Wasiirka Cadaaladda Soomaaliya oo Qaahira kula kulmay dhiggiisa Masar
Wasiirka cadaaladda iyo arrimaha dastuurka XFS iyo wafidiga uu hogaaminayo
oo ay kamid yihiin xeer ilaaliyaha guud ee qaranka, Sulaymaan Maxamuud iyo
Garsoore Sheekh Saalax Dhiblaawe oo ka tirsan maxkamadda sare ee dalka ayaa
Qaahira kulan miro dhal ah kula qaatay wasiirka cadaaladda dowladda Masar,
mudane Cumar Marwaan.
Kulanka Labada wasiir ay yeesheen ayaa looga hadlay iskaashi dhanka
arrimaha cadaaladda, sharciyadda iyo garsoorka taas oo ay wadajir uga
shaqaynayaan labada dowlad ee walalaha ah.
Soomaaliya Masar iyo masar oo arimo dhaw ah ka wada hadley
Wasiirka Cadaaladda iyo arrimaha Dastuurka XFS, mudane Xasan Macallim ayaa
dhigiisa Masar uga mahad celiyay casuumaadda uu u fidiyey, isagoo bogaadiyay
horumarka dhanka adeegyadda cadaaladda iyo garsoorka ee dalka Masar.
Wasiirrada Cadaaladda ee labada dowladood ayaa caddeeyay muhiimadda ay
leedahay xiriirka taariikhiiga ah ee Masar iyo Soomaaliya iyo sida ay labada
dowladood ee walaalaha ah ugu heelan yihiin xoojinta xiriirkaaas waxaana la
isla gartay in la kala saxiixdo heshiis is-afgarad ah.
shir jaraa’id oo ay qabtay Hay’adda Maareeynta Musiibooyinka Qaranka
Wasiirka warfaafinta, dhaqanka iyo dalxiiska XFS Daa’uud Aweys Jaamac,oo uu
wehliyo Guddoomiyaha Hay’adda Maareeynta Musiibooyinka Qaranka iyo qaar kamid
ah Culimada Soomaaliyeed oo shir jaraa’id qabtay ayaa faah-faahin ka bixiyay
dhibatooyin ka dhashay Roobabka ka da’ayo guud ahaan dalka iyo sameeynta ay ku
rebeen shacabka soomaaliyeed.
Wasiirka warfaafinta Soomaaliya Mudane Daa’uud Aweys Jaamac ayaa sheegay
ilaa inta la ogyahay in dad gaarayo 31-qof ay ku dhinteen daadadka iyo
fatahaada ka dhashay roobabka ka da’ayo dalka,nus milyan dad kabadana ay ku
barakaceen,shacabka Soomaaliyeed ayuu ugu baaqay in ay u istagaan sidii ay ugu
gurman lahayeen walaalahooda ay sameynta ku yeesheen fatahaadaha.
Wasiirka Wasaaradda Warfaafinta XFS Daa’uud Aweys Jaamac “Dad kabadan Hal
milyan ayuu saameeyey Daadadka iyo fatahaadaha dalka ka dhacay, waxaana
dhimashada maraysaa 31 qof.”
Waxa uu sheegay wasiirka in dowladda iyo shacabka soomaaliyeed oo is
garabsanayo ay u istageen sidii gurmad deg deg ah loola gaarsiin lahaa dadka ay
sameynta xooggan ku yeesheen roobabka ka da’ayo dalka
Wabiga Shabeelle oo ku fatahay Xaafado hor leh oo ka tirsan
Baledweyne
Guddoomiyahay Hay’adda Mareeynta Musiibootinka Qaranka Maxamuud Macalin
Cabdulle ayaa dhankiisa sheegay in la sameeyay Akoonno bulshada ay kaga qeb
qaadan karto sidii ay walaalahooda u sameynta ku yeelatay fatahaadaha iyo
daadaka ka dhashay roobka da’ayo
Guddoomiyaha Hay’adda Maareynta Musiiboyinka Qaranka Maxamuud Macallim
Cabdulle “Umadda Soomaaliyed maanta waxa looga bahanyahay in la isku gurmado oo
la caawiyo shacabka Soomaaliyeed ee dhibatada ka soo gaartay El-Niño. ”
Sheekha Bashiir Axmed Salaad oo kamid ah culimada soomaaliyeed ayaa isna
yiri ” Waa in aan isku gurmano oo aan is kaalmeno maadama El-Niño ay gaysatay
Qasaaro badan,Masaajida,madaarista Culimada waa in aan ka gurmano.”
