Ra’iisul Wasaare Xamse oo shir deg deg ah la qaatay dhinacyada amniga kadib Qaraxyadii Baladweyne

 

shaley oo Isniin ah, Ra’iisul Wasaaraha Xukuumadda Federaalka ah ee Soomaaliya, Xamza Cabdi Beerri, ayaa shir guddoomiyey kulan deg deg ah oo looga hadlay xaaladda ammaan ee magaalada Beledweyne ee gobolka Hiiraan, oo ay ka dhaceen qaraxyo ay Al-Shabaab ka geysatay magaaladaas, kuwaas oo sababay dhimasho iyo dhaawac. , oo uu ku jiro wasiirka caafimaadka, iyo burbur hantiyeed.

Ra’iisal wasaaraha ayaa sheegay in qaraxyada ay kooxda nabad diidka ah ku qaadeen magaalada Baldwin ay tusaale u tahay in ay ka hortagi waayeen ciidamada ay kula dagaalamayaan goobaha dagaalka, maadaama ay beegsadaan dadka rayidka ah.

Kulanka ayaa lagu lafa guray guud ahaan howlgallada dib u xoreynta ah ee ka socda qaar ka mid ah gobollada dalka.

Sidhookale Madaxweynaha Soomaaliya Xasan Sheekh Maxamuud ayaa cambaareeyay qaraxyadaasi, isagoo tacsi u diray ehelada dadkii ku dhintay qaraxaasi, isagoo sidoo kale amray in dowladda Federaalka ay daweyn u fidiso dadkii ku dhaawacmay qaraxaasi.

Madaxweynaha ayaa ugu baaqay laamaha amniga dowladda federaalka iyo kuwa nabad sugidda dowlad goboleedka Hirshabeelle in ay ka digtoonaadaan oo ay ka hortagaan falalka ay maleegayaan Al-Shabaab oo laga yaabo in ay geystaan ​​weeraro ismiidaamin ah kadib markii looga adkaaday goobaha dagaalka.

Madaxweynaha ayaa kula dar daarmay shacabka Hirshabelle in ay xoojiyaan midnimada, islamarkaana ay sii wadaan la shaqeynta ciidamada Soomaaliya si loo dhameystiro xoreynta deegaanada ay maleeshiyaadka ka soo abaabulaan weerarada.

Dhinacakale Kooxda Al-Shabaab ayaa sheegatay mas’uuliyadda qaraxyadan, waxaana afhayeenka maleeshiyada kooxdan Cabdicasiis Abuu Muscab uu sheegay inay ahaayeen kuwa is-miidaamin ah.

Beledweyne waxay xuddun u ahayd abaabulka dadka degaanka ah ee ka dhanka ah Al-Shabaab oo ciidanka dawladda iyo maleeshiyaadka degaankaas tuulooyin badan uga qabsadeen Al-Shabaab.

Qaraxyadan ayaa imanaya ayada oo gobolka Hiiraan ay ka socdaan howlgallo xooggan oo kooxda Al-Shabaab looga xoreynayo gobolka. Howlgalladan oo hadda socda muddo bil ku dhow, ayaa waxaa Al-Shabaab looga saaray deegaano badan.

 

 

Read More

Dowladda Soomaaliya iyo Hay,adda IMF oo shir uga furmay Magaalada Nairobi

 

Shir uu hoggaaminayo Wasiirka Wasaaradda Maaliyadda Soomaaliya oo ay qeyb ka yihiin Hay'adda Lacagta Adduunka ee IMF iyo Bangiga Adduunka ayaa maanta ka furmay magaalada Nairobi ee caasimadda dalka Kenya.

Shirkaan ayaa diiradda lagu saarayaa arrimaha dib-u-habeynta Maaliyadda, dib u eegista  sharuudaha barnaamijka Deyn Cafinta Soomaaliya, heerka siyaasadda dhaqaalaha, iyo nidaamka Maamulka Guud ee Maaliyadda dalka ee loo soo gaabiyo (PFM).

