Safiirka cusub ee dowladda Imaaraadka Carabta ay u soo magacawday
Jamhuuriyadda Federaalka Soomaaliya, Axmed Juma Al Rumaithi, ayaa maanta oo
Arbaco ah soo gaaray magaalada Muqdisho ee caasimadda Soomaaliya.
Waxaa Garoonka Diyaaradaha Aadan-Cuday ee Magaalada Muqdisho ku soo
dhaweeyay Agaasimaha Waaxda Habmaamuuska ee Wasaaradda Arrimaha Dibadda iyo
Iskaashiga Caalamiga, Mudane Xirsi Xaaji Alsu, ahna Xubin ka tirsan Safaaradda
Imaaraadka Carabta – Saif Ali Rishash.
Imaatinka Safiirka Dowladda Imaaraadka Carabta ee aan walaalaha nahay ee
Jamhuuriyadda Federaalka Soomaaliya ayaa cadeenaayo Xiriirka laba geesoodka ah
ee Soomaaliya iyo Imaaraatka Carabta in uu yahay mid soo koraya oo soo
hagaagaya dhinacyo kala duwan
Xiriirka Imaaraadka iyo Soomaaliya ayaa soo hagaagaya tan iyo markii Dr.Xasan Sheekh Maxamuud loo doortay Madaxweynaha Soomaaliya May 15, 2022 AD kadi
markii uu maatey soo gaarey Safiirka Dowladda Imaaraadka xaasimada muqdisho
Waxaa xusid mudan in xiriirka laba geesoodka ah ee Soomaaliya iyo
Imaaraatka Carabta uu yahay mid horumarsan oo soo hagaagaya dhinacyo kala duwan
oo danta guud ah, gaar ahaan tan iyo markii Dr. Xasan Sheekh Maxamuud loo
doortay Madaxweynaha Soomaaliya May 15, 2022, waana markii ugu horeysay socdaalka
dibadda ee Imaaraadk
War saxaafadeed ka soo baxay Faransiiska ayaa xaqiijiyay, maanta oo Arbaco ah,
in xiddiga reer Senegal ee Sadio Mano, Bayern Munich, uu seegi doono KoobkaAdduunka, sababo la xiriira dhaawac.
Mane ayaa lagu qasbay inuusan dhameystirin kulankii ay kooxdiisu la ciyaartay
Werder Bremen, shalay oo Talaado ahayd, garoonka Allianz Arena, ee wareegga
14-aad ee horyaalka Jarmalka.
Ku dhawaad 20 daqiiqo markii ay ciyaarta socotay, Mane ayaa ka cawday xoogaa
xanuun ah, tababare Julian Nagelsmann ayaana ku qasbanaaday inuu xilli hore
beddelo.
Sida laga soo xigtay wargeyska Faransiiska, L'Equipe , Mane ayaa durba
la ildaran dhaawac culus oo muruqa ah.
Wargeysku waxa uu intaa ku daray in la filayo in Mane uu garoomada ka maqnaan
doono muddo dhawr toddobaad ah, sidaas darteedna aanu ka qayb geli doonin
ciyaaraha Koobka Adduunka ee Qatar.
Tababaraha Senegal Aliou Cisse ayaa lagu wadaa inuu ku dhawaaqo liiska
ciyaartoyda u safri doona Qatar Jimcaha soo socda.
Halka madaxweynaha xiriirka kubada cagta Senegal, Augustin Senghor, uu muujiyay
walaaciisa ku saabsan dhaawaca xiddiga Teranga Lions.
"Bal qiyaas in Faransiisku lumin doono dadaalka (Karim) Benzema, waxaan ka
walaacsanahay warka aan helnay fiidnimadii shalay," Senghor ayaa u sheegay
AFP.
“Waxaan sugeynaa la tashiyada shaqaalaha caafimaadka (Bayern Munich) iyo
ogeysiin rasmi ah oo kooxda ka imaanaya, waa inaan sugnaa xogta saxda ah ee aan
ka helno kooxda lafteeda,” ayuu raaciyay.
Saraakiisha Senegal ayaa isku dayay inay xaalada Mane wax ka weydiiyaan dadka
ku dhow dhow, waxayna jawaabtu noqotay inay sugaan waxa ay kooxdiisu ka odhan
doonto.