Arrintaan waxa ay imaneysaa xili saacadihii la soo dhaafay roobab wata
daadad iyo fatahaado ay ka da’ayaan gobolada dalka,waxana isasa soo tarayo
sameynta daadaka iyo fatahaadu ay ku yeelaneyso shacabka ku dhaqan gobolada
dalka haba ugu darnatee gobolka Gado iyo gobolka Baay,sidoo kale waxaa laga
cabsi qabaa in fatahaado uu sameeyo wabiga shabeelle degaannada uu ka maro
gobolada dalka.
Madaxweyne Xasan
Sheekh oo ka qeybgalay Madasha Iskaashiga Sacuudiga iyo Afrika
Madaxweynaha Jamhuuriyadda Federaalka Soomaaliya Mudane Xasan Sheekh
Maxamuud oo ka qeyb-galay Madasha Iskaashiga Sucuudiga iyo Afrika ayaa ka
warbixiyey xaaladda dalka, fursadaha iskaashiga iyo mowqifka Soomaaliya ee ku
aaddan garab-istaagga walaalaha Falastiin iyo joojinta duqeynta ka socota Qasa.
Madaxweynaha ayaa soo bandhigay sida dowladda iyo shacabka Soomaaliyeed ay
ula fal-galayaan gobolka iyo Qaaradda, iyadoo ay barbar socdaan dib u dhiska
dalka, xoreynta deegaannada iyo xoojinta hay’adaha dowladnimada, waxa uuna
tilmaamay in Soomaaliya ay haysato mustaqbal fiican.
Xasan oo aad uu amaaney doorka Sacuudiga
ku leeyahay dalka
Madaxweyne Xasan Sheekh Maxamuud ayaa bogaadiyey garab-istaagga iyo
iskaashiga ka dhaxeeya Boqortooyada Sucuudiga iyo Soomaaliya, isagoo sheegay in
siyaasadda guud ee Dowladda Federaalka Soomaaliya ay aasaas u tahay wada-tashi
iyo wax wada-qabsi, uuna rajeynayo in mira-dhalka shirkan uu noqdo kobcinta
xiriirka labada dhinac.
“Laga billaabo hadda, waxaan rumeysannahay in aan hormuud u noqon karno
caalamka dhanka beeraha, kheyraadka xoolaha, tan kheyraadka cagaaran,
isgaarsiinta, fududeynta ganacsiga, kheyraadka badda iyo hal abuurka
tignoolajiyadda.”. Ayuu yiri Madaxweyne Xasan Sheekh Maxamuud.
Madaxweynaha Jamhuuriyadda oo ka mahadceliyey soo dhaweynta diirran ee ay u
fidiyeen Boqorka iyo Dhaxal-sugaha Sucuudigu ayaa kula dardaarmay Madaxda ka
soo qeyb-gashay madashan in ay la fil noqdaan caqabadaha iyo duruufaha ku
xeeran Qaaradda, miisaanna u yeelaan Iskaashiga Sucuudiga iyo Afrika.
Hay'adda Maareynta Musiibooyinka oo Doomaha nuuca dheereya u dirtay
degmooyinka ay daadadku ka dhaceen ee Gobolka Gado
Hay'adda Maareynta Musiibooyinka Qaranka Soomaaliyed ee SoDMA oo ka
jawaabaysa xaaladaha adag ee ka jira gobolka Gedo Degmooyinkiisa kala duwan ee
Dowladd goboleedka Jubaland kuwaas oo ka dhashay roob mahiigaan ah oo watay
daadad iyo fatahaad uu sameeyey Wabbiga Jubba oo mara Degmooyinka Gobolkaas
ayaa maanta laba Doonyood oo ah nuuca dheereeya u dirtay degmada Baardheere .
Doonyahaan ayaa lagu wadaa in ay ka qaybqataan badbaadinta boqolaal shacab
ah oo xafadaha degmadaas ku go'doonsan kuwaas oo ay go'domiyeen Fatahaada
Wabbiga, waxaana Muqdisho looga daabulay diyaarado elokobtar ah.
Sidoo kale hay’adda ayaa diyaarisay Gurmadyo kala duwan oo gargaar ah
kuwaas oo iskugu jira Raashin,Dhar iyo Daawo waxaana la rarayaa dhawaan, iyadoo
la gaarsinayo degmoyinka iyo deeganada fatahaadaha iyo daadadka ay ku
rogmadeen, waxaana xusid mudan in maalmo ka hor hay’adda SoDMA doon nuuca
dheereya ah gaarsiisay degmada luuq.
Sidhoo kale Hay’adda isku xirka gagaarka Qaramada Midoobay ee OCHA ayaa
shaacisay in lagu howlan yahay sidii loo daad gurayn lahaa illaa 2,400 oo qof
oo ku go'doonsan fatahaada ka dhacday degmada Luuq ee gobolka Gedo.
