Madaxweynaha Jamhuuriyadda Federaalka Soomaaliya Mudane Xasan Sheekh
Maxamuud oo booqday xarunta Al-Azhar Al Shariif ee Magaalada Qaahira ayaa la
kulmay Sheekh Axmed Maxamed El-Tayeb oo ah Imaamka Al-Azhar,
iyagoo ka wada hadlay ahmiyadda dagaalka fikirka ee ka dhanka ah
Khawaarijta Alshabaab iyo xaaladda kumannaanka arday ee wax ka barata
Jaamacadda iyo Xarumaha Al-azhar.
Madaxweynaha oo sheegay sida ay Soomaaliya uga go’an tahay in lasii xoojiyo
hirgelinta macaahid diini ah iyo xarummo lagu wajaho fikirka xagjirnimada ayaa
ku marti-qaaday Sheekh Axmed Al Tayib in uu booqasho ku yimaado Soomaaliya si
uu u soo arko horumka iyo miro-dhalka dowladnimada Soomaaliya.
Dhankiisa, Sheekh Axmed Maxamed El-Tayeb oo Madaxweynaha uga mahadceliyey
booqashada ayaa aqbalay casuumadda, waxa uuna si adag u cambaareeyey
Faragelinta ay dowladda Itoobiya ku sameysay Madax bannaanida iyo midnimada
Jamhuuriyadda Federaalka Soomaaliya, isaga oo xusay in loo baahan yahay in si
wadajir ah looga difaaco cid kasta oo ku soo xadgudubta.
War ka soo baxay Wasaaradda Arrimaha Dibadda Dalka Imaaraadka ayaa lagu
sheegay in Imaaraadka carabta uu si buuxda u garab taagan yahay dowladda iyo
Shacabka Soomaaliyeed
isla markaana uusan marnaba raali ka ahayn in lagu xad gudbo
madaxbanaanideeda sida uu ku dhawaaqay Wasiiru dowlaha arrimaha dibadda dalkaas
Khalifa Shaheen Almarar ayaa ka qeyb galay kulan aan caadi ahayn oo
maalinimadii shalay u qabsoomay Wasiirada arrimaha dibadda Jaamacadda Carabta .
Kulankaan oo ahaa mid muuqaal ah ayaa daba socda codsi ka yimid
Jamhuuriyadda Federaalka Soomaaliya,waxaana lagu falanqeynayay waxyaabihii u
dambeeyay ee ku soo kordhay xidhiidhka Soomaaliya iyo Itoobiya, iyo saamayntii
ka dhalatay heshiiskii is-afgarad ee dhexmaray Itoobiya iyo Somaliland.
Intii uu socday kulanka, wasiiru dowlaha ayaa caddeeyey in ay taageersan
yihiin madaxbannaanida iyo midnimada dhuleed ee Soomaaliya, isagoo ku
celceliyey in ay garabtaagan yihiin dowladda Jamhuuriyadda Federaalka ah ee Soomaaliya.
Mr Khalifa Shaheen Almarar oo sii wata hadaladiisa ayaa tilmaamay in
dalalka Carabtu ay isku raacsan yihiin gacansiinta dowladda Soomaaliya iyo wax
kasta oo ay u arkaan in ay lagama maarmaan u yihiin arrimaha Soomaaliya.
Madaxda Hay’adaha SoDMA iyo NIS Foundation oo kala saxiixday heshiis is
afgarad ah
Hay’adda Maareynta Musiibooyinka Qaranka iyo Hay'adda NIS Foundation ayaa
Maanta Heshiis is afgarad ah kuwada Saxiixay Xarunta Dhexe ee Hay’adda SoDMA.
Heshiiskaan ay gareen Labada hay’addood waxay iska kaashan doonaan hawlo
kala duwan oo khuseeya Arrimaha Cimilada, u adkaysiga aafooyinka, In laga wada
shaqeeyo Sugnaanta Cunadda (food security), Arimaha ilaalinta deegaanka, Isku
xirka arrimaha gargaarka deg-degga ah iyo xalalka waara.
Guddoomiyaha Hay’adda SoDMA Mudane Maxamuud Macallin Cabdulle iyo
Agaasimaha hay'adda NIS Foundation Qaasim Gabow Ducaale ayaa Qalinka Ku jiiday
heshiiskan is afgarad, kaas oo wax badan ka tari doono Maareynta Masiibooynka
iyo xalalka waara.
