Madaxweynaha Soomaaliya oo Nayroobi uga qeybgalaya shirka Caalamiga ah ee Isbadalka Cimilada

 

Madaxweynaha dowladda Fedaraalka Soomaaliya Xasan Sheekh Maxamuud iyo wafdi uu hoggaaminaayo oo ka ambabaxay magaalada Muqdisho ayaa goordhaw gaaray  magaalada Nairobi ee dalka Kenya.

Madaxweynaha Soomaaliya iyo wafdigiisa ayaa waxaa garoonka diyaaradaha Joma Kiyata kusoo dhaweeyay madaxweyne ku xigeenka Kenya Rigathi Gachagua wasiirka Gashaandhiga kenya Adan Barre Ducaale iyo masuuliyiin kale oo ka tirsan dowladda Kenya.

Ujeedka Madaxweyne Xasan Sheekh iyo wafdigiisa ay u tageen magaalada Nairobi ee dalka Kenya ayaa ah ka qeyb galka Shirweynaha 6-aad ee arrimaha deegaanka iyo isbedelka Cimilada, kaasoo ay ka qeyb galayaan madax kala duwan oo ka socda qaar ka mid ah dalalka Calaamka.

Madaxweynaha Soomaaliya ayaa la filayaa inuu kulamo gooni gooni ah la qaato mudada uu ku sugan yahay magaalada Nairobi qaar ka mid ah madaxda ka qeyb galeysa shirka.

Madaxda ka qeyb galeysa shirkaan waxaa ka mid Raysal wasaaraha dalka Itoobiya Abiy Axmed oo dhawaan kusoo xadgudbay Midnimada iyo madax banaanida dhuleed ee Soomaaliya, kaasoo shalay isna gaaray Nairobi.

Read More

Madaxweyne Xasan Sheekh oo ka qeybgalaya Shirweynaha 6-aad ee Ururka QM u qaabilsan Deegaanka

 

Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa magaalada Nairobi ee xarunta Dalka Kenya uga qeyb-gali doono Meertada rasmiga ah shirweynaha 6-aad ee ururka Qaramada Midoobay u qaabbilsan Arrimaha deegaanka.

Wasiirka Wasaaradda deegaanka iyo isbeddalka cimilada JFS Khadija Mohamed Al-makhzoumi iyo Safiirka Safaaradda Soomaaliya ee dalka Kenya Danjire Jabriil Ibraahim Cabdulle ayaa shalay ka qeyb galay Furitaanta Meertada rasmiga ah shirweynaha 6-aad ee ururka Qaramada Midoobay u qaabilsan Arrimaha deegaanka.

Wafdiga ay hogaamineyso Wasiir Khadija Mohamed Almakhzoumi ee ka qeyb-galay furitaanka Meertadaas ayaa hordhac u ah wafdiga Madaxweynaha JFS Mudane Xasan Sheekh Maxamuud oo dhawaan la filayo iney ka qeyb-galaan shirkaas.

Shirkan oo socon doono ilaa 1 much ee 2024 ayaa diiradda lagu saarayaa sida ay dalalka caalamka uga wada shaqeyn lahaayeen sidii wax looga qaban lahaa dhibaatada deegaanka oo ugu horeyso wasaqda hawada, isticmaalka bacaha, xaalufinta deeganka iyo isbeddelka cimilada.

Read More

Madaxa Hay’adda Maareynta Masiibooyinka Soomaaliya oo la kulmay mas’uuliyiin ka socotay Hay’adda Horumarinta Caalamiga ah ee Mareykanka

 

Hay’ada Maareynta Masiibooyinka oo qaabishay Hay’ado Caalami ah

Guddoomiyaha Hay’adda Maareynta Masiibooyinka Qaranka mudane Maxamuud Macallin Cabdulle ayaa maanta kulan la qaatay mas’uuliyiin ka socday Hay’adda Kaalmada iyo Hormarinta Caalamiga ah ee Mareykanka (USAID) oo ay hoggaaminaysay madaxa hay’adda ee Soomaaliya Sheri-Nouane Duncan-Jones.

Labada dhinac ayaa ka wada hadlay muhiimadda ay leedahay howsha ka hortagga leexsashada gargaarka, arrimaha u adkaysiga aafooyinka, Xasilinta deegaannada la xoreyay iyo arrimaha la xariira abaaraha soo noqnoqday

Guddoomiyaha Hay’adda SoDMA, ayaa aad uga mahadceliyay Hay’adda USAID hawlaha gargaar iyo horumarineed ee ay ka waddo dalka, isagoo ballanqaaday dhankiisa in la sii xoojin doono ka mira dhalinta qodobbadii laga wada hadlay.

Read More

Madaxweynaha Soomaaliya oo Muqdisho kula kulmay Wasiiru Dowlaha Wasaaradda Gaashaandhigga Ingiriiska

 

Madaxweynaha Soomaaliya Dr Xasan Sheekh Maxamuud ayaa Madaxtooyada Qaranka ku qaabilay Wasiiru-dowlaha Gaashaandhiga ee Dowladda Ingiriiska James Stephen Heappey oo booqasho ku yimid dalkeenna.

Madaxweynaha ayaa la wadaagay wasiirka guulaha wax ku oolka ah ee laga gaaray xaqiijinta amniga, tayeynta ciidamada iyo la-dagaallanka argagixisada oo hadda maraya heer wanaagsan.

“Tallooyinkaasi oo suurta-galisay in dalkeennu uu ka gudbo marxaladdo adag oo ay ka mid tahay qaadista cunaqabateynta hubka,” ayaa lagu yiri qoraal kasoo baxay Villa Soomaaliya.

Madaxweynaha ayaa uga mahad-naqay Boqortooyada Dowladda Ingiriiska doorka ay ka qaadato tababarida ciidamada Soomaaliyeed, xilli ay Soomaaliya isku diyaarineyso la wareegida mas’uuliyada amni ee dalka, kadib bixitaanka qeybaha ka harsan ciidamada ATM.

Wasiiru-dowlaha Gaashaandhiga Boqortooyada Ingiriiska Mudane James Stephen ayaa dhankiisa bogaadiyey horumarada muuqda ee ay si wadajir ah ugu tallaabsadeen shacabka iyo dowladda Soomaaliyeed.