Wasiirka Maaliyadda Soomaaliya Dr. Cilmi Maxamuud Nuur, wuxuu sheegay in shirkaan oo ah wajigii labaad oo ay soo qabanqaabisay Hey'adda Lacagta Adduunka IMF, si weyn loogu lafa-guri doono heerka siyaasadda dhaqaalaha iyo dib-u-habayntiisa.

Shirkaan oo socon doono muddo lix maalin ah ayay ka soo qeyb galeen Wasiirka Qorshaynta, Guddoomiyaha Bangiga Dhexe, qaar ka mid ah Hey'adda dowladda Federaalka iyo wakiillo ka socda Hey'addaha calaamiga ah ee dhaqaalaha adduunka.

“Waxaan diiradda saaraynaa si aan wadajir uga shaqayno xoojinta dhaqaaleheenna mustaqbal ka dhaw. Waxaan u mahadcelinayaa hay’adaha Dowladda ee shirka nagala soo qeyb galay, sida Wasaaradda Qorshaynta, Bangiga dhexe, Xafiisyada Ra’isul Wasaaraha iyo Madaxtooyada." Ayuu yiri Wasiirka Maaliyadda Soomaaliya.

Bartamihii bishii Agoosto 2022 ayuu wajigii 1-aad ee shirkaan ka dhacay magaalada Istanbul ee dalka Turkiga, Hay’adaha dhaqaalaha caalamka oo ay hoggaan u tahay IMF, ayaana diiradda saaraya sidii looga dhabayn lahaa hannaanka dib-u-habeynta Maaliyadda.

Barnaamikja Dayn cafinta ayaa ah mid ka mid ah howlaha adag ee hor yaalla maamulka Madaxweyne Xasan Sheekh Maxamuud, waxaana la filayaa in wajigiisa ugu danbeeya la soo laabo inta uu xafiiska joogo, sida uu sheegay markii la doortay kadib.

 

Read More

Madaxweyne Xasan Sheikh: Farxaan Qoroole wuxuu ahaa geesi ay ka go’anayd in uu Shabaab ka xoreeyo dalkiisa

 

Madaxweynaha Soomaaliya Xasan Sheekh Maxamuud ayaa Masjidka Shuhadada ee madaxtooyada kaga qeyb galay salaadda Janaasada taliyehii qaybta guud ee boliiska gobolka Banaadir, Sarreeye Guuto Farxaan Maxamuud Aadan oo ku geeriyooday dagaalkii kadhacay deeganno ka tirsan Shabeellaha Dhexe.

Madaxweynaha Soomaaliya ayaa tilmaamay in Marxuum Farxaan Maxamuud Qoroole uu ahaa geesi ay ka go’anayd in uu Shabaab ka xoreeyo dalkiisa, wuxuuna sheegay inuu noqday halyay u shahiiday isagoo haya jidka sharafta badan.

“Dadka Soomaaliyeed maanta waxa ay leeyihiin hal cadow oo ay tahay in ay cudud iyo caqliba u mideeyaan. Caqli saliim ah ma ahan in aynu aqbalno ficilladooda gumaadka ah. Qofkasta oo Soomaaliyeed waxaa waajib ku ah in uu doorkiisa ka qaato dagaalka ka dhanka argagixisadaas,” ayuu yidhi madaxweyne Xasan Sheikh.

Madaxweyne Xasan Sheekh Maxamuud ayaa sheegay in ay damiir xumo tahay ganacsatada hantidooda sida baadda ah u siiya  Alshabaab, taasoo uu sheegay inay ku maalgeliyaan dhagarta ay Alshabaab ku gumaadaan shacabka Soomaaliyeed ee birmi-gaydada ah.

Madaxweynuhu wuxuu sheegay in aysan dowladdu aqbalayn arrinkaas,  islamarkaana lala xisaabtami cid kasta oo Alshabaab ku maalgalisa dhaqaale ama siyaabo kale ula macaamisha.

Madaxweyne Xasan Sheekh ayaa sidoo kale ballan qaaday in ay garab istaagi doonaan ciidamada iyo shacabka Soomaaliyeed ee la dagaalanka argagixisada

 

Read More

Madaxweyne Soomaaliya Xasan Sheekh oo qoraal kasoo saaray dilka Jeneraal Farxaan Qaroole

 

Madaxweynaha Soomaaliya Mudane Xasan Sheekh Maxamuud ayaa ka hadlay geerida taliyihii booliska gobolka Banaadir Jeneraal Farxaan Maxamuud Aadan (Farxaan Qaroole) oo maanta lagu dilay qarax ka dhacay deegaanka Basra ee gobolka Shabeellaha Dhexe.