Ra’iisul Wasaare Xamza Cabdi Barre ayaa xafiiskiisa ku qaabilay Danjiraha
Dowladda Isku-tagga Imaaraadka Carabta u fadhiya Soomaaliya Axmed Juma Al
Rumaithi, iyaga oo ka wada-hadlay xoojinta xiriirka iyo iskaashiga ka dhaxeeya
labada dal ee Soomaaliya iyo Imaaraadka Carabta.
War saxaafadeed ka soo baxay xafiiska Berri ayaa lagu yiri “Ra’iisul
Wasaaraha Xukuumadda Federaalka ah ee Soomaaliya, Mudane Xamza Cabdi Berri,
ayaa xafiiskiisa ku qaabilay Safiirka Isu-tagga Imaaraadka Carabta ee
Soomaaliya Mudane Axmed Juma Al Rumaithi.”
Warku wuxuu intaa ku daray in Ra’iisul Wasaaraha iyo Safiirka ay ka wada
hadleen xoojinta xiriirka iyo iskaashiga ka dhaxeeya Soomaaliya iyo ImaaraadkaCarabta.
Dalka aan walaalaha nahay ee Imaaraatka Carabta waxa uu Soomaaliya ku
leeyahay door sharaf leh oo wanaagsan, taasi oo ka tarjumaysa xoojinta xiriirka
wanaagsan ee ka dhaxeeya labada dal ee walaalaha ah, kaasoo lagu tilmaamo mid
soo jireen ah oo soo jireen ah oo soo jireen ah.
Imaaraadku wuxuu ka qayb qaataa mashaariic badan oo bini'aadantinimo iyo
horumarineed oo uu ka fuliyo Soomaaliya. Kaas oo faa’iido u leh ummadda
Soomaaliyeed; Marka laga soo tago xiriirka diblumaasiyadeed ee ka dhaxeeya
labada dal oo horumar la taaban karo ka gaaray mudooyinkii u dambeeyay, waxaana
daliil u ah booqashooyin rasmi ah, howlo diblumaasiyadeed iyo kulamo iyo
heshiisyo ay kala saxiixdeen.
Wasiirka Wasaaradda Caafimaadka iyo daryeelka bulshada Xukuumadda
Federaalka Soomaaliya H.E Dr. Ali Haji Adam, ayaa daah furey Munaasabadda
Hanaanka casriga ah ee diiwaan gelinta xogta Tallaalka Soomaaliya.
Munaasabadda waxaa ka soo qeygaley Agaasimaha guud ee Wassaaradda
Caafimaadka iyo daryeelka bulshada Xukuumadda Federaalka Soomaali Dr. Guuleed
Cabdijaliil, xubno ka socdey Wasaaradaha Caafimaadka Dowlad Goboleedyada iyo
Gobolka Banaadir, ku simaha Hey’adda Caafimaadka adduunka(WHO), Dr. Sandani iyo
xubno kale, koox farsamo oo ka socotay HISP Tazania, Save the Children, IRC,
Ururka dhaqaatiirta Soomaaliyeed, Khuburo Caafimaad, iyo marti Sharaf kale.
Barnaamijkaan, ayaa ah mid muhiim u ah xogta Caafimaadka dalkeena iyo
Tallaalka Ubadka, waxa uuna sahli doonaa in xogta Tallaalka loo helo si fudud
oo tixraac leh, iyadoo la marayo hanaanka Istaraatiijiyadda loo qorsheeyey
barnaamijkan cajiibka ah, waxa uuna qeyb ka yahay hiigsiga horumarinta
Caafimaadka guud ee dalkeena si loo gaaro yoolka fog ee ku aadan casriyeynta
Caafimaadka Soomaaliya.
Munaasabadda, ayaa lagu soo bandhigey daraasado laga sameeyey muhiimadda uu
lee yahay Hanaankan casriga ah ee diiwaan gelinta xogta Tallaalka iyo
faa’idooyinka uu si gaar ah ugu lee yahay bulshadeena, maadaama hanaanku yahay
mid lagu kalsoonaan karo dhinaca ururinta xogta iyo meelaha sida gaarka ah
loogu baahida qabo taasoo soo afjareysa xog hubanti la’aan ah iyo in la kala
garan waayo Caruurta Tallaalka qaadatey iyo kuwa aan qaadan.
