dharbaaxo xanuun badan oo ku dhacdey Brazil

Xulka qaranka Brazil ayaa waxaa soo gaaray jug xanuun badan, kadib markii uu waayay mid ka mid ah ciyaartoydiisa ugu caansan ilaa dhamaadkii koobka aduunka ee Qatar 2022.

Xulka qaranka Brazil ayaa isku diyaarinaya inay wajahaan South Korea wareega 16ka isniinta, waana musharaxa ugu cad cad ee u soo gudbay wareega 8da.

“Ilaha ku dhow ciyaaryahanka iyo xulka qaranka Brazil ayaa xaqiijiyay in Gabriel Jesus uu seegi doono inta ka harsan koobka adduunka” ayuu yiri Fabrizio Romano oo ah khabiir ku takhasusay suuqa kala iibsiga ciyaartoyda Yurub, isagoo ku qoray bartiisa bulshada.

Romano waxa uu intaa ku daray, "Ciise waxa uu ka cabanayaa xanuun jilibka ah, mana awoodi doono in uu ku soo laabto ciyaaraha ka hor bisha January ee soo socota kooxdiisa England, Arsenal."

Arrinkuna kuma ekaan Jesus oo kaliya, iyadoo tababare Tite uu lumin doono daafaceeda Alex Telles.

Sida laga soo xigtay wargeyska “The Sun ” ee Ingiriiska, Alex Telles ayaa sidoo kale seegi doona kulamada Brazil ilaa dhamaadka koobka adduunka.

Wargeysku waxa uu tilmaamay in uu dhaawac halis ah ka soo gaaray jilibka, lagana yaabo in lagu sameeyo qaliin.

Xulka qaranka Brazil ayaa u soo baxay wareegii ugu dambeeyay ee qiimaha isaga oo ku hogaaminaya Group-kooda 6 dhibcood inkasta oo ay gool la’aan guuldaro kala kulmeen Cameroon shalay oo jimco ahayd wareegii saddexaad ee heerka Groupyada.