Madaxweynaha ayaa ugu horeyntii shacabka Soomaaliyeed iyo Ciidamada Qalabka Sida uga tacsiyeeyay geerida ku timid taliye Farxaan Qaroole iyo askar ka tirsan Ciidanka Xoogga Dalka Soomaaliyeed oo ku shahiiday dagaalkii saaka ka dhacay deeganno ka tirsan Shabeellaha Dhexe.

Madaxweynaha ayaa tilmaamay sida ciidamada geesiyaasha ah ee Soomaaliyeed ay uga go’an tahay in ay xoreeyaan dalka oo ay nolol karaamo leh ugu noolaan lahaayeen dadkoodu ama in ay u shahiidaan iyagoo gudanaya waajibaadkaasi qaran.

Waxa uu sheegay in Sarreeye Guuto Farxaan Maxamuud Aadan, Alle ha u naxariistee uu lahaa go’aan naf hurnimo, kaasi oo uu ku shaqeeyey maantana u shahiiday.

“Sarreeye Guuto Farxaan Maxamuud Aadan iyo askartii kale ee la shahiidday waxa ay waqtigoodii iyo naftoodooba u hureen sidii ay nabad ugu noolaan lahaayeen shacabka Soomaaliyeed, waxayna dadaal badan galiyeen sidii Soomaaliya looga sifeyn lahaa kooxaha argagixisada ah.”

Madaxweynaha ayaa ugu dambeyntiina waxa uu Jeneraal Qaroole iyo askartii kale ee la shahiidday maanta Alle uga baryay naxariistiisa Jannatul Fardowsa, qoyskii iyo ehelladii ay ka tageenna sabur iyo iimaan in uu ka siiyo.

 

Read More

Messi wuxuu jebiyaa inkaarta sannadihiisa caatada ah

 

Laacibka reer Argentina ee Lionel Messi ayaa labadii sano ee la soo dhaafay ku jiray xaalad qurux badan iyo dhalaal.

Messi ayaa xariga ka jaray, wuxuuna koobkiisii ​​ugu horeeyay u qaaday dalkiisa xagaagii sanadkii hore ee 2021, isagoo la wareegay Copa America markaasoo ciyaartoyda Tango ay garaaceen Brazil oo ah marti gelinta tartanka, ciyaartii ugu dambeysay.

Leo waxa uu ka faa’idaystay socodkii xooganaa ee ay sameeyeen xulka qaranka Argentine ee uu hogaaminayay tababarahooda da’da yar ee Lionel Scaloni isaga oo gaadhay 35 kulan guul daro la’aan, si uu isugu sharaxo musharaxa adag ee u tartami doona koobka aduunka ee soo socda ee Qatar.

Labadii ciyaarood ee bishan, xiddiga Paris Saint-Germain ayaa 4 gool ka dhaliyay wadamada Honduras iyo Jamaica, isagoo dhaliyay 90 gool 164 kulan oo uu la ciyaaray Argentina.

Sanadkii labaad oo xiriir ah, Lionel Messi wuxuu ku guuleystay inuu ka faa'ideysto jadwalka Sebtembar, isagoo dhaliyay seddexley Bolivia isla bishii hore ee sannadkii hore, isreebreebka Koobka Adduunka 2022.

Guud ahaan Lionel Messi ayaa dhaliyay 15 gool. Kulamadii uu la yeeshay kooxdaTango bishii Sebtembar, tan iyo markii uu bilaabay xirfadiisa caalamiga ah Agoosto 2005 ee Jose Pekerman.

Bishii Sebtembar 2005, Messi ayaa ku guuldareystay inuu gool ka dhaliyo Paraguay isreebreebka Koobka Adduunka, waxaana muuqaalkan soo noqnoqday sannadihii 2006 iyo 2007 labo kulan oo saaxiibtinimo oo ay la ciyaareen Brazil iyo Australia.

