Magaalada Nairobi ee caasimadda dalka Kenya waxaa maanta ka furmay shirka
hannaanka dib-u-eegista 5-aad ee barnaamijka deyn-cafinta Soomaaliya iyo
hey’adda Lacagta Adduunka ee IMF.
Shirkan ka furmay magaalada Nairobi ayaa inta uu socdo waxaa looga
doodi doonaa sare u qaadidda dakhliga gudaha, maaraynta Maamulka Maaliyadda
Guud (PFM) iyo nidaamka Dowlad Wanaagga.
Wasiirka Maaliyadda Xukuumadda Federaalka Soomaaliya, Dr. Cilmi Maxamuud
Nuur oo shirkaan si rasmi ah furay ayaa sheegay in ay muhiim tahay in fulinta
sharuudaha lagu heshiiyay, kicinta dakhliga gudaha iyo xoojinta hannaanka
Maamulka Guud ee Maaliyadda dalka (PFM).
Dowladda Soomaaliya ayaa dedaal badan ugu jirta sidii looga cafin lahaa
lacago badan oo deyn ah, waxa ayna dowladda buuxisay sharuudo badan ay horey
ugu xireen bangiga adduunka iyo hay’adda lacagta adduunka ee IMF.
Sheikh Nahyan bin Mubarak Al Nahyan, Wasiirka Dulqaadka iyo Wada-noolaanshaha,
ayaa shalay qasrigiisa ku qaabilay Maria Camilleri Kalia, Safiirka
Jamhuuriyadda Malta ee Imaaraadka, Aminath Shabina, Safiirka Jamhuuriyadda
Maldives u fadhiya UAE, iyo Mary Ndjika Obombo, Safiirka Jamhuuriyadda
Dimuqraadiga ah ee Congo u fadhiya Imaaraadka Carabta.
Intii uu socday kulanka ayaa waxaa looga hadlay xiriirka iskaashi ee labada dal
iyo sidii loo horumarin lahaa dhinacyo kala duwan, waxaana Sheekh Nahyan bin
Mubarak Al Nahyan uu safiirrada dalalka saaxiibka la ah isku weydaarsaday
arrimo dhowr ah oo heer gobol iyo heer caalami ah oo khuseeya danaha guud.
dadkoodana anfaca.
Sheikh Nahyan bin Mubaarak ayaa carabka ku adkeeyay in Imaaraatka Carabta oo uu
hogaaminayo Sheikh Mohammed bin Zayed Al Nahyan, Madaxweynaha Dowladda, Allaha
xafido, ay aad u daneynayaan in la fidiyo buundooyinka iskaashiga iyo xoojinta
xiriirka iskaashi ee ay la leeyihiin dalalka walaalaha ah iyo kuwa saaxiibada
ah ee saldhigoodu yahay. oo ku saabsan qiyamkeeda la aasaasay ee dulqaadka,
nabadda, wada noolaanshaha iyo wadajirka aadanaha si kor loogu qaado
xasilloonida iyo barwaaqada.
Sheikh Nahyan bin Mubarak Al Nahyan – intii uu socday kulanka – waxa uu
tilmaamay in Imaaraadku uu martigelin doono kal-fadhiga siddeed iyo labaatanaad
ee Shirweynaha Xisbiyada COP 28 dhammaadka sanadkan oo ka dhici doona magaalada
Dubai Expo City, si loo mideeyo dadaallada caalamiga ah ee lagu xaddidayo
cawaaqibka ka dhalan kara isbeddelka cimilada oo laga gudbo marxaladda
ballan-qaadyada loona gudbo hirgelinta si loo ilaaliyo meeraha jiilalka
mustaqbalka, oo ay ku jiraan Wax-ka-qabashada waaritaanka kobaca dhaqaalaha iyo
barwaaqada aadanaha.
Dhankooda, safiirrada dalalka saaxiibada ah ayaa ku nuux-nuux saday intii uu socday
kulanka inay dalalkooda jecel yihiin inay sare u qaadaan iskaashiga ay la
leeyihiin Imaaraadka Carabta ee dhinacyada kala duwan, iyagoo u rajeeyay
madaxda, dowladda iyo shacabka Imaaraadka inay sii wadaan horumarka iyo
barwaaqada, lagana gaaro guulo ilbaxnimo ah.
Waxay hambalyo u direen Imaaraadka Carabta iyo Marwo Sheekha Faadumo bint
Mubaarak, Guddoomiyaha Ururka Haweenka Guud, Guddoomiyaha Golaha Sare ee
Hooyada iyo Dhallaanka, Guddoomiyaha Sare ee Mu'asasada Horumarinta Qoyska,
"Hooyada Emirates",
Faadumo bint Mubaarak, Guddoomiyaha Ururka
Haweenka Guud, Guddoomiyaha Golaha Sare ee Hooyada iyo Dhallaanka, Guddoomiyaha
Sare ee Mu'asasada Horumarinta Qoyska, "Hooyada Emirates",
munaasabadda haweenka caalamiga ah. Maalinta, iyo guulaha dhaqameed ee haweenka
Imaaraatka oo muujinaya doorka muhiimka ah ee geeddi-socodka horumarka waara ee
waddanku ka markhaati kacayo dhinacyo kala duwan, waxay noqotay tusaale dhiirigelinaya
adduunka oo dhan.
