hay’adda Maareynta Musiiboyinka Qaranka Soomaaliyed ee SoDMA
Guddoomiyaha hay’adda Maareynta Musiiboyinka Qaranka Soomaaliyed ee SoDMA
Mudane Maxamuud Macallim Cabdulle ayaa sheegay in doomihii ay u direen gobolka
Gedo ay wax badan ka tareen badbaadinta shacabka ay daadadka iyo fatahaaduhu
saameeyeen.
Guddoomiyaha oo ka mi ah wafdi uu hoggaaminayay Ra’iisulwasaraha XFS oo
booqasho ku tagay Degmada Doolow ayaa intaa raaciyay in dhibaatada ugu daran ay
tahay isu socodka dadka iyo badeecadaha maaddaama ay biyaha kala xireen.
hay’adda SoDMA oo baaq dag dag ah dirtey
Guddoomiyaha ayaa sheegay in degmooyinka Luuq, Baardheere iyo Dooloow ay
ahaayeen goobaha ugu daran gobolka Gedo ee ay xoogga saareen, wuxuuna intaa
raaciyay in ay degmooyinka kale ee gobolka ay gaarsiin doonaa doomo.
Mudane, Maxamuud Macallin Cabdulle ayaa ugu dambayn guud ahaan hay’adaha
samafalka ka codsaday in gurmad deg-deg ah lala soo gaaro dadka ay saameeyeen
daadadka iyo fatahaadaha.
Madaxweyne Xasan oo ka dagay London
Madaxweyne Xasan Sheekh Maxamuud ayaa u yimid London si uu u marti-geliyo
Shirka Sugnaanta Cunnada Adduunka oo uu la yeelanayo Ra’iisul Wasaaraha Britain
Rishi Sunak, Imaaraadka Carabta, Sanduuqa Maalgelinta Carruurta, iyo Hay’adda
Bill & Melinda Gates Foundation.
Shirkan oo lagu wado in maanta oo Isniin ah lagu qabto magaalada London
ayaa waxaa ka qeyb galaya madaxda dowladda, hay’adaha gargaarka, saynis
yahannada ka qeyb qaadanaya cilmi baarista caalamiga ah, khubarada cimilada iyo
cunnada.
Shir-madaxeedkan ayaa waxaa ka mid ah kulamo kala duwan oo diiradda lagu
saarayo hab-dhaqannada hal-abuurka leh ee beeraha, beeraha u adkeysan kara
cimilada, iskaashiga caalamiga ah si loo qoondeeyo kheyraadka, iyo taageerada
dalalka sida Soomaaliya oo kale ah, kuwaas oo safka hore kaga jira dagaalka
sugnaanta cuntada sababo la xiriira juqraafi, bulsho iyo siyaasadeed.
Xasan oo kulamo kala duwan la qaadan doonaa madaxda UK
Ra'iisul Wasaaraha Britain ayaa carrabka ku adkeeyay baahida loo qabo
tallaabo caalami ah oo wax looga qabanayo sababaha inta badan aan la arki karin
ee salka u ah cunno yarida caalamka.
Sida laga soo xigtay Qaramada Midoobay, falanqayntii ugu dambeysay waxay
muujineysaa in intii u dhaxeysay bilihii Abriil iyo Juun 2023, qiyaastii 6.6
milyan oo qof oo ku nool Soomaaliya ay la kulmeen heerar sare oo cunto yari.
Xasan Sheekh oo shir guddoomiyey kulanka amniga qaranka oo looga hadlay
afar qodob
Madaxweynaha Jamhuuriyadda Federaalka Soomaaliya, ahna Taliyaha Guud ee
Ciidamada Qalabka Sida Xasan Sheekh Maxamuud ayaa maanta guddoomiyey Shirka
Guddiga Amniga Qaranka.
Shirkaas ayaa looga hadlay tallaaabooyinka loo qaaday
xaqiijinta amniga caasimadda Muqdisho oo si gaar ah loogu gorfeeyey shirkaan.