“Isagu waa xiddigeena, kooxda uu Sadio Mane ku jiro ama ka maqan yahay isku mid
maaha, laakiin waan la qabsan doonaa,” Senghor ayaa hadalkiisa raaciyay.
Senegal ayaana neefta iska ceshatay ka dib markii Mane uu ku dhaawacmay
ciyaartii ay kooxdiisu la ciyaartay Werder Bremen 21 daqiiqo ka dib, sidaa
darteed madaxweynaha dalkaas ayaa soo daabacay bartiisa twitterka isagoo leh,
“Sadio, waxaan kuu rajaynayaa soo kabasho sida ugu dhakhsaha badan ee
suurtogalka ah ka dib dhaawacaagii Bayern intii lagu jiray. Ciyaarta
Munich-Bermen, sidaan kuu sheegay: Sadio, Lionheart! Qalbigeyga oo dhan ayaan
kula joogaa: Ilaahay ha ku barakeeyo."
Madaxweynaha Jamhuuriyadda iyo khuburada cimilada Soomaaliyeed ee ku
wehelisa Shirka COP-27 ayaa la wadaagay Madaxda Caalamka, saameynta xooggan ee
isbeddelka cimiladu ay ku yeelatay nolasha dadka Soomaaliyeed iyo qorsheyaasha
Dowladdu ay kula taacaleyso abaaraha, nabaad-guurka iyo fataahadaha oo ka mid
ah saameynta isbeddelka cimilada.
Wasiirka deegaanka ee xukuumadda federaalka Soomaaliya, Khadiija Makhzoumi,
ayaa xaqiijisay in Soomaaliya ay ka mid tahay dalalka ay sida weyn u saameysay
isbeddellada cimilada.
Wasiirka deegaanka Soomaaliya oo hadda ka qeyb galaya shir madaxeedka
Cimilada ee ka socda dalka Masar ayaa sheegay in fatahaadaha iyo kulaylka sii
kordhaya ee Soomaaliya ay u baahan yihiin in aan magdhow ka bixinno khasaarihii
ka dhashay is bedelka cimilada ee ka dhacay dalkaasi. aduunka.
Wasiir Makhzoumi ayaa hadal ay siisay Channel-ka wararka ee Qaahira waxay
ku dartay: Waxaan joognaa shirkii 27-aad ee Cimilada oo uu martigeliyay Sharm
El-Sheikh, si aan khibradaha isku dhaafsano, waxaana ka qayb-galnay
shir-madaxeedka Cimilada, sababtoo ah shirkan muhiimad gaar ah ayuu u leeyahay
Soomaaliya, gaar ahaan maadaama uu shirkani yahay mid muhiim ah. dal Afrikaan
ah.
Madaxweynaha Jamhuuriyadda Federaalka Soomaaliya, Mudane Xasan Sheekh
Maxamuud iyo wafdi uu hoggaaminayo ayaa gaaray magaalada Sharma Sheekh si ay
uga qeyb galaan shirka cimilada adduunka.
Madaxweynaha iyo khubarada cimilada ee la socota ayaa la filayaa in ay
madaxda caalamka uga warbixiyaan saameynta xoogga leh ee isbedelka cimiladu ay
ku yeelatay nolosha dadka Soomaaliyeed iyo qorshayaasha dowladda ee wax ka
qabashada abaaraha, fatahaadaha iyo dhibaatooyinka kale ee ka dhalan kara
isbedelka cimilada.
Madaxweynaha Masar C/fataax Al-Siyaasi oo kulan la qaatay Madaxweyne Xasan
Sheekh oo barbar socday shir madaxeedka dalalka Carabta ee ka dhacay dalka
Aljeeriya, ayaa ballan qaaday inuu indhaha caalamka ku soo jeedin doono
saameynta isbeddelka cimilada ee Soomaaliya inta uu socdo shirka uu dalkiisa
martigelinayo.
Wafdiga Madaxweyne Xasan Sheekh ayaa xaley ka ambabaxay Muqdisho, waxayna
gaareen magaalada uu shirkaasi ka furmayo ee Sharma Sheekh, halkaas oo ay ku
soo dhaweeyeen masuuliyiin ka tirsan dowladda Masar.
Ra’iisul Wasaare ku xigeenka dalka, wasiirka arrimaha dibadda, wasiirka
bii’ada iyo wasiiru dowlaha madaxtooyada ayaa madaxweyne Xasan Sheekh safarkaan
ku wehliya.
