Madaxweynaha Jamhuuriyadda Federaalka Soomaaliya, Mudane Xasan Sheekh
Maxamuud ayaa Casuumad rasmi ah ka helay dhiggiisa dalka Masar mudane, Abdel
Fattah el-Sisi.
Marti-qaadka ayaa waxa dowladda Soomaaliya soo gaarsiiyey wafdi sare oo ka
socday dawladda Masar oo 7-dii bishan booqasho ku yimid Muqdisho iyaga oo kulan
la qaatay madaxweyne Xasan Sheekh Maxamuud.
Madaxweynaha Jamhuuriyadda Federaalka Soomaaliya Mudane Xasan Sheekh
Maxamuud ayaa uga mahadceliyey dowladda Masar garab istaagga buuxa ee ay u
muujisay Dowladda Soomaaliya.
Mudane Xasan Sheekh Maxamuud ayaa Masar gaari doona maalmaha inagu soo
aaddan halkaas oo uu kulan kula qaadan doono dhiggiisa Masar, iyagoo diiradda
saari doono xiriirka taariikhiga iyo walaaltinimo ee ka dhaxeeya labada dal,
waxaa sidoo kale ay ka hadli doonaan xaaladda gobolka ka soo cusboonaatay ee la
xiriira damaca liita ee dowladda Itoobiya.
Dawladda Masar ayaa safka hore kaga jirta dalalka sida weyn uga hor yimid
damaca gurracan ee Itoobiya ku raadinayso qayb ka mid ah dhulka iyo Badda
Soomaaliya, iyadoo dowladda Masar adkaysay in ay waajib tahay in la ilaaliyo
midnimada dhuleed ee Jamhuuriyadda Soomaaliya.
Madaxweynaha Soomaaliya Xasan Sheekh Maxamuud ayaa ka hadlay doorashada uu
markale ku guuleystay madaxweyne Saciid Cabdullaahi Deni ee maanta ka dhacday
magaalada Garoowe.
Madaxweyne Xasan ayaa hambalyo u diray madaxweynaha dib loo doortay ee
Puntland Saciid Cabdullaahi Deni, isagq oo u rajeeyey in uu ku guleysto
waajibaadka loo igmaday.
Sidoo kale wuxuu u rajeeyay dadka reer Puntland, maamul iyo bulsho-ba,
xasillooni buuxda iyo horumar, sida lagu yiri qoraal kasoo baxay Villa Somalia.
Madaxweyne Xasan Sheekh ayaa muujiyey sida dowladda federaalka Soomaaliya
ay uga go’an tahay in ay doorkeeda ka qaadato nabadda, wadajirka iyo horumarka
maamulka Puntland.
Ugu dambeyntiina wuxuu ku bogaadiyey musharraxiintii xilka madaxtinnimo,
guddiga doorashada iyo Golaha Wakiillada Puntland dadaalkii ay geliyeen sidii
ay u qabsoomi lahayd doorasho loo dhanyahay oo ku qabsoomta jawi nabadeed.
Dib u doorashada Deni ayaa kusoo aadeysay ayada oo weli halkiisii uu yahay
khilaafka xoogan ee kala dhexeeya dowladda uu hoggaamiyo madaxweyne Saciid
Deni, kaasi oo gaaray heer ay Puntland sheegtay inay u dhaqmayso sida dowlad
madax-banaan oo kale.
Si kastaba, Saciid Deni ayaa maanta mucaaradkiisa ka adkaaday, isaga oo
helay codad gaarayaa 45 cod, halka musharraxii wareegii u dambeeyay la
tartamayay ee Dr Guuleed Saalax Barre uu isna helay 21 cod.
Wasaaradda Qorsheynta, Maalgashiga iyo Horumarinta Dhaqalaaha Xukuumadda
Federaalka Soomaaliya ayaa maanta daahfurtay Istiraatiijiyadda Wasaaradda ee
shanta sano (2024-2028),
taasoo diiradda saareyso fursadaha iyo ka gudubka caqabadaha si loo gaaro
yoolalka horumarineed iyo ujeedooyinka istaraatiijiyadeed iyo xoojinta hawlaha
Wasaaradda ee dhinacyada horumarinta iyo isku-dubbaridka qorshaynta siyaasadda
horumarinta qaranka iyo qaybaha wax ku oolka ah.