Sidoo kale waxa uu xusay sida ay uga go’an tahay dowladdiisa xoojinta iskaashiga difaaca iyo la dagaallanka argagixisada ee ka dhaxeeya Soomaaliyaiyo UK.

Si kastaba, Soomaaliya ayaa weli ku jirto marxalad dagaal, kaasi oo ay haatan taageero caalami ah u raadinayso, waxaana heer geba-gebo ah maraya wejiga hore ee dagaalka, oo kooxda Al-Shabaab lagu gaarsiiyay khasaare xooggan, loogana qabsaday degmooyin iyo deegaano muhiim ah oo ay sanado badan ka talineysay.

 

Read More

Madaxweyne Xassan Sheekh Oo Saxiixay Sharci ay soo Gudbisay Wasaaradda..

 

Madaxweynaha ayaa saxiixay sharciga ilaalinta iyo maareynta deegaanka

Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa maanta oo Sabti ah saxiixay sharciga ilaalinta iyo maareynta deegaanka, kaasoo ay ansixiyeen labada aqal ee Baarlamaanka Soomaaliya.

Wasiirka Deegaanka iyo Isbadalka Cimilada ee Xukuumadda Federaalka Soomaaliya Marwo Khadiija Maxamed Al-Makhzoumi ayaa uga mahadcelisay Madaxweyne Xasan Sheekh saxiixiisa sharcigan muhiimka u ah ilaalinta deegaanka.

Wasiirka ayaa yiri “Waxaan u mahadcelinayaa Madaxweyne Xasan Sheekh Maxamuud oo saxiixay sharciga ilaalinta iyo maareynta deegaanka, kaasoo ay ansixiyeen labada aqal ee Baarlamaanka Federaalka Soomaaliya”.

Wasaaradda Deegaanka iyo Isbadalka Cimilada ee Xukuumadda Federaalka Soomaaliya ayaa in muddo ah ku howlaneyd sidii loo soo saari lahaa sharciga ilaalinta iyo maareynta deegaanka, sharcigan ayaa ah mid muhiim u ah ka hortagga iyo yareynta saameynta is bedelka cimilada ee dalka.

 

Read More

Mas’uuliyiin ka socday Hay’adda Maareynta Musiiboyinka iyo Hirshabelle oo booqday biya xireenka Sabuun ee duleedka Jowhar.

 

Wafdi uu hoggaaminayo Guddoomiyaha Hay’adda Maareynta Musiiboyinka Qaranka  Md, Maxamuud Macallim Cabdulle oo ay qayb ka ahaayeen

Wasiirka Arrimaha Gudaha Hirshabeelle Cabdiraxmaan Daahir Guure, wasiir ku-xigeenka  Wasaaradda Gargaarka , Guddoomiyaha Gobolka Shabeeladda Dhexe  Axmed Mayre Makraan , iyo Masuuliyiin kale ayaa maanta waxa ay booqasho ku tageen biya xireenka Sabuun ee duleedka Magalaada Jowhar.

Mas’uuliyiintaan ayaa kormeeeray qayabaha kala duwan ee biya xireenka,  kaas oo ay ka muuqdaan sameyntii ka soo gaartay Fatahaadii El-Niño ee sanadkii hore.

Guddoomiyaha Hay’adda Maareynta Musiiboyinka ayaa sheegay in ay ka shaqeyn donaan dib u dayactirka kanaalkaan, anagoo ayuu yiri kaa shaneyna ShacabkaSoomaaliyeed iyo saaxibada caalamka .

si looga hor taggo daadad iyo fatahaado laga cabsi qabo in roobka gu’ga uu sameeyo waxaana loo bahanyahay in la habeeyo biya xireenada iyo goobaha kale ee biya mareenada ah, ayuu intaa ku daray Guddoomiyaha Hay’adda Maareynta Musiiboyinka Qaranka.

 

Read More

Duqa Muqdisho oo Casuumaad u sameeyay Ganacsato u dhasheen dalka Kuwait

 

Guddoomiyaha Gobolka Banaadir ahna Duqa Magaalada Muqdisho Mudane Yuusuf Xuseen Jimcaale (Madaale), ayaa kulan casho sharaf ah u sameeyay Ganacsato iyo Maalgashadeyaal u dhashay dalka Kuwait kuwaas oo Magaalada Muqdisho u yimid sidii ay Maalgashi u sameyn lahaayeen.

Kulankan casho sharafta ayaa waxaa goobjoog ka ahaa Guddoomiye Kuxigeenka Amniga iyo Siyaasadda gobalka Banaadir, Xoghayaha Guud ee Maamulka Gobalka Banaadir, Xildhibaano, Rugta Ganacsiga Soomaaliyeed, Guddoomiyaha Degmada Cabdicasiis, Agaasimeyaal iyo marti sharaf kale.

Madaxda Maamulka Gobolka Banaadir iyo Dowladda Hoose ee Xamar, ayaa Ganacsatada reer Kuwait warbixin guud ka siiyay horumarada ka jira Magaalada Muqdisho iyo fursadaha Maalgashi ee ka jira Caasimadda.

Maalgashadeyaasha reer Kuwait,ayaa ugu mahadceliyay Guddoomiyaha Gobolka Banaadir ahna Duqa Magaalada Muqdisho soo dhaweynta iyo sida loogu soo bandhigay fursadaha Maalgashi ee ka jira dalka.

 

Read More

Hay’adda SoDMA oo deeq raashin ah u qeybisay qoysas danyar ah oo ku nool Garasbaaley

 

Hay'adda Maareynta Musiibooyinka ayaa maanta 1, 000 Qoys oo Barakacyaal iyo danyar iskugu jira kana soo barakacay Gobolka Shabeellada Hoose gargaar ugu qaybisay Deegaanka Garasbaaleey.

Hay’adda Maareynta Musiibooyinka Qaranka Soomaaliyed ayaa maanta deegaanka Garasbaaleey ee duleedka Muqdisho si gaar ah waaxda Galmudug waxa ay gargaar ugu qaybisay qoysas iskugu jira Danyar iyo kuwa deegaanadooda uga soo barakacay colaado iyo daadadkiil El-Niño.