Xiddiga reer Argentine ayaa xaalad isku mid ah soo maray Sebtember 2008 iyo 2009 4 kulan oo uu la ciyaaray Paraguay, Peru iyo Brazil isreeb reebka koobka adduunka 2010.

Lionel Messi ayaa bishii September gool ka dhaliyay Spain ciyaar saaxiibtinimo 2010, ka dibna ciyaartii Sannadkii 2011 ka dib waxa uu ku turunturooday laba ciyaarood oo saaxiibtinimo oo ay la ciyaareen Venezuela iyo Nigeria.

Dhinaca kale, xiddiga reer Argentina ayaa ku qancay gool uu ka dhaliyay Paraguay, mana uusan ka tagin wax gool ah kulan kale oo ay la ciyaareen Peru bishii Sebtember 2012-kii, labo wareeg oo isreebreebka Koobka Adduunka ah, halka uu labo gool ka dhaliyay Paraguay bishii September 2013-kii. isla isreebreebka.

Sebtembar 2015 wuxuu ku faraxsanaa "Flea", isagoo dhaliyay 3 gool laba kulan oo saaxiibtinimo oo uu la ciyaaray Bolivia iyo Mexico, sannad ka dib waxa uu gool ka dhaliyay Uruguay isreebreebka Koobka Adduunka.

3 sano oo xiriir ah: 2017, 2018 iyo 2019, calaamadda Lionel ayaa ka maqneyd Argentina ka hor inta uusan dib u helin dareenka gooldhalinta labadii sano ee la soo dhaafay ka dib masiibada Corona.

 

Read More

Madaxweynaha Jamhuuriyadda Federaalka Soomaaliya Mudane Xasan Shee Maxamuud

 

Xasan Sheekh oo kulan la yeeshay madaxda ugu sareysa WFP

 Madaxweynaha Jamhuuriyadda Federaalka Soomaaliya Mudane Xasan Shee Maxamuud ayaa Madaxtooyada Qaranka ku qaabilay wafdi uu hoggaaminayo Madaxa hay’adda Cunnada Adduunka ee WFP Mudane David Beasley.

 Madaxweynaha ayaa la wadaagay David Beasley dadaallada ay Dowladdu ku bixineyso wax ka qabashada xaaladaha deg dega ah ee ku saaban arrimaha gurmadka abaaraha iyo kaalinta looga baahan yahay hay’adaha Caalamiga ah ee ay ka mid tahay WFP, iyadoo mudnaanta la siinayo qorsheyaasha Soomaaliya looga gacansiinayo in ay ka guurto marxaladda ku-tiirsanaanta gargaarka bini’aadannimo si loogu gudbo horumar waara iyo xaqiijinta isku filnaansho buuxda oo uu gaaro dalkeenna.

 “Shacabka iyo dowladda Soomaaliyeed waxaa ka go’an xaqiijinta in dalkeennu uu gaaro horumar dhaqaale, amni iyo bulsho dhan kasta isaga filan, hannaanka kaliya ee lagu miro-dhalin karo waa in aan soo afjarno ku tiirsanaanta gargaarka, taas beddelkeeda aan xoogga saarno dhismaha kaabayaasha dhaqaalaha iyo wax-soosaarka dalkeenna.”

 Madaxweynaha Jamhuuriyadda Mudane Xasan Sheekh Maxamuud ayaa ku bogaadiyey hay’adda WFP taageerada iyo garab istaagga joogtada ah ee ay siiyaan shacabka iyo Dowladda Soomaaliyeed, isagoo ku adkeeyey xoojinta iyo sii wadista barnaamijyada maalgashiga, horumarinta wax-soosaarka gudaha dalka, kor u qaadidda qorsheyaasha kobcinta iyo hubinta tayada cunnada dalka.

 Dhankiisa, Madaxa hay’adda Cunnada Adduunka ee WFP Mudane David Beasley ayaa ballan-qaadday in Dowladda Soomaaliya ay ka taageeri doonaan wax ka qabashada abaaraha, caqabadaha ka dhashay isbeddelka cimilada, cunnayarida iyo hormarinta adeegyada muhiimka u ah dadka Soomaaliyeed.

Read More