Jurgen Klopp ayaa ku qasban in uu isku diyaariyo kulanka ugu xun kulanka Unai Emery ee lugta labaad

 

Klopp: Tani waa waxa ay tahay inaan sameyno si aan uga gudubno Villarreal adag

Tababaraha kooxda Liverpool ee Jurgen Klopp ayaa Isniintii sheegay in kooxdiisu ay qabatay kala badh shaqada kulankii semi-finalka Champions League ee ay la ciyaareen Villarreal, waana inay isku diyaariyaan kulanka ugu xun kooxda Unai Emery ee lugta labaad.

Liverpool ayaa lugtii hore 2-0 ku soo badisay garoonka Anfield, waxaana ay badiyeen kulan kasta oo ay martida ahaayeen tartanka xilli ciyaareedkan, laakiin Emery ayaa boqolkiiba 84 guul gaaray isagoo tababare ah kulamadii bug baxa Yurub tan iyo 2010kii.

“Kuma badin ciyaaraha anagoo is difaacnay kuna tiirsaneynay weeraro rogaal celis ah,” Klopp ayaa u sheegay suxufiyiinta ka hor kulanka Talaadada ee lugta labaad ee Spain.

“Waxaan isku daynay inaan u ciyaarno qaabkeena, waana inaan mar kale sameynaa, waa inaan u diyaar garownaa inaan dhibtoono oo aan wajahno cadaadiska kooxda naga soo horjeeda oo aan difaacno mararka qaar laakiin guud ahaan wadadayada ma ahan”.

Liverpool ayaana sanadkan kaliya hal jeer lumisay iyada oo raadinaysa 4 koob oo aan horay loo arag.

“Waxaan sameynay waxyaabo sax ah dhowrkii bilood ee la soo dhaafay” ayuu yiri Klopp, “Dhibaatada hadda jirta ayaa ah in wax walba ay si fiican u socdaan laakiin wax walba waa ay isbedeli karaan hadii aad hal qalad sameyso kulanka soo socda”.

"Waxaan ku jirnaa xilli wanaagsan, laakiin maxaad sameyn doontaa haddii aad 2-0 kaga badiso meel ka baxsan guriga?

“Waxa ay isku dayi doonaan in ay u ciyaaraan si ka fiican lugtii hore, Unai dabcan waxa uu isku dayi doonaa in uu xakameeyo waxyaabaha qaar, waxa ay noqon doontaa kulan xiiso leh, bislaada waa muhiim laakiin maahan qodobka kaliya ee lagu guulaysan karo”.

Klopp ayaa sheegay in weeraryahan Roberto Firmino uu bilaabay inuu ordo mar kale ka dib dhaawac cagta ah, laakiin uu weli xanuun dareemayo oo uusan ka qeyb qaadan doonin ciyaarta.