku maamuusayeen goolhayihii Sucuudiga ee Maxamed Al-Deayea uu ka fadhiistay, xilligaasi oo ay “marwada duqda ah” waxa ay ku guulaysatay in ay goolkii ugu sarraysay ka dhaliso koox Yurub ah garoonka Al-Durra. 7-1 ku badisay.

Mudo 5 sano ah kadib waxaa garoonka lagu arkay ciyaartii ugu horeysay ee koox Jarmal ah,kadib markii kooxda Bavarian-ka ee Bayern Munich ay ka qeyb gashay ciyaar saaxiibtinimo oo ay la ciyaareen Al-Hilaal,waxana ay ku badiyeen 4-1.

Labadii sano ee la soo dhaafay, King Fahd International Stadium waxaa lagu qabtay Spanish Super Cup, iyadoo Real Madrid ay ku guuleysatay horyaalka xilli ciyaareedkii hore oo ay 2-0 ku garaacday Athletic Bilbao.

Sannadkii 2023, garoonka “Al-Durra” ayaa markii labaad lagu qabtay koobka Spanish Super Cup, waxaana Barcelona u suurtagashay inay ku guulaysato koobkan oo ay ka qaaday kooxda ay xafiiltamaan ee Real Madrid, ka dib markii Blaugrana ay semi-finalka ka cirib tirtay Real Beets, halka Al-Merenji ayaa kasoo baxay albaabka Valencia.

Garoonka Caalamiga ah ee King Fahad ayaa caawa fiidkii martigelin doona finalka Super Cup-ka Talyaaniga ee u dhexeeya Milan iyo Inter, ka hor inta aysan Paris ciyaarteeda berri la ciyaarin xiddigaha caasumadda ah ee Riyadh, Al-Nasr iyo Al-Hilaal.

 

Read More

Madaxweynaha Soomaaliya oo ku dhawaaqay in la ballaarinayo howlgallada ay ciidamadu ka wadaan dalka

Madaxweynaha Soomaaliya Xasan Sheekh Maxamuud ayaa Baydhaba ka sheegay dhawaan lasoo afjarayo Shabaab-ka ka dagaalamaya Galmudug iyo HirShabeelle, isla markaana wajiga labaad ee dagaalka Al-Shabaab ay dowladdu ka bilaabi doonto K/Galbeed.

Madaxweyne Xasan Sheekh ayaa sheegay in dagaalkaan laga soo bilaabi doono xadka Itoobiya, isla markaana la wedi doono ilaa badweynta Hindiya, si loo dhameeyo Shabaab-ka dhulkaas ku sugan.

“Siyaasadda dwoladda maanta waa in dalkaan Shabaab laga xoreeyo, waxaan rabaa in gaarigii Baydhaba ka soo baxa uu si nadiif ah Xamar u yimaado, hadaan Shabaab ka xoreyno uma ogolaa doono tuug isbaari taagan, waa balan,” ayuu yiri Xasan Sheekh.

Sidoo kale Madaxweyne Xasan ayaa sheegay in dowladdu ay diyaarisay ciidan xoog leh oo isku filan una diyaarsan inay kooxda Al-Shabaab ka xoreeyaan dalka inta ay ka joogaan.

Markii aan galnay dagaalka ka socda gobollada Galmudug iyo iyo HirShabeelle, maanta waa ka khibrad badanahay, waxaan barangay xeeladaha Al-Shabaab, ciidan badan ayaan heynsanaa maanta, niyadeenu waxay noo sheegee oo aan xaqiijinay in Shabaab aan ka adag nahay, waqti badan nooga bixi maayo dagaalka lagu xoreynayo deegaanada ay uga hareen labadaas dowlad goboleed,” ayuu yiri.

Madaxweynaha ayaa hadalkaan ka sheegay furitaankii shirka siyaasiyiinta reer Koonfur Galbeed, wuxuuna fariin u diray dhalinyarada weli ku jirta Al-Shabaab.

Aniga ka madaxweyne ahaan hadafkeygu waa in dalkaan uu Shabaab la’aan noqdo, idinma dhahaayo daaro dhaadheer ayaan idiin dhisaa, laakiin waxaan abuureynaa duruuf sababi karta in dalkaan la maalgashado oo nabad la isku laheyn karo ay ka dhalato Soomaaliya,” ayuu yiri Madaxweyne Xasan.

Xasan Sheekh ayaa ugu baaqay dhammaan dhallinyarada Soomaaliyeed ee ku jirta fikirka Al-Shabaab in ay ka soo laabtaan, isagoo cafis u fidiyey mid kasta oo ka mid ah oo u soo laabta dadkiisa iyo dalkiisa, dowladduna ay diyaarisay qorshe dhaqancelin iyo nolol wanaagsan looga sameynayo dhallinyarada ay khaldeen Al-Shabaab.