Ra’iisul Wasaaraha Xukuumadda Federaalka Soomaaliya Xamza Cabdi Barre ayaa
shalay xafiiskiisa ku qaabilsay Danjiraha dowladda Denmark u fadhiya
Soomaaliya, Steen Sonne Andersen.
Ra’iiusl Wasaare Xamza iyo Danjire Andersen ayaa waxay ka wada-hadleen
xoojinta xiriirka labada dal ee Soomaaliya iyo Denmerk, sida lagu yiri qoraal
kasoo baxay xafiiska ra’iisul wasaaraha.
Mudane Xamza ayaa sidoo kale waxa uu Andersen kala hadlay sidii loo
ballaarin lahaa taageerada ay Denmark siiso Soomaaliya, gaar ahaan dhinacyad
Horumarinta, Dib-u-heshiisiinta, Xasillinta, Dowlad-wanaagga iyo Dhaqan-celinta
dadka ka soo laabta afkaarta xagjirnimada ah.
Shantan arrimood ayaa muhiimad gaar ah u leh dowladda, xilli ay dagaal
culus kula jirto kooxda Al-Shabaab, kaasi oo tan iyo markii uu billowday lagu
xoreeyay deegaano horleh oo sanado badan ay gacanta ku haysay kooxda.
Danjire Steen Sonne Andersen ayaa ra’iisul wasaaraha la wadaagay sida ay
uga go’an tahay dowladdiisu xoojinta taageerada Soomaaliya, si loo xaqiijiyo
nabadda iyo horumar waara.
Ra’iisul Wasaare Xamza ayaa dhankiisa uga mahad-celiyey dowladda Denmark
taageerada ay la garab taagan tahay dowladda iyo shacabka Soomaaliyeed.
Danjiraha Andersen ayaa ugu dambeyntiina waxa uu ra’iisul wasaare Xamza
Cabdi Barre uga mahad-celiyay soo dhaweynta uu ugu sameeyay xafiiskiisa, isaga
oo ku amaanay dadaallada ay waddo xukuumaddiisa.
Madaxweynaha Soomaaliya Mudane Xasan Sheekh Maxamuud ayaa shaaciyay inay ka
go’an tahay sidii usoo saari lahaayeen khayraadka dalkeena, kaasi oo uu sheegay
in loo marayo wadiiqo u wada faa’iidaynaysa dadka iyo awoodda qaranka.
Madaxweynaha oo khudbad ka jeediyay Madasha 5-aad ee QM ee dalalka soo
koraya ee ka qabsoomtay magaalada Doha ee dalka Qatar ayaa waxa uu sheegay in
Soomaaliya ay tahay dalka qani ku ah khayraadka, islamarkaana ay durba si
firfircoon uga shaqeynayaan qorshayaashii ay Soomaaliya ku gaari laheyd
barwaaqo.
Ka Soomaaliya ahaan waxaa naga go’an sidii aan u soo saaran lahayn
khayraadkeenna una gaari lahayn barwaaqo annagoo u marayna wadiiqo u wada
faa’iidaynaysa dadkeenna iyo awoodda qarankeenna. Waxa aan durba si firfircoon
uga shaqeyneynaa barnaamijka dib u habaynta dhaqaalaheenna qaranka si aan
u gaarno dayn cafinta, marka aan yoolkan gaarnana, waxa aan doonaynaa in aan ku
tiirsanaanno cududdeenna si aan qaran ahaan ganacsi u samayno si aan barwaaqo u
gaarno,” ayuu yiri.
Sidoo kale waxa uu tilmaamay in Soomaaliya ay leedahay mid ka mid ah
xeebaha ugu dheer adduunka, dhul carrasan ah oo beerista ku habboon oo looga
faa’iidaysan karo beeraha iyo xoolaha, iyo sidoo kale dhaqan xooggan oo ganacsi
oo dadka Soomaaliyeed ganacsi alaab iyo adeegba ay isaga kala gooshaan gobolka
iyo adduunka.
Waxaa jirta fursad wayn oo si hal-abuurnimo leh oo waxbarasho iyo fursad
abuuris lagu siin karo dadka oo dhan oo ay ku jiraan dhallinyarada, gabdhaha
iyo haweenka haddii aan majaraha u qaban karno fursadaha uu leeyahay dalkeenna
iyo tamarta hal-abuurnimo ee dadkeenna annagoo sii kordhinayna abaabulka
khayraadka gudaha, maaraynta maaliyadda dadweynaha iyo dowlad wanaaggan.”