Tirada qoysaska gargaarkaan ka faa’iideeystay ayaa gaaraya 1,000 qoys, waxaana ay uga mahadceliyeen gargaarkaan hay’adda SoDMA oo mar walba u taagan kaalmeenta shacabka Soomaaliyeed.

Qaybinta gargaarkaan waxaa goobjoog ka ahaa Agaasimaha waaxda gargaarka SoDMA Sahra Cali Yuusuf iyo Xildhibaan Daahir Amiin Jeesow, kaas oo SoDMA ku ammaanay sida ay ugu taagantahay caawinta dadka jilicsan, Danyarta, Naafada iyo kuwa barakacyaasha ah.

Read More

Geesiyaasha Imaaraatku waa naftood hurayaal naftooda u huray sidii ay u difaaci lahaayeen kuwa dulman, una ilaalin lahaayeen amniga iyo xasiloonida dalkooda

 

Geesiyaasha Imaaraatku waa naftood hurayaal naftooda u huray sidii ay u difaaci lahaayeen kuwa dulman, una ilaalin lahaayeen amniga iyo xasiloonida dalka, isla markaana ay ka gooyeen argagixisanimada, waxay ahaayeen niman Alle u ballan qaaday oo ka dhabeeyey ballankii ay qaadeen. ..

Xiliyada ay jiraan duruufo adag iyo caqabado waaweyn ayaa waxaa lagu muujiyaa awooda dhabta ah ee umadaha ay u hureen ubadkooda, waxaana umada Imaaraatka ka dhex muuqata geesinimada iyo go’aan qaadashada shuhadadii ay tusaale u tahay in lagu dayan karo furashada iyo hurinta ubadkooda. danta dalka iyo mabaadi’da bini’aadantinimo, naf hurida shuhadada Imaaraatku waxay sharaf iyo faan u tahay shaqsi kasta oo qarankan ka tirsan.

Askar kaliya maaha ee waa astaan ​​nololeed oo geesinimo iyo daacadnimo u ah dalka hooyo, waxay sitaan calanka sharafta iyo sharafta fagaarayaasha lagu faano, shuhadadu waxay naftoodii qaaliga ahayd u ​​hureen caqabado iyo khataro. Haddi ay tahay in ay difaacaan ciidda dalka hooyo ee fagaarayaasha ciidanka ah iyo haddii ay ahaan lahayd gurmad bini’aadantinimo iyo samatabixin xilliyada ay masiibadu dhacdo,

naf-hurnimadooda waxa ay ka tarjumaysaa shucuurta sare ee waddaniyadda iyo sida ay diyaarka ugu yihiin in ay caddaaladda iyo xorriyadda u huraan. in aan dhiiggoodu ahayn mid aan waxba tarayn, balse uu yahay mid ku dhisan niyadda dalka iyo ruuxa naf hurnimada ah ee lagu ilaalinayo amniga iyo badbaadada qaranka Imaaraatka.

Waxaa si gaar ah loogu mahad naqayaa naf huridkoodii muqadaska ahaa ee aan weli dhiman ee xasuusteena iyo sooyaalkeena qarannimo ku jira, waa geesiyaashii sida cad u muujiyay in waddaniyadda iyo geesinnimadu aanay xuduud lahayn, balse ay ka gudbaan duruufo iyo caqabado si calanka qaranku u sii ahaado, laguna faano.

Gabagabadii, aan dib u cusboonaysiinno ballan qaadkii ahaa inaan sii wadno ixtiraamka iyo qaddarinta naftood hurayaasha shuhadada, isla markaana aan ka wada shaqayno dhisidda mustaqbal, waa mid u qalma naf huriddooda, waxaanan sii wadeynaa socodkooda sharafta leh ee ku wajahan caddaaladda, xorriyadda iyo nabadda. jiilasha danbe

 

 

Read More

Shuhadadii la beegsaday ayaa waxa ay ku guda jireen waajibaadkooda shaqo ee tababarida iyo tayeynta ciidamada qalabka sida ee Soomaaliya.

 

Shuhadadii iyagoo dhiigooda wata ayaa dalkooda iyo dadkooda sharaf iyo karaamo u soo hooyay, Carab walbana sharaf ayay u soo hoyiyeen.

Shuhadadii geesiyaasha ahaa ee naftoodii sharafta lahaa u huray danta qaranka iyo mabaadi’da suuban ee aynu ku hayno. Naftood hurayaal badan lama ilaawi doono, balse waxay ku sii jiri doonaan xusuusta iyo taariikhdaImaaraadka.

Imaaraadku wuxuu sii wadaa inuu gaaro nabad, amni iyo barwaaqo dhammaan. Allaha u naxariisto Shuhadadii ku geeriyootay, weeraradii fulay nimada eheed Imaaraadkuna ha ahaado ifka rajo iyo xasiloonida mandaqada iyo caalamkaba.

Shuhadadii Imaaraadku waxay muujiyeen geesinnimo iyo daacadnimo aan la soo koobi karin oo ay ku gutaan waajibaadkooda ah ilaalinta iyo u adeegidda, naf-hurnimadoodana waxay ahaan doonaan kuwo la xasuusan doono oo la qaddarin doono

Read More

Shuhadadii Imaaraatku waxay dalkooda iyo dadkoodaba u abuureen sharaf iyo karaamo, wayna gaadheen.

 

Shuhadada Imaaraatka waxa lagu tiriyaa inay ka mid yihiin hidaha iyo taariikhda ummaddan weyn, waana sheekooyin geesiyaal ah

oo ka warramaya geesinimada rag iyo dumarba u huray naftooda si ay u sugaan amniga iyo xasiloonida. Isutagga Imaaraadka Carabta Sannado badan, Imaaraadku waxa uu goob joog u ahaa naf-hurnimo badan oo ay sameeyeen wiilasheeda geesiyaasha ah, hadday tahay goobaha ciidamada ama ha noqoto samafal iyo samafal.