Xaalada Soomaaliya ayaa meel wanaagsan mareysa intii uu xilka hayay
Madaxweyne Xasan Sheekh Maxamuud, horumarkuna waa mid cad oo joogto ah
War saxafadeed kasoo baxay Wasaaradda Warfaafinta Soomaaliya ayaa lagu
sheegay in ciidanka Nabadsugida iyo Sirdoonka Qaranka Soomaaliya howlgalo
qorsheysan oo ay ka sameyeen deegaanka Galka Saalimoow oo ka tirsan gobolka
Shabeelaha hoose lagu dilay dagaalamayaal ka tirsan Al-shabaab.
Howlagalka ciidanka NISA ay ka sameeyeen deegaanka Galka Saalimoow ayaa la
sheegay inuu yimid kadib markii ciidanka ay heleen xog la xariirta in
dagaalamayaal ka tirsan Shabaab ay isku aruursanayeen deegaankaasi.
Warsaxafadeedka Wasaaradda Warfaafinta Soomaaliya ayaa lagu sheegay in
howlgalka inta uu socday lagu dilay 21-xubnood oo mid ah dagaalamayaasha kooxda
Al-shabaab, laguna dhaawacay 10 kale, islamar ahaantaana howlgalka uu ahaa mid
sidii loo qorsheeyay u dhacay oo looga hortagay dhamaan qorshihii Al-shabaab u
maleegayeen shacabka Soomaaliyeed.
Qoraalka kasoo baxay Wasaaradda Warfaafinta ayaa sidoo kale lagu sheegay in
afartii maalmood ee u dambeeysay Al-shabaab laga dilay ku dhawaad 200 oo ka mid
ah dagaalamayaashooda.
Afhayeenka Wasaaradda Gaashaandhiga Xukuumadda Fedaraalka Soomaaliya
Cabdullaahi Cali Caanood oo shalay shir jaraa'id ku qabtay magaalada Muqdisho
ayaa faahfaahin dheeraad ah waxa uu ka bixiyay dagaalkii Cuslaa ee maalin ka
hor ka dhacay deegaanka Ceelhareeri ee gobolka Hiiraan.
Afhayeenka ayaa warbaahinta ka hor sheegay in ciidamada dowladda iyo kuwa
deegaanka markii ay gudaha u galeen deegaanka Ceelhareeri ay la kulmeen dhacdo
la yaab noqotay oo uu ku sheegay in ciidamada iskaashanaya ay difaacyadii
Shabaabka laga saaray ugu tageen meydadka dhalinyaro toban toban isugu xiran oo
bam lagu qarxiyey, iyadoo qaarkoodna ay rasaas ku tiilay, isagoo arintaasi ku
tilmaamay inay cadeyneyso in la soo raafay dhalinyaradaasi.
"Ciidamada xoogga dalka waxay ku arkeen deegaanka Ceelhareeri arrin la
yaab leh oo aan horey noo soo marin dhalinyarada maleeshiyada Al-Shabaab oo
toban toban ka tiinad ugu xiran tahay xabadduna ku wada taalo qaarna bam lagu
qarxiyay ay ku dhinteen, ayay ugu tageen difaacyada shabaab, taasina waxay
daliil u tahay dadka inay soo raafeen oo ay soo qasbeen oo laga cararayo oo qof
walba rabo inuu ka cararo, maadaama ay qasbayaan” ayuu yiri Jenaraal
Cabdullaahi Cali Caanood
Wuxuu intaasi ku daray Afhayeenka Wasaaradda Gaashaandhiga Soomaaliya in tirada
boqolaalka ee Shabaab looga dilay dagaalkii ka dhacay Ceelhareeri ineysan wada
aheyn dhamaan dagaalamayaasha Shabaab oo ay ka qeyb ka ahayeen dhalinyaro lasoo
raafay, waa sida uu hadalka u dhigaye.
“Arrinta ka dhacday Ceelhareeri waxay muujineysa boqolka qof ka badan ee
dhintay ineysan wada aheyn Al-Shabaab” ayuu yiri Jenaraal Caanood.
Shalay ayay aheyd markii Wasaaradda Gaashaandhiga Soomaaliya ay shaacisay in
dagaalkii ka dhacay Ceelhareeri lagu dilay in ka badan 100 dagaalameyaal ka
tirsan Al-shabaab.
.jpeg)