“Duruuf kasta ku raac Al-Shabaab waxaan maanta idiin cadeynayaa ninkii kasoo baxa Al-Shabaab cafis waaye, cafis kaliya maahane waxay dowladdu diyaar u tahay in nolol fiican ay helaan dadka ka soo baxa Al-Shabaab,” ayuu yiri Madaxweynuhu.

Xasan Sheekh ayaa calool-xumo ka muujiyey dhalinyarada ku dhimaneysa fikirka Al-Shabaab, “Xawaadley oo u dambeysay ciidan iyo saraakiil qaali ah ayey nooga dileen, laakiin difaaca dalkooda ayey u dhinteen, Allaha u naxariisto,” ayuu yiri.

Madaxweynaha ayaa waalidiinta dhashay dhalinyarada ku jirta Al-Shabaab wuxuu ugu baaqay inay wacdaan wiilashooda oo inta aan la dhameyn ay ka gaaraan wixii diyaar u ah inay ka soo haraan kooxda.

 

Read More

Barcelona ayaa si dirqi ah uga gudubtay Betis oo ay isku dhaceen Real Madrid

 

Kooxda Barcelona ayaa si dirqi ah kaga badisay Real Betis, rigoorayaal, maanta oo Khamiis ah, kadib markii ay dhamaatay waqtigii caadiga ahaa iyo waqtigii dheeriga ahaa ee lagu daray (2-2), semi-finalka koobka Spanish Super Cup oo lagu qabtay caasimadda Sacuudiga ee Riyadh.

Barcelona ayaa dhalisay: Lewandowski iyo Ansu Fati (40, 93), halka Real Betis ay dhalisay: Nabil Fekir iyo Lauren Moron (77, 101).

Kooxda reer Catalan ayaa sidaas darteed u dhigtay taariikhda kooxda ay xafiiltamaan ee Real Madrid, finalka tartanka loo qorsheeyay Axada soo socda, kaasoo ka dhici doona garoonka King Fahad International Stadium.

Laacibka kooxda Real Betis ee Luiz Henrique ayaa ku dhawaaday in uu Barcelona kaga naxsado gool lama filaan ah, kadib markii uu kubad meel fog ah ka soo toogtay, laakiin kubbada ayaa ka lumisay goolka Ter Stegen daqiiqadii 3-aad ee ciyaarta

, waxaana goolka u dhaliyay Rafinha oo ku jiray booska offside ee bilawgii ciyaarta. .

Lewandowski ayaana u suurtagashay inuu shabaqa ku taabto daqiiqadii 40aad, ka dib markii uu kubad ka helay Dembele oo ku jira xerada ganaaxa, islamarkaana uu hareer maray daafaca Betis, ka hor inta uusan kubada u dhigin dhanka bidix goolhaye Claudio Bravo.

Markii layskugu soo laabtay qaybtii danbe ee ciyaarta ayay Barcelona si wayn ciyaarta ugu gacan saraysay, balse isku daygii hore ayaa yimid daqiiqadii 62-aad ee ciyaarta, kadib markii uu Osman Dembele uu kubad ku dhuftay daafaceeda Pizzalla, isaga oo koorne u noqday.

Ciyaaryahanka Real Betis ee Nabil Fekir ayaa daqiiqadii 77-aad ku guulaystay in uu kooxdiisa udhaliyo goolka bar-baraha kadib markii uu baas ka helay Luiz Henrique kaas oo si qurux badan u leexiyay daafacyada Barca una diray dhanka Fekir kaas oo hal taabasho ah ku dhaliyay Ter Stegen. shabaqa.

Jawaabta ayaa si degdeg ah uga timid Barcelona, ​​​​Lewandowski ayaa dhaliyay goolkii labaad daqiiqadii 81aad, ka dib markii uu baas ka helay Ferran Torres oo ku dhuftay shabaqa Bravo, laakiin garsooraha ayaa kansalay inuu offside ku jiro Torres.

Bilowgii waqtigii dheeriga ahaa ee lagu daray ciyaarta, garsooraha ayaa laad xor ah u dhigay Barcelona oo ku jirtay cidhifka xerada ganaaxa, taasoo uu Christensen ku dhex toogtay xerada ganaaxa, isla markaana uu ku kala firdhiyey difaacii uu ku gaadhay Ansu Fati, kaasoo kubad xoog badan ka hoos mariyay bidix Bravo. Daqiiqadii 93-aad ee ciyaarta ayaa waxaa goolka labaad u dhaliyay kooxda Blaugrana, waxaana goolka labaad u dhaliyay

ciyaaryahan Lorraine Moron daqiiqadii 101-aad, kaddib karoos uu ka helay saaxiibkiis Luiz Henrique. cagta ee shabagga Ter Stegen.