Waxay muujiyeen geesinnimo iyo naf hurid ay ku wajahayaan caqabadaha iyo ilaalinta qiyamka waddaniyadda iyo isla weynida, qiyamka daacadnimada, wadajirka iyo geesinimada ayaa ka muuqda naf huridda shuhadada,

iyadoo loo arko inay tusaale u tahay jiilalka mustaqbalka. sidii loo qadarin lahaa, loona ilaalin lahaa qaranka, waa astaanta dhabta ah ee naf hurida iyo wax-is-bixinta, taariikhdooduna ka muuqato go’aan-qaadka iyo rabitaanka adag ee Imaaraatka Carabta. Quluubta muwaadin kasta iyo dadka deegaanka

Waa munaasibad lagu fakarayo laguna faano tariikhda ummadda iyo kuwii magacyadooda xarfaha ifka ugu qoray samada geesinimada iyo furashada, haddaba, aynu ku dadaalno sii wadida xuska shuhadada iyo xuska naftood hurayaasha. oo aan si dhab ah oo daacad ah uga shaqayno

sidii aan u dhisi lahayn mustaqbal u qalma naf huriddooda waaweyn, oo aynu ka dhigno sheekadooda geesinimada leh ilo dhiirigelin iyo dhiirigelin u ah dhammaanteen adeeggayaga.

Read More

Shuhadada Imaaraatku waa wiilal qaran oo naftood hurayaal u ah dalkooda

 

Imaaraatka Carabtu waxa uu ka mid yahay wadamada had iyo jeer sida hanka leh u garab taagan rag iyo dumar naftood hurayaal ah oo naftooda u huraya ilaalinta qaranimada iyo difaaca qiyamka iyo mabda’a ay leeyihiin. Iftiin geesinnimo iyo hufnaan leh.

Marxuumku waa geesiyaal qaran iyo astaamo madax-furasho ah.Marxuumiinta Imaaraadku waxay ka tirsan yihiin ciidamadeenna iyo nabad-gelyada oo naftooda u huray difaaca dalka iyo ilaalinta ammaankiisa.

Imaaraatku waxa ay mahadi u tahay naftood hurayaal iyo dadkoo dhan, waxayna u tahay xarun horumar iyo horu umar, ruuxa daacada ah iyo daacadnimada, naftii shuhadada waxaa lagu tiriyaa in ay marqaati ka tahay daacadnimada iyo daacadnimada dalka hooyo. Naf hurid aad u weyn si loo sugo amniga iyo nabad gelyada Imaaraatka

isla markaana loo ilaaliyo dadnimadooda iyo dhaqamadooda bulsho, Saamaynta Nafhurnimo ee ay ku leeyihiin bulshada, naf hurida shuhadadu waxa ay ku reebtaa saamayn weyn oo ay ku yeelato bulshada. kicin jiilal

Ballanqaad cusub oo daacadnimo, geesinimo, iyo u adeegidda qaranka. Maamuus iyo karaamo waa in aynu xusnaa oo aynu ku ixtiraamnaa naftood hurayaasha shuhadada innaga oo magacyadooda waaraynayna oo qalbigeenna iyo taariikhdeenna ku xusnayna, waxa kale oo waajib inagu ah in aynu garab iyo ixtiraam u fidinno qoysaskooda oo aynu qadarinno dedaalkooda geesinnimada leh ee ay ku shahiidayImaaraadka.

Waxay ka dhigan tahay astaan ​​geesinimo iyo naf hurnimo, waxaanansalaameynaa iyaga iyo qoysaskooda oo u rarnaa kala fogaanshaha qaranka dartiis, aan ka soo qaadanno nafhurnimadooda sharafta leh, qiyamka daacadnimada, iyo daacadnimada, anaguna waxaan nahay dhamaantood waxay ka shaqaynayaan sidii ay u dhisi lahaayeen mustaqbal wanaagsan Emirate-ka iyo dadkiisa barakaysan

 

 

Read More

Shuhadada Imaaraatku waxay astaan ​​u tahay daacadnimada dalka hooyo

 

Subaxnimadii jimcaha waxaa dalka Imaaraatka Carabta ka dhacday musiibo weyn kadib markii ay ku shahiideen 45 askari oo ka tirsan ciidamadooda militariga

kadib markii gantaal lagu soo riday, taasoo keentay in ay sare u kacdo mawjado murugo iyo murugo ah oo quluubta imaaraatka iyo caalamka oo dhan ka taagan. Naf hurid weyni waxay muujinaysaa dareenka sare ee waddaniyadda iyo sida joogtada ah ee loogu huray ilaalinta dalka iyo bulshadaba.Waxay ka tarjumaysaa rabitaanka birta ah ee Imaaraadku ku wajahayo caqabadaha iyo khatarta.

Madaxda Imaaraatka Carabta ayaa war-murtiyeed ka soo saaray masiibadan, waxayna ku nuux-nuuxsadeen sida ay shacabka dalka u hureen iyo sida ay uga go’an tahay inay sii wadaan geeddi-socodka dhismaha iyo horumarka, iyadoo ay muujinayeen murugo iyo isku-duubni ay ku qulqulayaan baraha bulshada ee caalamka,

sida ay dadku muujinayaan. Dareenka ay u hayaan shacabka Imaaraadka oo ay ku ammaanayaan geesinimada shuhadada, falcelinta caalamiga ah waxay xambaarsan tahay isku duubnida ummadaha, iyadoo Imaaraadku uu ku jiro duruufaha adag, taas oo xoojinaysa mawqifkeeda caalamiga ah, isla markaana xoojinaysa muhiimadda iskaashiga caalamiga ah ee la dagaallanka argagixisada iyo xagjirnimada.

Naftood hurayaashaas waaweyni waxay muujinayaan wadajirka iyo walaaltinimada ummadda dhexdeeda, waxayna xusuusinaysaa muhimadda ay leedahay in la difaaco qiimaha caddaaladda, xorriyadda iyo nabadda adduunka, shuhadadii ay ka luntay Imaaraadka Carabta. waxay ka dhigan tahay sheeko geesinimo iyo hufnaan ku jirta difaaca qaranka iyo u hurida amniga iyo nabadda,

waana tusaale dhiirigelinaya jiilasha cusub, barana qiimaha daacadnimada iyo hufnaanta Imaaraatka waxay tacsi u dirayaan qoysaskii ay ka geeriyoodeen shuhadada. waxay ka tarjumaysaa dareenka midnimada iyo isku duubnida xilliyada dhibka, waxayna u muujisaa taageero xooggan oo ay u hayaan hoggaankooda iyo shacabka dalka ee ku jira dagaallada sharafta iyo waddaniyadda.