Hay’adda OCHA oo ka jawaabaysay codsi uga yimid dowladda Soomaaliya ayaa
sheegtay in doomo loo diray magaalada Luuq, si loogasoo daad gureeyo dadka
halkaas ku go’doosan.
Warbixin hay’addu soo saartay ayay ku sheegtay, in 1.17 milyan oo qof ay ilaa
hadda saamayeen roobabka ka da’ay dalka. Sidoo kale waxay sheegtay in ay
334,800 oo qof ay ka barakaceen guryahoodii, halka ay jiraan 28 dhimasho ah oo
ay ku jiraan 8 caruur ah
Sidoo kale, hay’addu waxay sheegtay in 2,400 qof ay ku go'doonsan
yihiin biyaha daadka.
Shalay, hay’adda maaraynta masiibooyinka Soomaaliya ayaa shaacisay in ugu
yaraan 29 qof ayaa ku geeriyoodeen daadadkii ugu xumaa oo ka dhashay roobabkiika da'ay dalka.
Soomaaliya iyo ingriiska oo wada hadalo shaxmaray
Wasiirka Garsoorka iyo Arrimaha Dastuurka ee Xukuumadda Federaalka
Soomaaliya, Mudane Xasan Macallin Maxamuud, ayaa kulan la qaatay Safiirka
Boqortooyada Ingiriiska u fadhiya Soomaaliya Danjire Michael Nithavrianakis.
Wasiirka iyo safiirka ayaa ka wada hadlay taageerada dowladda Ingiriiska ay
siiso dowladda iyo shacabka Soomaaliyeed, iyo doorka caddaaladda ee xasiloonida
iyo sidii cadaalad loogu heli lahaa deegaannadii dhowaan la xoreeyey.
Wasiirka Cadaaladda Xukuumadda Federaalka Soomaaliya ayaa uga mahad celiyay
dowladda iyo shacabka Britain taageerada hagar la’aaneed ee ay la garab taagan
yihiin shacabka iyo dowladda Soomaaliya.
Safiirka aan caadiga ahayn ee Mareykanka... Waa Richard Reilly, oo uu
madaxweynaha Mareykanka Joe Wathiq u magacaabay wakiilka dalkiisa ee
Soomaaliya.
Dowladda Mareykanka ayaa ku dhowaaqday in Richard Reilly uu u soo
magacaabayo safiirka cusub ee Soomaaliya, waxaana lagu wadaa in dhawaan uu la
wareego shaqadiisa rasmiga ah, Reilly ayaa ah safiirkii 4-aad ee uu Mareykanka
u soo magacaabo Soomaaliya tan iyo markii uu dib u soo laabtay xiriirka
diblomaasiyadeed ee labada dal. wadamada 2013.
Safiirka cusub ayaa xilka kala wareegi doona danjirihii hore ee Mareykanka
Larry Andre oo muddo sanad ah safiir ahaa, waxaana Reilly ay muujisay
kalsoonida uu ku qabo inuu ka soo bixi karo mas’uuliyadiisa.
Safiirka cusub ee Maraykanka ayaa xaqiijiyey inay ka go’an tahay inuu si
dhow ula shaqeeyo hay’ado kala duwan oo Maraykan ah, oo ay ku jiraan ciidamada
Maraykanka, hay’adda horumarinta caalamiga ah ee Maraykanka iyo ururrada kale
ee ku hawlan la dagaalanka argagixisada caalamiga ah.
Safiirka cusub ayaa sugaya ansixinta aqalka senate-ka Mareykanka si uu u
bilaabo howlihiisa Soomaaliya.
Waxaa xusid mudan in xiriirka diblumaasiyadeed ee Mareykanka iyo Soomaaliyauu dib u soo laabtay sanadkii 2013-kii, kadib muddo dheer oo xasilooni darro
iyo dagaalo sokeeye ay dalka ka socdeen. Danjire Stephen Schwartz ayaa
noqday safiirkii ugu horreeyay ee Mareykan ah oo Soomaaliya u jooga bishii June
2016, waxaana xilka kala wareegay Donald Yamamoto bishii Oktoobar 2018. Larry
Andre ayaa xilkan la wareegay bishii Febraayo 2022, wuxuuna xilkaasi hayay
illaa July 2023.
Mareykanka ayaa sheegay in magacaabistan ay dib u xaqiijineyso sida ay
Mareykanka uga go’an tahay in Soomaaliya ay ka taageerto safarka ay ugu jirto
xasilloonida iyo horumarka.
.jpeg)