Ansu Fati ayaa lumiyay fursad uu ciyaarta ku dili karay daqiiqadii 117-aad, kadib markii uu karoos ka helay Ferran Torres, wuxuuna dabada kaga dhuftay goolhaye Bravo.

Garsoorihii ciyaarta ugu caansanaa ayaa kaadhka labaad ee digniinta ah u taagay Guardado oo ah ciyaartoyga Real Betis oo ciyaarta laga saaray iyo kooxda Andalus oo si aan dhamaystirnayn u ciyaarayn, ka hor inta aanu dhamaan waqtigii labaad ee dheeriga ahaa.

Labada kooxood ayaa hogaanka u dhiibay rigoore ay ku dhoola cadeynayeen Barcelona, ​​​​iyadoo Ter Stegen uu soo iftiimay oo labo kubadood ka celiyay Juanmi iyo Carvalho, si ay ugu badiso Blaugrana (4-2).

Read More

Ciidamada dawlada somaliya oo la wareegay degmada ceeldheere

 

Wararka naga soo gaaraya gobolka Galgaduud ayaa sheegaya in maanta ciidamada Xoogga dalka iyo kuwa deegaanka ay gudaha u galeen degmada Ceeldheer oo ka tirsan gobolkaasi kadib markii ay isaga baxeen xoogag Shabaab.

Ciidamada huwanta ayaa lagu soo warramayaa inay si nabdoon kula wareegeen degmadan oo ay muddo sanado ah ka talineysay kooxda.

Sidoo kale ciidamada ayaa haatan howlgallo miino baaris ah iyo kuwa lagu sugayo amniga ka wada gudaha degmadaas iyo hareeraheeda.

Wasiirka Gaashaandhigga Soomaaliya, Cabdiqaadir Maxamed Nuur (Jaamac) oo qoraal soo saaray ayaa  xaqiijiyay in Ceeldheer ay soo gashay gacanta dowladda, isagoo boggaadiyay ciidamada sameeyay howlgalkaas oo isugu jiro Xoogga dalka iyo kuwa dadka deegaanka.

Sidoo kale wuxuu tilmaamay in ciidamada ay sii socon doonaan, isla-markaana ujeedka u yahay in Galmudug oo dhan laga xoreeyo kooxda Al-Shabaab.

Xaaladda ayaa haatan mid kacsan, waxaana weli dhaq-dhaqaaqyo iska soo horjeedo iyo guluf dagaal laga dareemayaa qaybo kamid ah gobolka

Shalay ayey aheyd markii ciidamada huwanta ay la wareegeen gacan ku heynta magaalo xeebeedka Xarardheere ee gobolka Mudug oo maalmo kahor ay isaga baxday Al-Shabaab.

Arrintan ayaa muujineyso inay Al-Shabaab laga sii itaal roonaanayo, isla-markaana lagu jebiyay howlgalladii u dambeeyay ee ka dhacay, Hiiraan, Sh/Dhexe, Galgaduud iyo Mudug.

Howlgallada dagaal ee ka dhanka ah koxoda Al-Shabaab ayaa haatan si weyn ugu sii fidaya dalka oo dhan, ayada oo tan iyo markii ay billowdeen kooxda lagu gaarsiiyay jab xoogan, isla-markaana looga qabsaday deegaano horleh oo sanado badan ku jiray gacantooda.

 

Read More

Madaxweynaha Soomaaliya oo warqadaha aqoonsiga ka guddoomay saddex safiir oo cusub

 

Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa warqadaha aqoonsiga danjirenimo ka guddoomay safiirrada cusub ee dalalka, Faransiiska, Netherlands iyo Slovakia ee loo soo magacaabay Soomaaliya.

Munaasabad ku qabsoomtay Madaxtooyada Qaranka ayaa Madaxeweynuhu kaga guddoomiye waraaqaha Aqoonsiga Danjireyaasha kala ah, Mudane Arnaud Suquet Safiirka cusub ee dalka Faransiiska ee Soomaaliya, Mudane Maarten Brouwer Danjiraha Cusub ee Boqortooyada Netherlands iyo Marwo Katarina Zuffa Leligdonova oo ah Danjiraha cusub ee Jamhuuriyadda Slovakia u fadhin doonta dalkeenna.

Danjireyaasha ayaa Madaxweynaha la wadaagay farriimo ay ka sideen Boqorradaiyo hoggaanka dalalkooda, iyagoo soo bandhigay dadaalka ay ku bixin doonaan adkaynta xiriirka taariikhiga ah ee ay la wadaagaan Dowlada iyo Shacab ka Soomaaliyeed.