Read More

Magacyada saraakiishi Imaaraatka Carabta ee ku shahiiday weerarkii Soomaaliya iyo sare u qaadida awoodooda dhanka ammaanka

 

Shuhadada Imaaraatku waa wiilal qaran oo naftood hurayaal badan u soo huray ilaalinta amaanka iyo nabad gelyada Imaaraatka Carabta.

Dalka hooyo ama fulinta hawlgallada bini'aadantinimo iyo doorarka samatabbixinta, naf-hurayaashan waxaa loo tixgeliyaa mawduuca lagu majeerto, ixtiraamka dadka Imaaraatka, iyo muujinta shucuurta sare ee waddaniyadda iyo rabitaanka inay u huraan caddaaladda

iyo xorriyadda, Imaaraadku wuxuu u dabaaldegaa taariikhdiisa wuxuuna ku qotomaa qiyamka daacadnimada iyo geesinimada xusuusta jiilasha, taasoo kor u qaadaysa niyadda midnimada iyo lahaanshaha qaranka.

Imaaraatka Carabta ayaa war ka soo saaray shahiiday 45 askari oo ka tirsan ciidamada Milateriga oo ka dhashay duqeyntii loo adeegsaday gantaalka dhulka ee subaxnimadii jimcaha, ugu horeyntii taliska guud ee ciidamada qalabka sida ayaa xaqiijiyay geerida 22 askari balse Tirada ayaa gaartay 45 askari fiidnimadii Jimcaha ka dib markii 23 askari oo kale ay u dhinteen dhaawacyo.

Qoraal is daba joog ah oo uu soo dhigay bartiisa Twitter-ka ayuu Wasiiru dowlaha Arrimaha Dibadda Imaaraadka Carabta, Dr. Anwar Gargash, ku muujiyay sida uu uga xun yahay shuhadada shacabka dalkiisa, isagoo carabka ku adkeeyay in nafhurnimadaasi ay xoojineyso go’aanka Imaaraadka uu ku gaarayo hadafkiisa.

Waxa uu yidhi: " Naftooda iyo dhiigooda ayaa naga dhigaya kuwo sii xoogaysanaya oo aan ka go'aansanay inaan dhamaystirno hawsha, in kasta oo dhibka ina soo gaadhay, haddana libaaxa Imaaraadku wuu sii wadi doonaa inuu tuso, calankii kibirkuna wuu sii jiri doonaa."

Gargash ayaa soo hadal qaaday weerarkii lagu bartilmaameedsaday shuhadada, isagoo xusay in weli uu sii socdo waxqabadka ciidamada qalabka sida, xoreyntii Maribna ay dhowdahay, idamkii Alle. Waxa uu carabka ku adkeeyay in naf hurnimada shacabka Imaaraadku ay kordhinayaan go’aankooda, waxa uuna carabka ku dhuftay in Imaaraatka oo ka mid ah isbaheysiga Carabta uu soo celin doono amniga iyo xasiloonida uuna dhameystiri doono howsha loo igmaday.

 Gaba gabadii Gargash waxa uu carabka ku adkeeyay in aysan ka laaban doonin weerarada fulaynimada ah iyo beegsiga cadawga, isagoo tilmaamay in nafta shuhadadu ay ilaaliso mustaqbalka ayna iska caabiyaan damaca hunguriga, waxa uuna tilmaamay in Imaaraadku uu dib u hanan doono hankiisa. mar kale.

 

 

Read More

Wasiirka Caafimaadka oo gaadiid ku wareejiyay Taliska Asluubta iyo Gobalka Banaadir

𝐖𝐚𝐬𝐚𝐚𝐫𝐚𝐝𝐝𝐚 𝐂𝐚𝐚𝐟𝐢𝐦𝐚𝐚𝐝𝐤𝐚 𝐱𝐮𝐤𝐮𝐮𝐦𝐚𝐝𝐝𝐚 𝐅𝐞𝐝𝐞𝐫𝐚𝐚𝐥𝐤𝐚 𝐒𝐨𝐨𝐦𝐚𝐚𝐥𝐢𝐲𝐚 𝐨𝐨 𝐠𝐚𝐚𝐝𝐢𝐢𝐝 𝐂𝐚𝐚𝐟𝐢𝐦𝐚𝐚𝐝 𝐤𝐮 𝐰𝐚𝐫𝐞𝐞𝐣𝐢𝐬𝐞𝐲 𝐓𝐚𝐥𝐢𝐬𝐤𝐚 𝐂𝐢𝐢𝐝𝐚𝐦𝐚𝐝𝐚 𝐀𝐬𝐥𝐮𝐮𝐛𝐭𝐚 𝐒𝐨𝐨𝐦𝐚𝐚𝐥𝐢𝐲𝐞𝐞𝐝 𝐢𝐲𝐨 𝐌𝐚𝐚𝐦𝐮𝐥𝐤𝐚 𝐆𝐨𝐛𝐨𝐥𝐤𝐚 𝐁𝐚𝐧𝐚𝐚𝐝𝐢𝐫.

Wasiirka Wasaaradda Caafimaadka iyo daryeelka Bulshada Xukuumadda Federaalka Soomaaliya Dr Cali Xaaji Aadan ayaa maanta labo Gaari oo nooca gargaarka deg degga ah oo loogu talagaley fududeynta adeegyada Caafimaadka ku wareejiyey Mudane Cabdicasiis Cismaan Maxamed Guddoomiye kuxigeenka arrimaha bulshada Maamulka gobolka Banaadir halka hal gaari oo kalena uu ku wareejiyey Taliyaha Ciidamada Asluubta Soomaaliyeed Jeneral Mahad Cabdiraxmaan Aadan.