Wasaaradda Caafimaadka iyo daryeelka bulshada Xukuumadda FederaalkaSoomaaliya waxa ay xoogga saaraysaa islamarkaana ka go’an in dalkeenu gaaro
isku filnaasho dhinaca Caafimaadka ah iyo sidii dhammaan dadka ka shaqeeya
qeybta Caafimaadka Soomaaliya ay u heli la haayeen khibrad dheeri ah si ay u
daboolaan baahiyaha Caafimaad ee dalkeena ka jirta.
๐๐๐ฌ๐ข๐ข๐ซ๐ค๐
๐๐๐ฌ๐๐๐ซ๐๐๐๐
๐๐๐๐๐ข๐ฆ๐๐๐๐ค๐
๐ข๐ฒ๐จ
๐๐๐ซ๐ฒ๐๐๐ฅ๐ค๐
๐๐ฎ๐ฅ๐ฌ๐ก๐๐๐
๐๐ฎ๐ค๐ฎ๐ฎ๐ฆ๐๐๐๐
๐
๐๐๐๐ซ๐๐๐ฅ๐ค๐
๐๐จ๐จ๐ฆ๐๐๐ฅ๐ข๐ฒ๐
Dr. Ali Haji Adam ๐๐ฒ๐๐
๐ ๐ฎ๐๐๐จ๐จ๐ฆ๐๐ฒ
๐๐๐๐ช
๐ ๐๐๐๐ข๐ข๐
๐๐ก
๐จ๐จ
๐ฅ๐จ๐จ๐ ๐ฎ
๐ญ๐๐ฅ๐๐ ๐๐ฅ๐๐ฒ
๐ ๐๐ซ๐ ๐๐๐ซ๐ค๐
๐๐๐
๐๐๐
๐๐ก
๐ญ๐๐๐ฌ๐จ๐จ
๐ค๐
๐ญ๐ข๐ฆ๐ข๐
๐๐๐ฅ๐๐๐ง๐๐๐
๐๐ฎ๐ฆ๐๐๐ง.
Munaasabada lagu gudoomayey deeqda Gaadiidka ah waxaa goob joog ka ahaa
Wasiiru dowlada Wasaaradda Caafimaadka iyo daryeelka bulshada Xukuumadda
Federaalka Soomaaliya Dr. Maryama Maxamed Xuseen, Agaasimaha Guud ee Wasaaradda
Caafimaadka Dr. Guuleed Cabdijaliil, xubno ka socdey Hey'adda WHO, Qunsulka
Soomaaliya ee Saldanada Cumaan iyo qaar ka mid ah Agaasime waaxeedyada
Wasaaradda.
Gawaaridan noocoodu yahay Ambulance-ka ayaa tiradoodu gaareysa 10 Gaari
iyadoo loogu adeegi doono bulshada Soomaaliyeed waxeyna qeyb ka yihiin
dalabaadka Wasaaradda Caafimaadka iyo daryeelka bulshada Xukuumadda Federaalka
Soomaaliya si muwaadiniinteenu u hellaan gar gaar deg deg ah xilli kasta oo ay
suurtagal tahay in loo baahdo.
Wasiirka Wasaaradda Caafimaadka iyo daryeelka bulshada Xukuumadda
Federaalka Soomaaliya Dr. Ali Haji Aden ayaa Saldanada Cumaan ugu mahadceliyey
deeqdan ay soo gaarsiiyeen iyo dedaalada joogtada ah ee ay la garbtaagan yihiin
walaalahooda Soomaaliyeed ee ku jira soo kabasho dhanka horumarka ah.
Wasaaradda Caafimaadka iyo daryeelka bulshada Xukuumadda Federaalka
Soomaaliya waxaa ka go'an islamarkaana diradda u saaran kor u qaadida iyo
dardargelinta tallaabooyinka lagu horumarinayo Caafimaadka Soomaaliya iyo
xaqijinta yoolka Xukuumadda ee Caafimaadka Dalkeena.
.jpeg)