Madaxweynaha Jamhuuriyadda iyo Danjireyaasha ayaa si gaar-gaar ah uga wada hadlay xoojinta xiriirka diblomaasiyadeed iyo iskaashiga ay Dowladda Federaalka Soomaaliya la leeyihiin dalalkoodu, waxa uuna xusay ahmiyadda ay leedahay in ay xoojiyaan garab istaagga dowladda Soomaaliya iyo shacabkeeda, si guul looga gaaro dowlad-dhiska iyo horumarinta dalka.

 

Read More

Madaxweyne Xasan Sheekh oo kulan la qaatay qaar ka mid ah Safiirada Midowga Yurub ee Soomaaliya

 

Madaxweynaha Jamhuuriyadda Federaalka Soomaaliya Mudane Xasan Sheekh Maxamuud oo Madaxtooyada Qaranka kula kulmay Safiirka Midowga Yurub ee Soomaaliya Marwo Tina Intelman iyo qaar ka mid ah Danjireyaasha dalalka Midowga Yurub u jooga dalkeenna ayaa uga warbixiyey guulaha laga gaaray dagaalka dalka looga xoreynayo Khawaarijtaa Alshabaab, dhammeystirka Dastuurka, Dimuquraadiyeynta iyo Dayn cafinta.

Madaxweynaha oo Danjireyaasha la wadaagay sida geesinimada leh ee Ciidamada Qaranka oo kaashanaya shacabka Soomaaliyeed ay u xoreeyeen deeganno badan oo ka tirsan Gobollada Shabeellaha Dhexe, Hiiraan, Galguduud iyo Mudug ayaa tilmaamay in halganka dib u xoreynta dalka uu barbar socdo qorshaha dhammeystirka dhismaha hay’adaha muhiimka u ah dowladnimada iyo xaqiijinta himmilooyinka ay muddada dheer ku taamayaan shacabka Soomaaliyeed gaar ahaan qorshaha la wareegidda mas’uuliyadda amniga dalka, dhammeystirka Dastuurka, dayn cafinta, xoojinta Dimuquraadiyeynta, Federaaleynta iyo adkaynta dowladnimada.

Dhankooda, Safiirada oo bogaadiyey howlgallada xoreynta deegannada ay ku dhuumaaleysanayaan Khawaarijtu ayaa sheegay in dowladda Federaalka Soomaaliya ay ka gacan-siinayaan arrimaha hortebinta u leh oo ay ugu horreeyaan la wareegidda amniga guud ee dalka, xoojinta federaaleynta, daadejinta hannaanka dowliga ah, saamaynta Isbaddalka cimmilada iyo Gargaarka Beni-aadannimada.

Read More

Manchester United oo kanbaak layaab leh soo badhigtey ciyaartii galabta

 

Manchester United ayaa iska rogtay, iyadoo dib ugu soo laabatay goolkii ay kaga badisay Manchester City gurigeeda, maanta oo Sabti ah, garoonka Old Trafford, kulan ka tirsan wareegga 20-aad ee horyaalka Premier League.

Man United ayaa labada gool u kala dhaliyay Bruno Fernandes iyo Marcus Rashford daqiiqadii 78-aad iyo 82-aad.

Halka goolka Manchester City uu dhaliyay Jack Grealish daqiiqadii 60-aad Manchester United ayaa sare u qaaday dhibcaha 38-aad ee kaalinta saddexaad, halka Man City ay isku dheeli tirantay 39 dhibcood oo ay ku soo baxday kaalinta labaad.

United ayaa halistii ugu horreysay soo bandhigtay, kaddib markii ay heshay Fernandez, kubad uu dhinaca midig ee xerada ganaaxa ka helay Eriksen, wuxuuna ku dhuftay kubad dhulka ah oo meel u dhow birta soo martay.

Man City ayaa soo muuqatay daqiiqadii 24-aad, iyadoo kubad xoogan uu Haaland ka toogtay gudaha xerada ganaaxa, taasoo ay isku dhaceen difaacyada kooxda kasoo horjeeda. United ayaa daqiiqadii 34-aad iska lumisay fursadii ay ku heli kartay goolkeeda furitaanka,waxana u dhaliyay Rashford oo gabi ahaan kaligiis ka baxay,waxana uu ku guulaystay in uu Ederson ka leexiyo isla markaana uu kubad dhulka ah ka soo tuuray gudaha xerada ganaaxa,waxana ka saaray Akanji. 37’daqiiqo Rashford ayaa si deg-deg ah ku billaabay dhanka bidix, kaddib markii uu Rodrigo ku booday xerada ganaaxa, isla markaana uu kubad dhulka ah ku dhuftay Ederson.