Waxaa si rasmi ah Istiraatiijiyadda u daahfuray Wasiirka Qorsheynta,
Maalgashiga iyo Horumarinta Dhaqalaaha, Mudane Maxamuud Cabdiraxmaan Sheekh
Faarax (Beenebeene) iyo Wasiir Ku-xigeenka Wasaaradda, Mudane Maxamed
Cabdiqaadir Cali, iyadoo munaasabadda oo ka dhacday xarunta Wasaaradda ay ka
soo qeybgaleen Xildhibaannno ka kala tirsan labada Aqal ee Baarlamaanka
Federaalk Soomaaliya, Agaasimaha Guud, Agaasime Waaxeedyada iyo hawlwadeenada
Wasaaradda.
Istiraatiijiyadda Wasaaradda ee shanta sano waxay hubinaysaa in
Miisaaniyadda Qaranka iyo taageerada uu dalka ka helo bah-wadaagta horumarineed
ay la jaan-qaadaan mudnaanta horumarinta qaranka. Qorshahan oo ah hab wajiyo
badan leh ayaa mideynaya qorsheynta, isku dubbaridka, maalgashiga, iyo
iskaashiga istiraatijiyadeed si loo gaaro himilada Wasaaradda ee qorsheynta iyo
horumarinta dhaqan-dhaqaale oo waara.
Agaasimaha Guud ee Wasaaradda, Mudane Maxamed Shire oo faahfaahinayay
Qorshaha 5ta sano ee Wasaaradda ayaa sheegay in Istiraatiijiyadan ay hagi doono
hawlaha Wasaaradda, islamarkaana ay waafaqsantahay qorshaha Xukuumadda
Dan-Qaran.
Qorshahan ayaa ah mid lagu fududeynayo horumarka dhaqan-dhaqaale ee
Soomaaliya, isla markaana uu hormuud u noqon karo xaqiijinta himilada
Wasaaradda.
Madaxweynaha JFS Mudane Xasan Sheekh Maxamuud ayaa Khudbadii Jimcaha ee
kaga hadlay xadgudubka Itoobiya ee gobnimada iyo midnimada dalka iyo dadka
Soomaaliyeed.
Sidoo kale Xasan Sheekh ayaa ugu baaqay shacabka Soomaaliyeed meel kasta oo
ay joogaan in ay u midoobaan dhowrista sharafka iyo difaaca madax-bannaanida
iyo qaranimada dalka Soomaaliyeed.
“Waxan umahadcelinayaa shacabka Soomaaliyeed siday uga dhiidhiyeen meel
walba oo ay joogaan xadgudubka Itoobiya, waxaan rabaa in aan kaliyah caddeeyo
in dadka Soomaaliyeed ee waqooyiga Soomaaliya degan aad iyo aad ayaan ugu
kalsoonahay in aysan qabin dhulka Soomaaliya in qeybo ka mid ah la bixiyo,
sheekada lagu saleeyay is afgaradka waa dhul la bixiyay”.
Madazweynaha ayaa ku nuxnuxsaday in u yahay been abuur wax lagu tilmaamay
in la kireyay badda balse ay tahay heshiis lagu bixiyay dhulka oo Itoobiya
loogu gacan galinayay,waxa uu intaas ku daray in aan dhul la kirayn lagana
heshiin madaxweynuhu.
20KM oo Badda cas ka bilaabtah oo xudud beenadka Itoobiya gasha waa la
kireyay meel ay macquul ka tahay ma jirto,dadka waqooyiga
Soomaaliya degan raali kama ahaa oo waa ay nala soo hadlaan
masuuliyiintooda,shacabkana waan aragnay oo waa kuwaa taagan oo diidan,gayiga
dhulka Soomaaliyeed dadkii naga horeyayna ma bixin anaguna ma bixin kuwaa naga
danbeyana ma bixin karno, cid xaq uleh oo bixin karta 1Meter oo dhulka
Soomaaliyeed ah ma jirto,in nala hadalo ayaaba danbi ah,waxa sidaasi yirii
madaxweyne Xasan Sheekh.