Madaxweynaha ayaa sidoo kale waxa uu sheegay in iskaashiga Soomaaliya yahay
mid samaynaya horumar la taaban karo, taasi oo uu xusay in sabab u tahay
dadkeeda firfircoon ee adkaysiga og iyo bah-wadaagta caalamiga ah, oo iyagu sii
wada inay sii garab taagnaadaan xilli Soomaalida ay ku dadaalayso sidii ay ku
gaari lahayn mustaqbal ka fiican kan maanta.
Sababahan awgood, waxaan ku baaqayaa in la sii xoojiyo iskaashiyada wax ku
oolka ah ee looga gol leeyahay in lagu gaaro natiijooyin wax ku ool ah,” ayuu
yiri madaxweyne Xasan Sheekh Maxamuud.
Ugu dambeyntiina waxa uu soo jeediyay in badbaadada bulsheed ee caalamka
aysan noqon wax siin oo kali ah, balse ay noqoto fursado abuuris si loo gaaro
is-sharfid, karaamo iyo isku filnaansho kuwaas oo sii dhisaya khayraadkii
bulsheed ee horey u jiray iyo adkaysiga.
Liverpool ayaa xasuuq kubadeed u geystay United oo ay ku garaaceen 7 gool
oo nadiif ah ka dib ciyaar hal dhinac aheyd, waana xasuuq waligood reer United
iloobi doonin
Biloowgii , Labada koox waxa ay muujiyeen awood inkastoo United nasiinada
loogu diray hal gool uu saxiixay Gakpo
Qeybta hore Liverpool iyaga ayaa ku badnaa kubad haysashada halka Unitedhalis ku ahaayeen halis gilinta goosha kooxda Klopp
Liverpool waxa ay muujiyeen daafac wada jir ah xitaa Saalah ayaa qeyb ka
ahaa shaqadaas , waxaana United daqiiqadii 41-aad laga diiday gool uu dhaliyay
Casemiro sababo la xariirta Offside
United sida kale ma xumeyn kaliya afka hore ayaa si u dabacsanaa , Antonay
habeenkiisa ma aheyn halka Dalot isna xaalka ku xumaa
Soo laabashadii , Liverpool durba gool labaad ayay heleen waxaana saxiixay
Nunes waxa ayna taasi xaalka ku xumeysay United waxa ayna aheyd
daqiiqadii 43-aad
Ka dib dhacadaas , United maamulka qadka dhexe ayaa laga wareegay waxaana
ka dhacayay qaladaad ay ku qasaarinayeen kubadda taasi oo keentay in gool
sedexaad uu dhaliyo Gakpo
Hal dhinac ayay ciyaarta noqotay , wiilasha Ten Hag is dhiibeen ,
dhibka uu weyn waxa uu aha ain kubadda durba cagtooda ka baxeysay iyadoo qalad
kale ay galeen uu ka faa`ideystay Salah oon gool cajib oo hal taabasho ku
toogtay goosha De Gea taasi oo ciyaarta ka dhigtay 4 daqiiqadii 66-aad
United habeenkeeda ma aheyn , Liverpool is fahan iyo dar dar cadaadis leh
ayay ciyaarayeen , daafaca Ten Hag waa liitay gool 5-aad ayaana lagu helay
daqiiqaddii 75-aad mar kale waxaa dhaliyay Nunez .
Si waliba , ceeb kubadeed ayaa muuqaneysay oo goolal dheeraad ah ayay
rabeen Liverpool ilaa Salah uu dhaliyay kii lixaad daqiiqadii 83-aad
Si waliba , Liverpool intaas kuma joogsan gool 7-aad ayay dhaliyeen waxaana
saxiixay Firminho dhamaadkii ciyaarta waxaana loogu dhameeyay 7 gool .
Wasiirka Gaashaandhigga Xukuumadda federaalka Soomaaliya Mudane
Cabdulqaadir Maxamed Nuur (Jaamac) ayaa maanta la kulmay Safiir ku-xigeenka
safaaradda Boqortooyada Ingiriiska ahna sii hayaha safaarada Ed Barnett.
Labada mas’uul ayaa ka wada hadlay xoojinta xiriirka saaxiibtinimo ee
labada dal, iyadoo Wasiirku uu uga warbixiyay Safiirka xaaladda guud ee dalka
iyo howlgallada dalka looga ciribtirayo khawaarijta, kaasi oo guulo waa weyn
laga gaaray.
Wasiirka Gaashaandhigga ayaa uga mahadceliyay UK kaalinta ay ka qaadato
doorka ku aaddan taageerada ay siiyaan Ciidanka Xoogga Dalka.
Safiir ku-xigeenka Safaaradda Boqortooyada Ingiriiska ayaa bogaadiyay
howl-gallada guud ahaan Dalka looga xoreynayo kooxaha Khawaarijta, waxa uuna
xusay in Boqortooyada Ingiriiska ay kaalin mug leh ka qaadato taageerada
Soomaaliya iyo sidii cunaqabateynta hubka saaran looga qaadi lahaa.
.jpeg)