Man City ayaana dib u soo laabatay daqiiqadii ugu horeysay ee ciyaarta, iyadoo kubad uu Walker ka soo tuuray banaanka xerada ganaaxa, uu u sii dhaafay birta, waxaana qeybtii hore lagu kala nastay barbaro gool la’aan ah.

Daqiiqadii 60-aad ayay Manchester City ku guulaysatay in ay la timaado goolka furitaanka, kadib markii uu De Bruyne u soo galay dhinaca midig ee xerada ganaaxa, wuxuuna u soo karoosay Grealish kubad madax ah oo shabaqa ku taabtay, 3 daqiiqo ka dib markii uu bedel ku soo galay. Koontada Foden. Manchester United ayaa natiijada ciyaarta isku dayday in ay soo laabato,waxana daqiiqadii 67 aad kubad uu ka helay Wan Bissaka,waxa ay ku dhacday Aki,kadibna koorno la soo baxay. Markii layskugu soo laabtay qaybtii danbe ee ciyaarta ayuu Ten Hag damcay in uu dib u soo nooleeyo weerarka isaga oo Garnacho ku riixay kharashkii Eriksen daqiiqadii 72-aad ee ciyaarta, ka dib markii uu ku riixay Anthony badalkii Martial ee labada qaybood.

Manchester United ayaa daqiiqadii 78-aad dhalisay goolka bar-baraha, kadib markii uu Casemiro kubad u soo dhiibay Rashford oo ku jiray meel Offside ah, wuxuuna kubbada u dhaafay Fernandez kaas oo ka soo tuuray cidhifka xerada ganaaxa kubad shabaqa ku dhacday.

United ayaana wax yar ka dib heshay goolkii labaad daqiiqadii 82aad ee ciyaarta, ka dib markii Garnacho uu karoos ka soo qaaday dhanka bidix, kaasoo Rashford, oo ka madax banaan koontaroolka, uu raacay xerada ganaaxa, isagoo kubad si toos ah shabaqa ugu dhacday.

Man City ayaana soo laabatay si ay qatarta mar kale u abuurto daqiiqadii 87aad, iyadoo Haaland uu kubad karoos ah u soo qaaday, isagoo ku dhuftay kubad madax aheyd oo ka dul martay birta, si ay ciyaarta ugu soo gabagabeyso guusha Manchester United.

Read More

Mashaariicda Imaaraatka Carabta iyo Gacma-cadeedka ay ka wadaan Soomaaliya ayaa muujinaya isu soo dhawaanshaha weyn ee ka dhexeeya labada dal ee walaalaha ah

 

Wasiirka Gaashaandhigga  Soomaaliya Cabdulqaadir Maxamed Nuur (Jaamac) oo howlo shaqo u jooga magaalada Abu Dubai ee Isutagga Imaaraadka Carabta ayaa iskaashi dhanka militeriga, amniga iyo la dagaallanka argagixisada ah la saxiixaxday dowladda Imaaraadka Carabta.

Wasiir Jaamac ayaa sheegay in heshiiskan uu ku qotomo xiriirka soo jireenka ah ee labada dal, wuxuuna ka tarjumayaa madaxbannaanida, gobannimada iyo danaha isku soohan ee labada qaran ee walaalaha ah.

Iskashigaan ayaa kor u qaadaya awoodda difaac ee qaranka Soomaaliyeed, wuxuuna gacan weyn ka geysan doonaa dagaalka argagixisada looga ciribtirayo dalkeenna Soomaaliya.

Imaaraadka Carabta ayaa ka mid ah dowladaha Carbeed ee taageero dowladdafederaalka, wuxuuna mashaariic kala duwan ka fuliyaa gudaha dalka.

Waxaan shaki ku jirin in dhammaan xaqiiqooyinkan meesha ka jira ay muujinayaan sida uu u kobcayo xiriirka Soomaaliya iyo Imaaraatka Carabta iyo isu soo dhawaanshiyaha cajiibka ah, gaar ahaan mudooyinkan dambe, taas oo ah mida ay shacabka Soomaaliyeed ku tiirsan yihiin si loo gaaro iskaashi iyo taageero dheeraad ah oo wax ku kordhinaysa. in laga yareeyo dhibaatadooda iyo soo nooleynta dhaqaalahooda, maadaama ay tahay tilmaan wanaagsan oo ku dayasho mudan.

Bilowgii sanadka cusub, wararka ku saabsan heshiisyada iskaashiga amniga ee u dhaxeeya dowladaha Soomaaliya iyo Imaaraadka Carabta ayaa waxaa ugu sareysay mareegaha wararka ee labada dal ay khuseyso, iyadoo muhiimada weyn ee warku xambaarsan yahay iyo faahfaahinta uu ka turjumayo. taasi oo xaqiijinaysa in Soomaaliya ay xiriir la leedahay Imaaraadka gaar ahaan markii uu talada la wareegay Madaxweyne Xasan Sheekh Maxamuud, isla markaana uu ku dhaqaaqay siyaasad arrimo dibadeed oo u furan dalalka Caalamka, gaar ahaan kuwa Carabta.