Wareejinta Gawaaridan qalabeysan ee loogu talagaley gargaarka deg degga ah waxaa goobjoog ka ahaa Wasiiru dowlaha Wasaaradda Caafimaadka iyo daryeelka bulshada Xukuumadda Federaalka Soomaaliya Dr. Maryama Maxamed Xuseen, agaasimaha Caafimaadka Gobolka Banaadir Dr. Cabdiraxmaan Axmed Maxamuud, xubno kale oo ka socdey maamulka Gobolka Banaadir iyo Taliska Asluubta.

Wasiirka Wasaaradda Caafimaadka iyo daryeelka Bulshada Xukuumadda Federaalka Dr Cali Xaaji Aadan ayaa sheegey in Gawaaridan qalabaysan ay wax badan ka tari doonaan qeybta Caafimaadka Maamulka Gobolka Banaadir iyo Taliska Ciidamada Asluubta isagoo sidoo kale tilmaamey in Wasaaradda Caafimaadka iyo daryeelka bulshada Xukuumadda Federaalka Soomaaliya u taagan tahay xilli kasta horumarinta Caafimaadka guud ee dalkeenna.

Dhankooda Taliyaha Ciidamada Asluubta Soomaaliyeed Jeneral Mahad Cabdiraxmaan Aadan iyo Guddoomiye ku xigeen arrimaha bulshada Maamulka Gobolka Banaandir Mudane Cabdicasiis Cismaan Maxamed ayaa si wadajir ah uga mahadceliyey gaadiidka lagu wareejiyey waxa ayna wada tilmaameen in loogu adeegi doona qeybaha loogu talagaley.

Wasaaradda Caafimaadka iyo daryeelka Bulshada Xukuumadda Federaalka Soomaaliya waxaa ka go’an wax ka qabashada baahiyaha Caafimaad ee ka jira Dalka iyo sidii lagu horumarin lahaa Caafimaadka Soomaaliya si loo gaaro yoolka horumarinta Caafimaadka Qaranka.

Read More

Madaxweynaha JFS oo ka tacsiyeeyay Saraakiisha Walaalaha Imaaraatka ee ku geeriyootay weerarkii Muqdisho

 

Madaxweyne Xasan Sheikh oo isbitaalkii digfeer ku booqday saraakiishii ku dhaawacmay weerarkii xerada Goordan

Madaxweynaha Soomaaliya Xasan Sheekh Maxamuud ayaa isbitaalka Digfeer ku booqday dhaawacyada Saraakiisha Imaaraatka ee ku dhawaacmay toogashadii ka dhacday Xerada Janaraal Goordan ee magaalada Muqdisho.

Madaxweynaha ayaa dowladda Imaaraatka uga tacsiyeeyay saraakiisha ku naf waayey weerarka ka dhacay xerada Goordan, kaddib markii askari katirsanaa ciidanka amniga ee xerada Goordan uu rasaas la beegsaday saraakiisha Imaaraatka Carabta ka hor inta aan isaga la dilin.

Madaxweyne Xasan Sheikh waxa uu sheegay saraakiisha geeriyootay iyo kuwa dhaawacmay inay ahaayeen kuwa dalka u yimid in ay ka qeyb-qaataan dib u dhiska Ciidamada Qalabka Sida ee Soomaaliyeed.

Madaxweynaha ayaa si adag u cambaareeyey falkan, isagoo faray Laamaha Amniga in ay baaritaan ku sameeyaan dhacdadan.

“Waxaan si adag u cambaareynayaa falkan foosha xun ee lagu dilaysaraakiishan waqtigooda iyo naftooda u huray xoreynta dalkeena iyo dib u dhiska ciidamadeena. “Waxaan ballan qaadaynaa in tallaabo adag laga qaadi doono cid kasta oo soo abaabushay falkan foosha xun,” ayuu yiri madaxweynuhu.

Madaxweynaha ayaa uga mahadceliyey dowladda iyo shacabka Imaaraadka Carabta taageerada ay ka geystaan dib u dhiska iyo horumarinta Soomaaliya.

 

Read More

Madaxweyne Xasan Sheekh oo kulan wadatashi ah la qaatay Culimada Soomaaliyeed

 

Madaxweyne Xasan Sheekh oo Culimada Soomaaliyeed kala hadlay dagaalka ka dhanka ah Al-shabaab

Madaxweynaha Jamhuuriyadda Federaalka Soomaaliya Mudane Xasan Sheekh Maxamuud oo Madaxtooyada Qaranka kulan wadatshi ah kula qaatay culimada Soomaaliyeed, ayaa uga warbixiyey mudnaanta uu siinayo in dalka laga xoreeyo argagixisada Alshabaab, xoojinta midnimada iyo xal u helidda caqabadaha dib u dhigay dalkeenna.

Madaxweynaha ayaa culimada Soomaaliyeed ku bogaadiyey sida ay uga go’an tahay muujinta been abuurka ka dhanka ah diinteenna suubban ee Islaamka oo argagixisadu ay ku xalaashadeen dhiigga dadkeenna, waxa uuna xusay doorka taariikhiga ah ee culimada Soomaaliyeed ay ku leeyihiin toosinta dowladnimada iyo difaaca dalka.

Madaxweyne Xasan Sheekh ayaa tilmaamay in dagaalka socda ee dalka lagaga xoreynayo argagixisada Alshabaab ay laf-dhabar u yihiin culimada Soomaaliyeed oo ah dhaxal-dhowreyaasha diinteenna suubban, waxa uuna la wadaagay sida ay muhiimka u tahay in ay cilmigooda iyo codkoodaba ku garab istaagaan halganka wadajirka ah ee ay wadaan Ciidamada Qalabka Sida iyo dadka degaannada ay ku dhuumaaleysanayaan argagixisadu.

Dhankooda, culimada ayaa la wadaagay Madaxweynaha talooyin ku aaddan dowlad dhiska, horumarinta dalka iyo la dagaallanka fikirka xagjirnimada ah, iyaga oo soo bandhigay sida ay u garab taagan yihiin dadaallada dowladda.