“Dowladda Itoobiya isma aanan dooran in aan daris ahaano,waana la garanaya
tariikhdii na soo dhexmartay Itoobiya,intaan inagoo ka taag yar oo istacmaar na
haysto oo aanan dowlad ahayn ayeey dalkaan qaadan weyday oo ay marar badan isku
dayday mana ahaa midkii ugu horeyay isku daygaan oo u damaceedu ahaa in ay
Banaadir hawo ka gashay,ciidankeediina lagu jabiyay Balcad marka ay soo gaareen
oo dib loogu celiyay meeshay ka yimadeen intaasna waxay u maraysay sidii ay u
heli lahayd Badd.
Xage lagu arkay diyaarad iyo gacansi dhul lagu badalanayo imasa la arka
diyaarado caalamiyah oo qasaaray balse dhul laguma qaasaaro mana guuro,dhulku
waa dhaxal tooyo Awoowayaasheen laga soo gaaray,sida aan u dhaxalanay ayaa
nalooga sii dhaxalaya jiilba jiilka ka danbeya uga dhaxali doonaa,walaalayaal
dadka indheer garadka ah ee waqooyiga Soomaaliya degan dhul Soomaali ay
leedahay laguma badalan karo diyaarada iyo isgaarsiinta ay Itoobiyo iyagoo la
isku darayna laguma badali karo.”sidaas waxa yirii Xasan Sheekh.
Ra’iisul Wasaaraha Xukuumadda Jamhuuriyadda Federaalka Soomaaliya Mudane
Xamsa Cabdi Barre oo xarigga ka jaray Machadka Dacwadda iyo Daraasaadka
Islaamka, ayaa sheegay in machadkani looga fadhiyo in uu soo saaro aqoonyahan
diimeed oo bulshada ku haga jidka saxda ah ee ay shareecadu ina fareyso.
Mudane Xamsa ayaa tilmaamay in aqoonyahanka ka howlgalaya machadkani ay ku
yimaadeen tartan furan, taas oo ka tarjumeysa sida ay Xukuumadda DanQaranmudnaanta u siineyso daah-furnaan iyo in aqoon lagu tartamo.
Ra’iisul Wasaaraha ayaa xusay in xaruntani loo aas-aasay kobcinta diinta
Islaamka iyo in bulshada Soomaaliyeed ay helaan aqoonyahan faham buuxa u leh
axkaamta kala duwan ee shareecada Islaamka.
Ra’iisul Wasaaraha ayaa ku bogaadiyey Wasaaradda Awqaafta iyo Arrimaha
Diinta iyo Wasaaradda Waxbarashada, Hiddaha iyo Tacliinta Sare —hirgelinta
Machadka Dacwadda iyo Daraasaadka Islaamka, isaga oo faray in xaruntani ay
noqoto mid tayo leh oo u dhammeystiran yihiin dhammaan adeegyadii ay ku shaqeyn
lahayd.
Madaxweyne Abdel Fattah El-Sisi waxa uu taleefoon ka helay Madaxweynaha
Soomaaliya Xasan Sheekh Maxamuud.
Af-hayeenka rasmiga ah ee Madaxtooyada JSL, La-taliyaha Axmed Fahmy, ayaa
sheegay in baaqaasi lagaga hadlay xidhiidhka laba geesoodka ah ee u dhexeeya
labada dal iyo sidii loo horumarin lahaa iskaashiga wadajirka ah iyo sidii loo
sii wadi lahaa
isla markaana loo sii xoojin lahaa isku xidhka dhinacyada kala duwan si
waafaqsan taariikhda taariikhiga ah ee xidhiidhka labada dal. u dhexeeya labada
dal, baaqa ayaa sidoo kale taabtay xaaladaha gobolka.
“Labada Madaxweyne ayaa ka wada hadlay xoojinta iskaashiga
taariikhiga ah ee Soomaaliya iyo Jamhuuriyadda Masar, iyagoo xusay muhiimadda
ay leedahay in la mideeyo dadaallada lagu wajahayo caqabadaha wadajirka ah ee
gobolka,” ayaa qoraalka lagu yiri.
Afhayeenka, ayaa ku macneeyay in Madaxweyne Sisi uu xaqiijiyay mowqifka
adag ee Masar ay ka taagan tahay inay garab istaagto walaalaha Somaliya, ayna
ka taageerto amnigeeda iyo xasiloonideeda.
Xasan Sheekh Maxamuud iyo Cabdifitaax Al-siisi ayaa ku balamay inay
adkeeyaan iskaashiga labada dowladood ee Soomaaliya iyo Masar, iyadoo loo
midoobayo caqabadaha gobolka.
.jpeg)