Imaaraadka ayaa wada dadaallo lagu tayeynayo ciidamada qalabka sida ee Soomaaliya iyo la dagaalanka Al-Shabaab sidhoo kale Imaaraatka waxaan uga mahad celineeynaa sida ay Soomaaliya u garab taagan yihiin mar walba oo ay u garab istaagaan dhibaatooyinka abaaraha

 

Read More

Soomaaliya oo Dubai uga qeyb gashey meertada 46-aad ee Shirka Taliyeyaasha Ciidanka Booliska dalalka Carabta

 

Taliyaha Ciidanka Booliska Sooomaaliyeed S/Gaas Cabdi Xasan Maxamed Xijaar iyo wafdi sare oo uu hoggaaminayo ayaa magaalada Abu Dhabi ee dalka Imaraadka Carabka kaga qeyb galay meertada 46-aad ee Shirka Taliyeyaasha Ciidanka Booliska dalalka Carabta.

Shirkan sannadlaha ah oo soconaya 9 – 10 bishan Jannaayo ayaa looga hadlayaa ka hortagga iyo la dagaallanka lacag dhaqista, waxa uuna Taliyaha Ciidanka Boolisku ka warbixiyay guulihii ay Dowladda Federaalka Soomaaliya ka gaartay xoojinta iyo tayaynta hay’adaha amniga, dagaalka argagixisada looga xoraynayo dalka iyo dadaallada hay’adaha amniga oo uu ugu horreeyo Booliska Soomaaliyeed ay ugu jiraan la dagaalanka lacag dhaqista.

Sidoo kale, Taliyaha Ciidanka Booliska Sooomaaliyeed S/Gaas Cabdi Xasan Maxamed Xijaar ayaa inta uu shirku socday waxa uu kulan doceedyo diiradda lagu saaray xoojinta iskaashiga labo geesoodka ah la qaatay Xoghayaha Guud ee Golaha Wasiiradda Arrimaha Gudaha Carabta Dr Maxamed Cali Bin Koomaan, Kaaliya Wasiirka Arrimaha Gudaha Masar Sarreeye Gaas Dr Calaa Cabdulmucdi iyo Gudoomiyaha Jaamaacadda Naif ee Culuumta Amniga, Dr Cabdulmajid Bin Cabdalla Al-biniyaan.

Muhiimadda ay leedahay in Soomaaliya ay ka qeybgasho shirka 46-aad ee madaxda Booliska iyo Nabadsugida Carabta oo ka furmaya Abu Dhabi, ayaa ah mid ay somaliya kula xiriireeyso dalalka caalamka ee horumaray.

Read More

dawlada Maraykanka oo ugu deeqay ciidamada qalabka sida ee Soomaaliya qalab ciidan oo ku kacaya $9 milyan

 

Mareykanka ayaa ugu deeqay qalab milatari oo ku kacaya 9 milyan oo dollar oo isugu jira hub, gaadiid, agab caafimaad iyo qalab kale oo loogu talagalay ciidanka xoogga dalka Soomaaliyeed.

Munaasabadda wareejinta qalabkan waxaa ka qeyb galay Safiirka Mareykanka Larry Andre, wasiirka gaashaandhigga iyo taliyaha ciidanka XDS S/Guuto Odowaa Yuusuf Raage.

"Waxaan ku faraxsannahay guusha ay ciidamada ammaanka Soomaaliya ka gaareen dagaalka taariikhiga ah ee ay ku xoreynayaan bulshooyinka Soomaaliyeed ee ku dhibaateysan Al-Shabaab," ayuu yiri danjire André.

“Kani waa olole ay hormuud ka tahay Soomaali. Maraykanku wuxuu dib u xaqiijinayaa sida ay nooga go'an tahay inaan taageeradiisa Soomaaliya,"ayuu hadalkiisa ku daray Andre.

Wasiirka Gaashaandhigga Cabdulqaadir Maxamed Nuur Jaamac ayaa u mahadceliyey dowladda Mareykanka, isagoo yiri “Allow ii oggolow inaan dowladda Mareykanka u gudbiyo mahadcelinta Dowladda Federaalka Soomaaliya ee ku aaddan taageerada joogtada ah ee ay siiso geeddi-socodka nabadeynta Soomaaliya iyo taageerada dagaalka ka dhanka ah argagixisada. Taageeradan ayaa ku soo beegantay xilli xasaasi u ah ciidamadeena annagoo kor u qaadayna awoodooda la dagaalanka al-Shabaab.”