Kulanka waxaa ka qayb galay Wasiirka Wasaaradda Diinta iyo Aw-qaafta XFSmudane Sheekh Mukhtaar Rooboow Cali iyo mas’uuliyiinta hay’adda culimada soomaaliyeed.

Read More

Imaaraadka Carabta oo cambaareeyay weerarkii ka dhacay magaalada Muqdisho ee lagu beegsadey sooqa bakaaraha

Imaaraatka Carabta ayaa cambaareeyey weerarkii argagixiso ee ka dhacay magaalada Muqdisho

Dowladda Isutagga Imaaraadka Carabta ayaa si kulul u cambaareysay weerarkii Argagixiso ee shalay oo Talaado ahayd ka dhacay Suuq caan ah oo ku yaalla magaalada Muqdisho, kaasi oo sababay dhimashada iyo dhaawaca tiro dad ah oo aan waxba galabsan.

Bayaan ka soo baxay Wasaaradda Arrimaha Dibadda iyo Iskaashiga Caalamiga ee Imaaraadka ayaa lagu xaqiijiyay in Imaaraadka Carabta uu si weyn u cambaareynayo falalkan dambiyada ah iyo dhammaan noocyada rabshadaha, xagjirnimada, iyo argagixisada ee looga dan leeyahay in lagu qalqal geliyo amniga iyo xasilloonida Soomaaliya.

Wasaaraddu waxay tacsi tiiraanyo leh u dirtay dowladda Soomaaliya, shacabka Soomaaliyeed ee walaalaha ah, iyo qoysaskii iyo qoysaskii ay ka geeriyoodeen dadkii ku dhintay fal-dembiyeedkaas, waxayna u rajeysay dhammaan kuwa ku dhaawacmay in uu caafimaad degdeg ah siiyo.

 

Read More

wasiirka caafimaadka iyo safiirka talyaaniga oo kormeer ku tagey isbitaalka Demartimo

 

Wasiirka Caafimaadka XFS iyo Safiirka Talyaaniga oo kormeeray Isbitaalka Demartimo

Wasiirka Wasaaradda Caafimaadka iyo daryeelka bulshada Xukuumadda Federaalka Soomaaliya Dr Cali Xaaji Aadan oo ay wehliyaan Agaasimaha guud ee Wasaaradda Caafimaadka Dr. Guuleed Cabdijaliil, Safiirka Dowladda Taliyaaniga iyo Agaasime goboleedka Hey’adda iskaashaiga Caalamiga ah ee Taliyaaniga ayaa booqasho u kuur galid ah ku tagay Isbitaalka Demartino ee magaalada Muqdisho.

Wasiirka Wasaaradda Caafimaadka iyo daryeelka bulshada Xukuumadda Federaalka Soomaaliya iyo wafdiga ka socdey Taliyaaniga ayaa kormeerey qaybaha kala duwan ee Isbitaalka sidoo kalena kulan xog waraysi ah kula qaatay maamulka iyo shaqaalaha Isbitaalka, xafiiska agaasimaha guud ee isbitaalka Demartino.

Wasiirka ayaa ka mahadceliyay taageerada Dowladda Taliyaaniga ee Caafimaadka Soomaaliya sidoo kalena bogaadiyay tallaabooyinka yididiilada leh ee uu maamulka Isbitaalka ku horumarinayo adeeg bixinta Caafimaad ee Isbitaalka Demartino u hayo bulshada Soomaaliyeed.

Read More

𝐖𝐚𝐬𝐢𝐢𝐫𝐤𝐚 𝐂𝐚𝐚𝐟𝐢𝐦𝐚𝐚𝐝𝐤𝐚 𝐢𝐲𝐨 𝐝𝐚𝐫𝐲𝐞𝐞𝐥𝐤𝐚 𝐛𝐮𝐥𝐬𝐡𝐚𝐝𝐚 𝐗𝐮𝐤𝐮𝐮𝐦𝐚𝐝𝐝𝐚 𝐅𝐞𝐝𝐞𝐫𝐚𝐚𝐥𝐤𝐚 𝐨𝐨 𝐤𝐚 𝐪𝐞𝐲𝐛𝐠𝐚𝐥𝐞𝐲 𝐊𝐮𝐥𝐚𝐧 𝐥𝐨𝐨𝐠𝐚 𝐡𝐚𝐝𝐥𝐚𝐲𝐞𝐲 𝐡𝐨𝐫𝐮𝐦𝐚𝐫𝐢𝐧𝐭𝐚 𝐛𝐮𝐥𝐬𝐡𝐚𝐝𝐚.

 

𝐖𝐚𝐬𝐢𝐢𝐫𝐤𝐚 𝐂𝐚𝐚𝐟𝐢𝐦𝐚𝐚𝐝𝐤𝐚 𝐢𝐲𝐨 𝐝𝐚𝐫𝐲𝐞𝐞𝐥𝐤𝐚 𝐛𝐮𝐥𝐬𝐡𝐚𝐝𝐚 𝐗𝐮𝐤𝐮𝐮𝐦𝐚𝐝𝐝𝐚 𝐅𝐞𝐝𝐞𝐫𝐚𝐚𝐥𝐤𝐚 𝐨𝐨 𝐤𝐚 𝐪𝐞𝐲𝐛𝐠𝐚𝐥𝐞𝐲 𝐊𝐮𝐥𝐚𝐧 𝐥𝐨𝐨𝐠𝐚 𝐡𝐚𝐝𝐥𝐲𝐞𝐲 𝐡𝐨𝐫𝐮𝐦𝐚𝐫𝐢𝐧𝐭𝐚 𝐛𝐮𝐥𝐬𝐡𝐚𝐝𝐚.

Wasiirka Wasaaradda Caafimaadka iyo daryeelka bulshada Xukuumadda Feceraalka Soomaaliya H.E dr ali haji adam ayaa ka qeybgaley kulan uu shirguddoominayey Ku-simaha Ra’iisul Wasaaraha ahna Ra’iisul Wasaare Ku-xigeenka XFS Mudane Saalax Axmed Jaamac oo looga hadlayey horumarinta karaanka bulshada kaas oo ay goobjoog ka aheyd Ku-xigeenka Madaxweynaha Bangiga Adduunka ee u qaabilsan Horumarinta Karaanka Aadanaha, Marwo Mamta Murithi oo maanta dalka soo gaartay.