Sidoo kale madaxda amniga qaranka waxay shirkaan uga hadleen
dib u dhiska ciidamada qaranka oo hadda meel fiican soo gaartay.
Arrimaha kale ee diiradda la saaray waxaa ka mid ah xoreynta
deegaannada ku jira gacanta argagixisada iyo qorshaha Soomaaliya.
Sidoo kale masuuliyiinta amniga qaranka Soomaaliya waxay
shirkaan uga tashanayeen nooca warbixinta la hor geynayo shir ay dhawaan
dowladda Soomaaliya la yeelan doonto Qaramada Midoobey iyo Midowga Afrika.
Shirkaas waxaa looga hadlayaa amniga Soomaaliya, gaar ahaan
hanaanka ay dowladda Soomaaliya ula wareegeyso amniga qaranka.
Guddiga Amniga Qaranka oo warbixin ka dhageystay
Taliyeyaasha Ciidamada ayaa ku ammaanay shacabka Soomaaliyeed sida ay ula
shaqeynayaan laamaha amniga.
Sidoo kale waxaa lagu dhiirrigeliyey Ciidanka Booliska ee u
tababaran sida Milatariga dadaalka habeen iyo maalinta ah ee ay u bixinayaan
amniga caasimadda.
Guddiga Amniga Qaranka ayaa bogaadiyay guulaha taariikhiga
ah ee geesiyaasha Ciidanka Xoogga Dalka ay ka soo hoyeen furimaha dagaalka,
gaar ahaan xoreynta deegaanno badan oo ka tirsan Mudug, Galguduud, Hiiraan iyo
Shabeellaha Dhexe.
Sidoo kale, waxay adkeeyeen abaabulka iyo dhammeystirka
wajiga 1-aad ee howlgalka oo horseedaya in laga sifeeyo Khawaarijta deegaannada
ay kaga harsan yihiin Hirshabeelle iyo Galmudug.
Xasan Sheekh oo Guddoomiyay shir ku saabsan Amniga iyo howlgalka xoreynta
dalka
Madaxweynaha Soomaaliya, Xasan Sheekh Maxamuud, ayaa shir guddoomiyey kulan
uu la qaatay saraakiisha iyo taliyeyaasha ciidamada xoogga dalka iyo booliiska,
kaasoo looga hadlay xaaladda amni ee dalka.
Madaxweyne Maxamuud, ahna Taliyaha Guud ee Ciidammada Qaranka, ayaa
warbixin ka dhegaystay hoggaanka Ciidammada Qaranka oo ku saabsan wejiga
koowaad ee hawl-galka dib u xoraynta dalka. Warbixinta ayaa lagu sheegay
in haddii la dhaqan geliyo qorshaha dhow ay horseedi doonto in laga xoreeyo
deegaanada ay weli gacanta ku hayaan Al-Shabaab.
Dardaaran uu jeedhiyey Madaxweyne Xasan
Madaxweynaha Jamhuuriyadda ayaa bogaadiyay ciidamada dowladda ee ku
guuleystay in Al-Shabaab ay ka saaraan deegaano badan oo dalka ah tan iyo
markii uu bilowday weerarada sanadkii hore.
Kulanka ayaa waxaa goob joog ka ahaa Wasiirka Gaashaandhigga Cabdulqaadir
Maxamed Nuur, Taliyaha Ciidanka Xoogga dalka Jeneraal Ibraahim Sheekh
Muxuyidiin, Taliyaha Ciidanka Booliska Soomaaliyeed Jeneraal Salub Axmed iyo
madax kale.
Madaxweyne Xasan
Sheekh ayaa dhiggiisa Burundi kala hadlay xoojinta xiriirka iyo iskaashiga
Madaxweynaha Jamhuuriyadda Mudane Xasan Sheekh Maxamuud oo ay weheliyaan
wasiirro iyo mas’uuliyiin sarsare ayaa maanta oo Arbaca ah gaaray magaalada
Bujumbura ee caasimadda dalka Burundi, isagoo ka jawaabaya casumaad uu ka helay
Madaxweynaha Burundi Evariste Ndayishimiye, ahna Guddoomiyaha Midowga Afrika.