Hubkan oo isugu jira kuwa fud fudud iyo kuwa daran dooriga u dhaca ayaa lagu taageerayaa guutooyinka ciidamada Xoogga dalka iyo kuwa Danab ee hadda ka qeyb qaadanaya howlgallada ka socda Hirshabeelle iyo Galmudug.

Hubkan ayaa la diiwaan geliyay iyadoo la raacayo siyaasadda Dowladda Federaalka Soomaaliya ee Maareynta hubka iyo rasaasta.

Read More

Safiirka Soomaaliya ee Qaahira, Ilyaas Sheekh oo bogaadiyay booqashadii uu Ra’iisul Wasaaraha ku tagay Masar

 

Safiirka Soomaaliya ee Qaahira, ahna wakiilka joogtada ah ee Jaamacadda Carabta, Ilyaas Sheekh Cumar Abuu Bakar, ayaa ku nuux-nuux saday muhiimadda ay leedahay booqashada Ra’iisul Wasaaraha Xukuumadda Federaalka ah ee Soomaaliya, Xamza Cabdi Berri uu ku joogo magaalada Qaahira ee dalka Masar, taasoo billaabatay maanta oo Axad ah. , oo ah madaxa wafdi heer sare ah oo Soomaaliyeed, isagoo tilmaamay in Masar ay kaalin mug leh ka qaadato taageeridda Soomaaliya.

Abuu Bakar ayaa sheegay in socdaalkan uu ku yimid qaabkii ay madaxda Masariyo Soomaaliya ugu heelan lahaayeen sidii kor loogu qaadi lahaa iskaashiga ka dhaxeeya labada dal ee dhinac walba ah iyadoo la eegayo hiigsiga uu wado Madaxweynaha Jamhuuriyadda Soomaaliya Mudane Xasan Sheekh Maxamuud. si loo xoojiyo xiriirka iskaashiga iyo iskaashiga ee kala dhaxeeya Masar

Waxa uu  xusay oo kale in Ra’iisul Wasaaraha Soomaaliya lagu wado in uu kulan la qaato inta lagu guda jiro booqashada - Ra’iisul Wasaare Mostafa Madbouly oo ay ka wadahadli doonaan sidii kor loogu qaadi lahaa dardargelinta iskaashiga labada dhinac.

Booqashadan ayaa sida uu sheegay Danjire Ilyaas waxaa lagu wadaa in labada dal ee walaalaha ah ay ku kala saxiixdaan heshiisyo dhowr ah oo dhinacyo badan taabanaya, gaar ahaan dhinaca gaadiidka badda, taasoo qayb ka qaadanaysa sidii looga faa'iidaysan lahaa hantida Soomaaliya ee arrimahan. si loo gaaro himilada iyo danaha labada shacab ee walaalaha ah.

Safiirka Soomaaliya ayaa bogaadiyay xiriirka Masar iyo Soomaaliya, isagoo carabka ku adkeeyay in uu yahay xiriir taariikhi ah oo soo jireen ah oo ka dhaxeeya Masar iyo Soomaaliya.

 

Read More

RW XFS oo maanta booqasho rasmi ah oo qaadan doonta muddo saddex cisho ah ugu ambabaxay dalka Masar

 

Ra’iisul Wasaaraha Xukuumadda Federaalka Soomaaliya, Mudane Hamza Abdi Barre iyo wafdi uu hoggaaminayo ayaa goordhaw u ambo baxay magaalada Qaahira ee caasinadda dalka Masar.

Xamse Barre ayaa dalka Masar ugu baxay booqasho rasmi ah oo qaadan doonta muddo saddex cisho ah, waxaana garoonka Aadan Cadde kasii sagootiyay wasiirro katirsab xukuumada.

Mudane Xamse iyo wafdigiisa ayaa inta ay ku sugan yihiin magaalada Qaahira, wada hadallo la xiriira iskaashiga labada dal ee walaalaha ah waxa ay la yeelan doonaan madaxda waddanka Masar.

Sidoo kale ra’iisul wasaaraha ayaa wada-hadallo la xiriira iskaashiga labada dal ee Soomaaliya iyo Masar waxa uu la yeelan doonaa madaxda waddanka Masar.

Arrimaha muhiimka ah ee uu kala hadlayo waxaa kamid ah dagaalka Al-Shabaab oo ay haatan dowladda federaalka u raadineyso taageero caalami ah, si looga adkaato.

Safarka ra’iisul wasaaraha waxa uu ku soo aaday, xilli xasaasi ah, isla-markaana uu dalka ka socdo dagaal ka dhan ah kooxda Al-Shabaab, kaas oo guullo waa weyn laga gaaray.