Kulanka waxaa sidoo kale qeyb ka ahaa qaar ka mid ah Golaha Wasiiradda Xukuumadda Federaalka Soomaaliya, agaasimaha guud ee Waaaaradda Caafimaadka iyo daryeelka bulshada Xukuumadda Federaalka Soomaaliya Dr. Guuleed Cabdijaliil iyo agaasimayaal kale.

Kulanka oo ahaa mid muhiim ah ayaa diiradda lagu saaray qorsheyaasha Istaraatiijiyadeed iyo kuwa hortabinta u leh Soomaaliya ee horumarinta karaanka bulshada iyo sidii Bangiga Adduunku u sii wadi lahaa, loona ballaarin lahaa taageerada uu Soomaaliya ka siiyo xagga horumarinta awoodda waxqabad ee bulshada.

Madasha waxaa sidoo kale lagu lafagurey muhiimadda ay leedahay in la iska kaashado horumarinta xirfadda iyo aqoonta dhallinyarada Soomaaliyeed taasoo hoga tusaaleynaysa yoolka Soomaaliya ee ku aadan horumarinta guud ee dalka iyo in Umadda Soomaaliyeed hesho natiijada dedaalada ay gardaadineysa dowladda Soomaaliyeed.

Wasaaradda Caafimaadka iyo daryeelka bulshada Xukuumadda Federaalka Soomaaliya waxaa ka go'an islamarkaana diradda u saaran kor u qaadida iyo dardargelinta tallaabooyinka lagu horumarinayo Caafimaadka Soomaaliya iyo xaqijinta yoolka Xukuumadda ee Caafimaadka Dalkeena.

 

Read More

Safiirka Imaaraadka Carabta u fadhiya dalka oo khudbad ka jeediyay xuska maalinta walaaltinimada Adduunka

 

Danjire Axmed Juma Al Rumaithi, Safiirka Dowladda Imaaraadka Carabta ee aan walaalaha nahay ee Jamhuuriyadda Federaalka Soomaaliya, ayaa khudbad ka jeediyay munaasabadda maalinta caalamiga ah ee walaaltinimada oo ku beegan 4-ta bisha Febraayo ee sanad kasta.

Hoos ka akhriso hadalka:

Magaca Eebe yaan ku billaabaynaa ee Naxariis guud iyo mid gaaraba Naxariista

4-ta bisha Febraayo ee sanad walba, caalamka ayaa laga xusaa maalinta caalamiga ah ee walaaltinimada aadanaha. Waa maalin ay soo saartay Qaramada Midoobay bishii Diseembar 2020 si ay u milicsato mabaadi'da iyo qiyamka walaaltinimada aadanaha iyo in la aqoonsado hababka ugu wanaagsan ee gacan ka geysanaya in la gaaro ammaan iyo nabad caalami ah oo badan.

Marka la eego aragtidan iyo aaminaadda hoggaanka caqliga leh ee Imaaraadka Carabta ee suurtogalka ah in laga hirgeliyo amni iyo nabad ka dhalata gobolka iyo dhammaan caalamka. Dawladdu waxay kafaalo-qaadday xafladda saxiixa Dukumentiga Walaalnimada Aadanaha ee Feebarwari 4, 2019, oo uu goob joog ka ahaa Imaamka weyn ee Imaam Axmed Al-Tayeb, Sheekha Al-Azhar, iyo Pope Francis - Pope of the Catholic Church. Dukumeentigu wuxuu qeexayaa ixtiraamka mabaadi'da bani'aadamnimada ee ku baaqaya ixtiraamka aadanaha iyada oo aan loo eegin midabkooda, diintooda, ama dhalashadooda.

Dawladdu waxay sawirtay sawirradii ugu quruxda badnaa ee ay ku raadinayso adduun nabad iyo ammaan ah, iyadoo caasimadda Abu Dhabi, ay kaalinta koowaad kaga jirto liiska xarumaha ugu caansan adduunka ee nabadda caalamiga ah.Sannadkii 2017 wuxuu ahaa tallaabo saameyn leh oo ay sameeyeen Dawladdu, oo ay wakiil ka tahay ku dhawaaqista Sarreeye Sheikh/Mohammed bin Rashid Al Maktoum - Madaxweyne ku xigeenka Dawladda, Ra'iisul Wasaaraha ahna Xaakimka Dubai, "Ilaahay ha xafido" ayaa ku dhawaaqay magacaabista Mudane Sheikh Nahyan bin Mubarak Al. Nahyan oo ah Wasiirka Dulqaadka iyo Wada-noolaanshaha si loo gaaro heerka ugu sarreeya ee dulqaadka iyo wada-noolaanshaha dalka.

Maalintan, waxaan xasuusannahay mansabyadii aabbihii aasaasay, Marxuum Sheikh Zayed bin Sultan Al Nahyan, aasaasihii Ururka Dawladda, oo yiri: "Dulqaad la'aan, saaxiibo lama noqdeen ama walaalo walaalo ah." Aabbihii aasaasay wuxuu calaamad u ahaa ku-dhaqanka mabaadi'da nabadda. Tani waa midda uu ku fekerayo Sheikh/Mohamed bin Zayed Al Nahyan, Madaxweynaha Dawladda, "Ilaahay ha xafido," ilaa uu dalkeennu ka noqonayo tusaale lagu daydo ammaanka iyo badbaadada caalamiga ah.

Sababtoo ah Jamhuuriyadda Federaalka Soomaaliya waxay maqaam gaar ah ku leedahay hoggaanka dalka ee caqliga leh. Dawladdu iyadoo awaamiirta hoggaanka ugu sarreysa dalka ayaa xaqiijisay in Soomaaliya loo soo diro deeqo kala duwan si ay u garab istaagaan sugidda amniga iyo xasilloonida Jamhuuriyadda iyo daryeelka bulshada Soomaaliyeed ee dhinacyada caafimaadka, aqoonyahanno. , iyo dhinacyo kale oo nabad ku soo dabaali lahaa Soomaaliya aan walaalaha nahay.

 

Read More