Kalfadhiga hadda ee Bulshada Bariga Afrika.
Madaxweyne Xasan Sheekh Maxamuud ayaa kulan la qaatay dhiggiisa dalka
Burundi, iyadoo diiradda lagu saaray xoojinta xiriirka labada dal iyo sidii kor
loogu qaadi lahaa iskaashiga ka dhexeeya labada dal iyo labada shacab ee ku
dhisan is-aaminaad iyo danaha guud.
Sheekh Maxamuud ayaa ku ammaanay Madaxweynaha Burundi doorka ay dalkiisa ka
qaateen soo celinta amniga iyo xasiloonida Soomaaliya oo ay ka qeyb qaadanayaan
ciidamada Burundi ee qeybta ka ah howlgalka Midowga Afrika ee Soomaaliya
“ATMS”, waxayna labada mas’uul ammaan u jeediyeen ciidamada Soomaaliya iyo kuwa
Burundi. ciidamada dagaalka kula jira dagaalamayaasha Al-Shabaab.
Madaxweyne Xasan
Sheekh oo booqasho shaqo ku tegay Dalka Burundi
Dhankiisa, Madaxweynaha Burundi Evariste Ndayishimiye ayaa uga mahadceliyey
Madaxweyne Xasan Sheekh booqashadiisa shaqo ee dalkiisa iyo dadaalka uu ugu
jiro hirgelinta nabadda, dimuqraadiyadda iyo horumarinta Jamhuuriyadda
Federaalka Soomaaliya.
Natiijadii ugu weyneyd ee ka soo baxday socdaalkan ayaa ah go’aanka ah in
la qabto shirka mustaqbalka ee guddiga joogtada ah ee iskaashiga labada dal,
iyo xaqiijinta madaxweynayaasha labada dal sida ay uga go’an tahay himilooyinka
bulshada Bariga Afrika iyo Afrika. Midowga, gaar ahaan dhinaca kobaca
dhaqaalaha iyo ganacsiga Afrika dhexdeeda.
Waxa sii kordhaya tirada dadka ku geeriyooday fatahaada Wabiga Shabeelle uu
ka geystay xaadafaha magaalada Baledweyne ee xarunta gobolka Hiiraan.
Ilaa 8 qof ayaa la xaqiijiyay iney ku geeriyoodeen fatahaadda wabiga
Shabeelle ee magaalada Baladweyne 24-kii saac ee la soo dhaafay, sida ay
warbaahinta u sheegen maamulka degmada Baledweyne.
Maaamulka degmada Baledweyne ayaa sidoo kale sheegay in fatahaadu ay sababtay
khasaare hantiyadeed oo baaxad leh iyo barakacii ugu xoogana dhowrkii sano ee
lasoo dhaafay.
Duqa degmada Baledweyne Nadar Tabaax ayaa sheegtay in hay'addaha samafalka ay
ka gaabiyeen wax ka qabashada xaaladaha ka dhashay fatahaada ee lasoo daristay
dadkii ku noolaa xaafadaha Baledweyne oo intooda badan u barakacay Ceel jaalle.
baaq dagdag ah
Marwo Nadar ayaa sidoo kale dalbatay in gurmad deg deg ah lala soo gaara
dadka reer Baledweyne ee sida weyn u saameysay fatahaada.
Si kastaba waxaa xusid mudan in xaafadaha Baledweyne ay wali ku dhex go'doonsan
yihiin qoysas badan oo isugu tagay dhulalka taaga ah ee ku yaala xaafadaha
Baledweyne, iyadoo biyaha wabiga ay sii xoogeysanayaan saacadba saacada ka
dambeysa.
.jpeg)