Sidoo kale wuxuu ra’iisul wasaaruhu booqan doonaa xarunta safaaradda Soomaaliya ee magaalada Qaahira, isaga oo la kulmi doono jaaliyadda Soomaaliyeed ee Masar.

Soomaaliya iyo Masar ayaa waxaa ka dhexeya xiriir dheer oo soo jireen ah, kaas oo ku qotoma dhanka waxbarashada iyo taageerada dhanka bani’aadanimada.

Read More

Hey’adda Maareynta Masiiboyinka oo gargaar gaarsiisay Qoysas danyar ah

 

Gargaar ay horay dowladda Imaaraadka Carabta ugu deeqday dadka Soomaaliyeed ee ay abaaruhu sameyeen, oo ay maantey Hey’adda Maareynta Masiiboyinka Qaranka ee SODMA, ayaa ku dhawaad 300 oo qoys oo danyar ah ugu qeybisay gudaha degmada Diinsoor ee Gobolka Bay.

Dadka gargaarkaan ka faa’iideystay ayaa ahaa kuwa la il daran xaalado adag oo dhanka Noolasha ah, iyadoo ay intaas dheertahay in degmada Diinsoor ay muddo go’doonsantahay.

Hey’adda Maareynta Masiiboyinka oo gargaar gaarsiisay Qoysas danyar ah oo ku sugan degmada Diinsoor ee Gobolka Bay.

Dowladda Soomaaliya ayaa sidoo kale uga mahadcelisay Imaaraadka kaalmada joogtada ah ee ay Soomaaliya la garab taagan tahay xaalad kasta iyo dhibaato kasta

Read More

Al-Bulayhi: Waxaan garaacay Messi, Ronaldo-na wuu igu garan doonaa garoonka dhexdiisa

 

Cali Al-Bulayxi oo ah daafaca kooxda Al-Hilaal ayaa muujiyay sida uu ugu faraxsan yahay in uu qandaraaska u cusbooneysiiyo Al-Zaciim, isagoo carabka ku adkeeyay inuu doonayo inuu sii wado safarka uu ugu jiro hanashada horyaalka.

Al-Hilaal waxa uu ku dhawaaqay, fiidnimadii Arbacada, dib u cusboonaysiinta qandaraaska Al-Bulayhi hal xilli, iyada oo la doorbidayo in la cusboonaysiiyo sannad kale.

Al-Bulayhi waxa uu ku yidhi, bayaan uu qoray wargeyska Sucuudiga ka soo baxa ee Al- Riyaadiyah : “Marka uu ciyaartoy kasta soo dhawaado gelitaanka xilliga xorta ah, qaar baa ka hadlaaya beddelkiisa ama dib u cusboonaysiintiisa, laakiin anigu taas dheg uma dhigin, diiraddayduna waxa ay ahayd Al-Hilaal.”

Isagoo hadalkiisa sii wata ayuu yiri: “Lama baayacmushtareynin Al-Hilaal, rabitaankeyga inaan sii wadona wuxuu ahaa mid dhab ah, manaan dhag jalaqsiinin dalabyada, sababtoo ah waxaan jeclaan lahaa inaan sii joogo kooxda aan jeclahay oo aan oofiyo dhammaan rabitaankeyga. isaga.”

Isagoo ka hadlaya heshiiska uu Cristiano Ronaldo ugu biiray kooxda Al-Nasr ayuu yidhi: “Heshiiska Ronaldo waxa uu ka faa’iidaysan doonaa Sucuudiga, sababtoo ah waxa uu ka mid yahay xiddigaha ugu fiican adduunka, waxaan u rajaynayaa guul, waxaana u sheegayaa in aanu dhawaan ku arki doono”.

Waxaana uu intaa ku daray “Aniga oo kaliya ayaan ka cabsadaa naftayda, Ronaldo-na waxa uu ogaan doonaa qofka uu yahay Al-Bulayhi marka aan awood buuxda yeesho”.

Isagoo ka hadlaya ka qayb galka xulkiisa Saudi Arabia finalka koobka adduunka iyo soo bandhigis heersare ah oo uu ka sameeyay xulka qaranka Argentine ayuu yidhi: “Wax macno ah maleh qofka la ciyaaraya Al-Bulayhi, muhiimadu waa in aan ku kalsoonahay. naftayda, sidaa darteed kama baqayo ciyaaryahan kasta oo kubbadda cagta ah, iyada oo aan loo eegin cidda uu yahay."

Wuxuu kusoo gaba gabeeyay, “Waxaan ku idhi Messi xitaa hadii aad nala ciyaarto 5-kulan ma awoodid inaad naga badin karto”.

Read More